ايوه كلامك صح ميه ميه
انا كنت مستنيه اخلص الموضوع حق السفاره الاسبوع الجاي وانزل الموضوع دا
اتا رحت امريكا كتير بس كنت مع بابا وماعرف ايش اللى يعملو وفي مره سافرت لوحدي والمضيف هو اللى كتب الابليكشن حق الطياره وانا مدري عن شي
المره دي رايحه مع جوزي وخلاص الصغيره لازم تكبر وتعرف بنفسها ايش تعمل
افيدونا

اذكر كنا نازلين على مطار نيويويورك عن طريق الخطوط الاماراتيه
نزلنا على طول وقفنا في السير وكان شوي طويل لان فيه خطوط الاتحاد نزلت قبلنا وخخطوط ثانيه مدري ايش بس كانو كلهم اشكالهم شرق اسيا
بس كانت الكونترات كثيره ويمشي بسرعه
المهم كان الوضع ماشي وقفنا تقريبا ثلث ساعه وبعدها جاد دورنا وانا كنت من بعيد اطالع وجيه موظفين الجوازات انقي واحد طبعا موب على كيفي بس فيه ناس شكلهم حبوبين ويضحكون مع اللي قدامهم
جاء دورنا وحظنا مع واحد نفسه شينه بس مشت امورنا صح كان يأشر لنا بالحركات مدري ليه حاقرنا وطبعا الاخ جالس ياكل دونات ويشرب كوفي والسكر مليان على فمه ههه
طبعا الجوازات تيكون مرفق معها الاوراق اللي عبيتها في الطيارة
انا ختم على جوازي وقال ناخذ صورة بس لازم تنزلين جزء من حجابك شوي عشان تتطابق مع صورة الجواز مع ان صورتي كانت بحجاب بس مدري حركات
طبعا فيه ملفات عنده احمر - اصفر - اخضر ( مدري وش معناة كل واحد )
انا عطاني جوازي وقال مع السلامه
زوجي ارفق جوازه واوراقه في ملف اصفر وقال ادخل داخل عند موظف الجوازات
رحت انا داخل اخذت الشنط
وزوجي جلس ساعه ونص مدري ايش يسوي طلع اخيرا وقال مافي شي مجرد اسئلة عاديه بس كان زحمه داخل
طلعنا وكنا نحسب فيه تفتيش وحركات وصار مافي شي ولاشي طلعنا وخلاص هذا كل شي صار
بس اتوقع الملفات اخطر شي الاحمر

انا اخر سفره نزلت في مطار جون كندي.. اول ما نزلت من الطياره اتجهنا "كل "كل المسافرين" الى موظفين الجوازات في مسارات خاصه للامريكان و مسارات للمسافرين من الجنسيات الثانية. لمن يوصلك الدور احد الموظفين يقولك روح لكاونتر رقم الفلاني تروح له ويسوي لك اجراءات دخول عاديه ياخذ بصمه و صوره. و علشان انا سعودي ولي تسجيل دخول خاص يحط اوراقي و جوازي في ملف ويطلب مني ادخل الى مكتب موجود على اليسار. دخلت المكتب فيه كراسي و ناس جالسه اغلبهم عرب. اعطيت ملفي للموظف وجلست انتظر. و بعد فتره نادوا اسمي ورحت للموظف الي ناداني و سالني عن بعض المعلومات منها عن بطاقه الكريديت كارد. في ناس يخلصون اجراءاتهم بالمكتب هذا و بعضهم يطلبون منهم يرجع لاحد الكاونترات الي بره في موظفين يساعدونهم. ولمن تخلص اجراءات الجوازات تروح تستلم العفش تقريبا راح تلاقيه جنب السير لان العالم اخذوا شنطهم ومشوا وقت الانتظار عن الجوازات. و لازم تكون معك ورقه الجمارك و تروح للموظف و راح يسالك وش جبت معك اكل هدايا وغيرها. انا الحمد لله ما طلبوا مني افتح الشنط كانت اجراءاتهم سهله. وبعدها مشيت وطلعت لصاله الاستقبال. مطار جون كينيدي كبير وفيه اكثر من صاله "9 صالات ما ادري اذا كانت كلها للعامه" وبعدها اذا كان عندك رحله مواصله تتوجه للصاله الي فيها رحلتك. واذا كانت وجهتك نيويورك تطلع وتلاقي مسار للتكاسي او محطه القطار الي يربط الصالات مع شبكه القطارات في نيويورك. و ينصحون الواحد انه ما يركب مع ناس ما يعرفهم. لان في ناس تتكس عند المطار.

للإحاطة فقط
تسجيل الدخول ليس خاصا بالسعودي فقط بل هو يسري على جميع الأجانب وحتى الدول الأوروبية . وهو ما يعرف ببرنامج Nseer
الاجراءات سهلة جدا ..لكن المشكلة أن بعض المسافرين لا يجيد اللغة مما يجعله يقع في حرج من كثرة أسئلتهم وكذلك هم يتضجرون ، ويقضون وقتا طويلا في ذلك .

قصة سفر
الي اقصده تسجيل دخول خاص "يسمونه سبيشل رجستريشن" انا رحلتي كانت على KLM ما دخلوا الاجانب للمكتب كانت اجراءاتهم تنتهي مع موظف الجوازات العادي و يمشون. و اما الي كانوا داخل الغرفه اغلبهم عرب وفي قليل غير العرب. حتى لمن نبي نطلع من امريكا الي مسوي تسجيل دخول خاص لازم يمر مكتب الجوازت قبل ما يغادر امريكا. وهالمكتب صغير جدا وما يروح له الا الي مسوي "تسجيل دخول خاص" واما المسافرين العاديين يرحون البوابه وشركه الطيران تسحب I94 فقط.
وعلى فكره الي مسوي تسجيل دخول خاص ما يقدر يغادر امريكا من اي مطار لازم المطار يكون موجود في لسته موجوده في موقعهم و مرات يعطون المسافر نسخه منها. انا اعطوني نسخه منها.
وحتى لمن طلعت لكندا الاسبوع الي فات عن طريق السياره مكتوب بالورق الي عندي اني لازم امر مكتب الجوازات. و اخذوا صوره لي و خلوني ابصم. مع ان الطريق ما فيه لا جوازات ولا شي تقدر تطلع بسهوله وتروح للجانب الكندي. بس احنا طالبين مننا اننا نروح للمكتب قبل.

السلام عليكم
هل هناك تسجيل دخول خاص لكل الجنسيات العربية؟
ام جزء منها ؟ وهل الامارات من ضمنها ؟:112:
اتمنى لا

اخي العزيز سامي ...
هذا موضوع كتبته اول ما وصلت مطار JFK في صيف 2007 من New york من الفندق
https://artravelers.com/p/re/141493
ان شاء الله يعجبك وتقريري بدايته يتكلم عن الوصول والمطار ...
Impact ومفاجئات الولايات المتحدة لصيف 2007م

:36_3_14::
6-3_16:
:36_3_3:
:36_3_9:
:smile106::smile106::smile106:جزاك الله كل خير يا اخي امباكت وجعله في ميزان حسناتك

أخي الكريم
قد تجد ما تطلبه في هذا الموضوع:
إجراءات المطار في أمريكا...خطوة بخطوة https://artravelers.com/p/re/118672