القطري
20-08-2022 - 05:14 pm
السلام عليكم ورحمة الله وبركاته
كيف الحال الغالين
تقبل الله صيامكم وقيامكم
وعيدكم مبارك والله ايعيده عام وكل عام بأذن الله ..
اول امس كنا قاعدين انرتب الجدول للسفره في العيد ولي بتكون الأسبوع هذا ان شاءالله ..
وبعد ماخلصنا الجدول فقلت بدخل على مواقع النت الخاصه في القمم الثلجيه الي حاطينها في الجدول عشان اعرف كيف طريقة الوصول لها ووين اقدر اوقف السياره ...الخ
وكان من ضمن الجدول قمة مونت بلان + جلاسيير 3000
ودخلت موقع شامونيه الرسمي واخترت قمة مونت بلان وأتفاجأ ان القمة مغلقه في الفتره الي بنكون موجودين فيها
فقلت الحمدالله ان احنا شيكنا ولا كان راح علينا المشوار وماأستفدنا من الهدف الي احنا رايحين له
فقلت اشيك على جلاسيير 3000 وأتفاجأ أن بعد مغلق للصيانه
فأتمنى من جميع الي ايسافرون يتأكدون من الأماكن وخصوصاً القمم الثلجيه عشان مايخترب عليهم الجدول ومايتفاجئون من المستقبل ..
والله ايحفظ وايوفق الجميع ان شاءالله
