نصيحة مجرب 00
لا تتعدى المريديان ( حلو + سعر معقول + نظيف + خدمات متكاملة + قريب من المارين ) 000

المريديان مثل ما تفضل اخوي العالم
وكان ما حصل جنبه سوفيتيل
وكان ما حصل شوف الجهه الثانية من المحطة فندق ايدين
وانتبه من nhلاتتورط فيه .

طيب وش رايكم بفندق ماريتيم عند محطة القطار
انا حجزت فيه وهذي أول مرة أطلع لميونخ
اللي يعرفه لايبخل علي برأيه

فندق الماريتيم ممتاز جدا في رايي من ناحية الموقع والغرف

وشرايكم في فندق اربيلا قراند شيراتون

اللومي
بعيد والشوارع اللي حوله فيها تحولات واصلاحات

المريديان ممتاز
وهذي صورته

اخوي هذي تجربتي مع الفنادق هذي السنة يمكن تفيدك :
1- في فينا فندق هوليدي ان ساوث صحيح انه بعيد يعني بالباص 15 دقيقة عن السنتر لكنه فندق هادي ورايق وفطوره جيد والانترنت فيه مجاني وموقف السيارات فيه ب16 يورو فقط وتعامل الموظفين ممتاز واعطيه 8من10 .
2- في سالزبورغ فندق رينيسانس فندق اكثر من رآئع غرفته واسعة , اثاث فخم جدا , افطار ممتاز جدا ,المواقف ب17 يورو تقريبا , قريب من محطة الباصات والقطار والمطاعم , تعامل الموظفين ممتاز واعطيه 10-10 .
3- في زيلامسي فندق لاتيني يبعد عن البحيرة 5 دقائق بالسيارة وبصراحة مافرقت معاي لاني مستأجر سيارة لكن منطقته هادية وغرفه متوسطة الحجم وفطوره جيد جدا , ويوجد حوله مواقف مجانية بس من سبق لبق , اثاثه جيد جدا والانترنت فيه الساعة ب4 يورو واعطيه 6-10 .
4- في ميونخ فندق لي ميريديان بصراحة فندق فوق الخيال خصوصا اني ماخذ فيه غرفة رجال اعمال يعني ممكن تلعب فيها كورة الاثاث فخم جدا , شاشة التلفاز يمكن 43 بوصة , الافطار ممتاز بس الصالة صغيرة وبعض الاحيان تجلس تتنتظر وشكلك يصير بايخ قدام الناس بس اليوم الثاني فتحو صالة ثاني وحلو المشكلة ,استقبال ممتاز , بصراحة فندق يهتم بالعرب فيه موظفين عرب كثير ورئيس خدمات السياحة للعرب اسمه اسماعيل وهو اردني ومايبخل عليك في اي سؤال او استفسار يجاوبك بكل سرور , وكذلك البروشورات اللي فيه باللغة العربية وفيه بوفيه مفتوح لبناني ب26 يورو للشخص , ويبعد عن الساحة 20 دقيقة مشي بس ماتمل وانت تمشي لانك تمر على اسواق ومحلات كثيرة , طولت عليكم اعطيه بلا تردد 10-10 وان شاء الله بتشوفون صور للفنادق اللي كتبت في تقريري انا وصديقي allabban بعنوان
(الرحلة النمساوية المشتركة ( اللبان وفارس الشجاع ) 2006م ورحلة لا تنسى) .

والله انا سكنت بفندق
هوليدي ان سيتي سنتر بصراحة حلو بس الغرف صغيرة
واعتقد من وصف الخبراء انه المريديان يمكن يكون أفضل