الفهد909
21-09-2022 - 01:36 am
السلام عليكم ورحمة الله وبركاته
تحية اجلال لهذا المنتدى الجميل باعضاءة و مشرفيه وادارته ,
انا عندي موضوع ملخبطني شوي الا وهو باسافر قريب لاندونيسيا طبعاً على طول من المطار للجبل وخالصين من هالموضوع
بس الاشكالية واقفه في المبالغ اللي بتكون معنا
ممكن لدى وصولي يكون معي مبلغ يزيد او ينقص بقليل من 15 الف ريال سعودي
صاحبي يقول نحولها من هنا بالرياض لدى احد البنوك المصرفية دولارات وناخذها معنا والزميل الاخريقول نحول لنا 300 او 400 دولار والباقي عملة سعودية
انتم وش تشوفون الافضل وياليت تعطونا الحل الامثل والاجمل
وافضل مكان صرافة اذا فيه شي كويس في المطار ,,, وافضل تحويل عملة في الجبل
شاكر مقدر لكم اخواني
شوف يالغالي ..
الدولارات هي ميزتها أنها خفيفة وحملها سهل فقط هذه الميزة ويجب أن تكون جديدة وغير مصفوطة
حتى لا تفقد سعرها !! شعب يحب الدولارات ووده يتصور معها !! أقصد الشعب الإندونيسي ..
حول روبيات من هنا والصرف عندنا من تجارب كثيرة أفضل وقسموها بينكم أو قسموها بين روبيات
ودولارات وريال من فئة 500 ولا تصرف من المطار فالصرف عندهم نازل وتجد بالجبل صرافين
بكثرة وأي سواق يدلكم ويمكن يتصل عليهم ويأتون لمكانكم أو عندك مكاتب مثل كاها أو غيره ومشهورة
هناك وأي شخص يدلكم عليهم ..
الموضوع سهل والمهم الحرص والابتعاد عن الشبهات .. الله يوفقكم ويرعاكم