:222: سلام شباب
انا احب اسافر لوحدي :sad1:
اغلب الاوقات ليش ما ادري بس ما احب يكون معي احد واذا شفت احد منكم هنا هالصيفيه لايكلمني لاني ما اكلم احد يعرف عربي :55654:
عشان العرب هناك على قولتكم انحش عنهم :36_6_4:
مع احترامي للجميع امزح لحد ياخذ الموضوع جد
المهم انا قريت بالمنتديات ناس تقول روحوا للجبل وناس تقول الجبل مبالغ فيه
وناس تقول باندوق خرافيه وناس تقول باندوق ماتسوى تعبها
انا عندي كم سؤال لحد يقولي راجع موضوع فلان لاني لفيت لين دخت ولا طلعت بشي
اكثرهم كاتب انا رحت ورحت ورحت ولا كاتب سعر قاروره مويه يعني الاسعار مبهمه
المهم ارجو من اللي بيجاوبون بس يردون علي لحد يقولي على حسب وانت وصرفك وتقدر تصرف 100 دولاروتقدرتصرف 1000 دولار باليوم هذا اعرفه :112: انا ابي بالظبط حسبه كامله متكامله ي الين ما ارجع للبيت حتى لو تقولون لي سعر اللموزين اللي ياخذني من المطار ويرجعني للبيت
لحد يقولي لحالك ماتستانس ولازم تكونون شله انا استانس لو اروح للصمان لحالي من هالناحيه لاتشيلون هم
اللي يقدر يجاوب على الاسئله ويكون وسيع صدر لاتخلي شي فاضي يمكن نعطيك من هينا من هناك درجه
اذا مافيه مكان جاوب خلف الورقه
الاسئله كالتالي
1- املأ الفراغ بالمبلغ المناسب
أ - السكن في جاكرتا بفندق من اللي تروحون لها من 3 الى اربع نجوم السعر هو ........... اسم الفندق هو .............
ب-الذهاب الى بالي عن طريق ........... والسعر هو .......... طريقه اخرى تذكر ............. وسعرها ........
ج- اسعار السكن في بالي في فندق من ثلاث الى اربع نجوم هو ............. واسم الفندق هو ..............
د- اسعار الاكل في كل من جاكرتا وبالي باليوم هو............. اكل مناسب يعني بمستوى نقول كنتاكي
لحد يقولي رح بوفيه مفتوح لاني باكل حمص وورق عنب شوفولي تقريبا السعر كم
ه - المنتزهات في جاكرتا هي ................... و..................... و.......................
اسعار الدخول لكل واحده تقريبا .................
اسعار رحلات القوارب تقريبا تكلف ............... المتجهه الى .................... ومده الرحله هي ................. هل اسكن في الجهه التي يذهب لها او لا ...............
السؤال الثاني
الاجابه بنعم او استريح
1- السفر لوحدي عادي ومب ضروربي احد يرز خشته معي ؟
2- التنقل خارج جاكرتا مع اني بجلس من 10 الى 15 يوم ؟
3- بالي تستاهل اني اروح لها او اجلس بجاكرتا دام انا لحالي ؟
4- باندوق مع انها مشوار شوي بس اشيلها من دماغي و استمتع في جاكرتا والجبل؟
5- الجبل اروح له ولا لا ؟
6- التنقل خطر في الليل في جاكرتا من الناحيه الامنية ؟
7- نهاية يوم المسافر في جاكرتا ممكن ان تمتد في خارج السكن الى الساعه 12 ليلا بدون اي مشاكل امنيه ؟
هل توجد شاليهات على البحر بأسعار حلوه وهي تكون نظيفه يعني بحدود 200 الى 250 ريال وتغني عن سكن الفندق ؟
السؤال الثالث :
1- عبر عن جاكرتا باربع سطور مع ذكر اهم المواقع اللي لازم ارز خشتي بها ولا تفوتني
2- هل هناك بديل او منطقه قريبه لجاكرتا تكون نفس الهيصه - الهيصه = الوناسه التمشي التسوق الفرفره - ونفس الاسعار واقيم فيها بدل جاكرتا الله الموفق
مدرس الماده
رقم المقعد A49لحد يبخل علي بارقام سواقين ثقه اذا عنده على الخاص