abusliman
22-02-2022 - 04:19 pm
اولا السلام عليكم .. ويمسيكم بالخير
اخوي الشاب سحرتني المدن اللي زرتها ال 48 ماشالله وماقدرت اصبر صراحه
وقررت انشالله اني اروح اسبانيا مع الزوجه انشالله بعد 3 شهور يعني تقريبا في نص او نهايه شهر ابريل
بس حبيت اسالك هل اقدر ازورك بالمكتب او اكتفي بطرح الموضوع هنا بالمنتدي
مع العلم اني بروح لماربيا 7 ايام
ومن ماربيا زياره المدن القريبه
ايه صح اخوي الشاب انابصراحه عندي تخوف من استجئار السياره مادري انت وش رايك؟
وهل المواقف عندهم بفلوس؟ والسواقه من اليمين ولا من اليسار زينا؟
وكم الميزانية المقترحه للفتره هذي ( مع العلم ان هناك هدايا بسيطه)؟
و عليكم السلام و رحمة الله وبركاته
حياك الله اخوي و يامرحبا فيك
أول شي نتشرف فيك و حياك الله في المكتب في أي وقت
و بالنسبة لإيجار السيارة صدقني ماانت خسران شي و بإمكانك تجرب اول يومين بدون سيارة و بعدها تحكم و انا متأكد انك راح تاخذ سيارة لأنك مو الأول اللي اقول له هذا الكلام و مو الأول اللي يتخوف من هذا الشي
و تذكر كلامي زين اما لو انك قايل لي ايجار سيارة في مدريد او برشلونة هناك راح انبهك و أقول لك لأ أولا لأنك ماراح تحتاجها ثانيا السواقة شوي صعبة هناك للي يروح اول مرة
بالنسبة للميزاينة راح تتحدد لما تحدد التاريخ بالضبط لكن بعد 3 شهور يعني ابريل ما راح تكون الأسعار غالية
و بالنسبة للسكن في ابريل موجودة جميع الأسعار فيه الرخيص و فيه الغالي لكن يعتمد على المكان اللي تبي تسكن فيه و مستوى الفندق