عبر قطار يورو ستار
القطار من ديزني الى لندن وطبعا لازم تكون في ديزني ( باريس )
بداية لدخول لندن لازم عندك فيزا لندن وهي غير الشنغن
وبعد التاكد من الصلاحية
تدش على اي موقع لحجز قطارات باي وقت قبل الرحلة ويفضل تختار وقت مبكر للحجز لان التذاكر تفرق بحدود 15 يورو من قرب موعد القطار ومن اي موقع رسمي وممكن من موقع
موقع
http://www.eurostar.com/uk-en
وتختار
Disneylan
d Resort (Marne-la-Vallée/Chessy)
to
London St Pancras Int'l
وتختار اليوم والقطار والرحلة وهو يعطيك عدة خيارات واسعار واوقات
ويفضل تختار الدايكرت ..لان في قطارات لازم تبدل منها وتنزل ومعاك جناطك صعبه اشوي ... انا اخترت الدايكرت ( المباشر ) وهي الاقصر مده
بعد اختيارك لكل ما سبق و لدرجه الكرسيوتدفع اون لاين عليك ان تختار الكراسي اون لاين بعد ما يوصلك ايميل تاكيد الدفع
وتالي
تروح بيوم الرحلة الى محطة القطار بتاكسي او بالباص او بالقطار قبل الوقت على الاقل بنص ساعة
وانا افضل التاكسي كله 15 يورو للعايله الكبيره
وتنزل منه باتجاه البوابه وبتلقى بنفسك بالارضى اسال اي شخص عن قطار لندن
وبيقولون لك ان تصعد مع جناطك للطابق الاول بالمصعد او بالسلم لمن ليس لديه جناط كبيره
وبس تصعد تلقى واحد رجال على كرسي
تعطيهم التذاكر والجوازات يجيك عليهم ويفضل الوصول قبل انطلاق القطار بنص ساعه على الاقل
وهم يتصرفون وتدخل جناطك للتفتيش الي هو على بعد 4 امتار من كاونتر الرجل بعد التاكد من صحة تذاكرك والاسماء
وبعد التفتيش تشيل بتشيل جناطك للقطار لو كانو 20 جنطه مهما كان حجمهم انت بتشيلهم
وتنزل الي بالدور الارضي للقطار وتسال عن موقع كرسيك والكابينه
وتدش وتجلس وتريح وينطلق الى لندن المسافه ممكن المسافة 3 ساعات الا ربع
وملاحظه حط اكل بجناطك لليهال ولك وممكن تشتري من القطار
وبعد ما توصل لندن ( يتوقف القطار بمحطتين لكن بدون تبديل للقطار قبل الوصول ل لندن كما اشرت لكم سابقا )
تتجه الى الجوازات بعد النزول من القطار وتتجه مع الناس ( حشرك مع الناس عيد )
وتعبي طلب الدخول الي موظف بلندن يعطيك ياه ويخليك تصف دور لكاونتر الجوازات وشناطك
معاك
ولا تنسى القلم تخليه معاك وانت واقف باللاين لانك بتعبي الكرت
وتسلم الجواز مع الكرت لموظف الكاونتر الي بالجوازات بعد ما يوصلك الدور
وتطلع بعد الانتهاء من الجوازات على اتجاه التاكسي ممكن لاجوار ردو او اكسفور بمبلغ 10 باوند يكلف التاكسي الواحد
وبالسلامه باذن الله