في خدمتك يا غالي
و الاخوة جاهزون لكل استفسار
يفد اليهم من السائلين الأكارم
كل من هنا سيرشح لك بونشاك بكل صدق و عن تجربة
حيث انها منطقة جبلية رائعة جميلة فاتنة متكاملة ...
أعتقد ان اسبوع قليلة جدا في حق اندونيسيا
و الأفضل ان تجعلها 10 ايام على اقل تقدير ( غير يومي السفر )
يوم في جاكرتا
7 ايام في بونشاك .. تقفز يوما واحدا منها الى باندونق و تعود لبونشاك مساءا ..
و قد تزور في هذه السبعة ايام سوكابومي و شيانجور ...
لكن قبلها قم بزيارة حديقة الزهور تامان بونقا , و حديقة الحيوانات
تامان سفاري , و منتجع شيبوداس , وشلالات شيليمبر
ومصنع الشاي ومزارع جوار مسجد التعاون , و بسطات مسجد التعاون
و حديقة القرود ( تيلاقا وارنا ) ..
هذه الايام و الشهر القادم لن تجد حجزا على السعودية
حاول على القارودا و لو انتظار و سيتأكد يا غالي , لكن عند العودة
قبل العودة بخمسة ايام روح لمكتب القارودا في شارع مرديكا و اكد الحجز
نوصيك ونوصي كل الاخوة الراحلين المحبين لتلك البلاد بتقوى الله
عز و جل ..

اخوي كلام الغالي الطائر الجريح صحيح
اذا اسبوع ترى مايكفي لأنة بيكون يوم ذهاب ويوم عودة يتبقى 5 ايام ماتسوي شئ ,اذا مضطر فعليك بقضائها في الجبل بونشاك وعليك بزيارة سفاري وبحيرة ليدو والبراشوت والشلالات وحديقة الزهور وخصص يوم بالذهاب الى باندونق لزيارة البركان والمياة الحارة والرجوع في الليل الى بونشاك والله الله في التيوس هناك تراها طيبة........
وعليكم بالصلاة يأخوان الله الله فيها
ورحلة سعيدة

حبيبي الغالي ... اذا تدور الهدو والسكينه وجمال الطبيعه فلا تخرج من البونشك ابد واسبوع يالله الخراج فيها . يمكن ما تكفيك تشوف معظم الاشياء لكن فيه اشياء اساسيه لازم تروحها في البونشك اذا كنت ناوي على البونشك ..
اول يوم اول ما توصل لمطار جاكرتا اسكن في اي فندق في جاكرتا لمدة يوم لانك لازم تزور السنماء الرباعية الابعاد وملاهي دنياء فنتازيا وحديقة الماء ... والله ما يمديك يوم تزورها لكن نقي وحده وزورها ... اليوم الثاني سلم شقتك وذبها على البونشك 40 دقيقه وانت هناك ... لا تسكن الا في مجمع القولف رايق بالمره تاخذ فله ولا احلا
في البونشك ... لازم تزور حديقة الحيوانات .. والشلالات السبع ... وتركب البرشوت ... وتزور حديقة الزهور ... وتروح تتغدى في البحيره الكبيره على القارب .
والله مدري 6 ايام تكفي والا لا لكن حاول سريع سريع تصحى بدري وتخلص امورك
وبالتوفيق

الطائرالجريح
يسلمك ربي يالغالي ...
والله لايهينك وبيض الله وجهك وكثر الله من امثالك ..
والله ان كان الود ودي جلست شهر لكن ظروف العمل ما تسمح والاسرة كذالك تبي السفر ..
ربي يطول لي بعمرك يالغلا ولا هنت ورايتك بيضاء ..
وجزاك الله الف خير على هالنصحية .. وان شاء الله يبعدنا عن طريق الرداء ..
اكرر شكري وتقدير وحبي لك ..

أستجمام
حياك ربي يالغالي ..
لاهنت على هالاضافة وهالمشاركة وجزاك الله الف خير ..
ان شاء الله نروح .. للي قلته لنا ..
لا ان شاء الله ما يحتاج الصلاة قدام عيوننا .. يالغلا ..
وبيض الله وجهك على هالطلة وهالنصحية ..

saeed4
هذا اكيد ما ابي الا الهدوء والابتعاد عن الزحمة ودوشة الراس ...
لانني من جد واصل حدي ..
ان شاء الله تعالى بروح للي قلته وجاري نسخه للطباعه ..
يا رجال خلها على ربك .. زين ان فيه اسبوه بس لا يسحبونه ..
ربي يعطيك العافية ويجزاك الف خير على هالمبادرة والمساعده
ولاهنت يالغلا وربي يحفظك ؛؛