من الفنادق الجميله في ميونخ فندق سوفتيل بالقرب من محطة القطار وقريب للمارينا مشي على الاقدام طبعا خمس نجوم سكنت فيه ايضا المرديان مقابل محطه القطار و ايضا فندق leonardo hotel فندق نظيف مره وموقعه حلو ورخيص وسكنت فيه ومقابله فندق ميركوري ايضا نضيف وحلو مره ورخيص
بخصوص واين تروح انصحك بالمارينا راح تعجبك مره والحديقه الانكليزيه والاولمبياد تاور هذا في اليوم الاول واليوم الثاني انصحك تروح مدينه قارمش تبعد 80 كيلو حوالي ساعه وفيها جبل الثلج راح تعجبك مره التذكره بمبلغ 35 يورو للشخص تقريبا وتركب القطار ويطلعك للقمه او تركب التلفريك وتلقى فوق مطاعم وكافيهات وتزلج وشي مره حلو بالاضافه الى انها تطل على النمسا
رحله موفقه ان شاء الله ودمت بود .......

حياك الله
الفنادق المذكوره من الاخت hyyami
ممتازه واذا تبي زياده خبرنا
تحياتي

حياك الله اخي العزيز ALI_Q8_77 - - - للتنويه اسم hyyami لايعني هيامي وليس اسم فتاه فهو حروف مركبه واختصارت ولا الومك كون ان التركيبه طلعت هيام فالكثير يظن هذا الاسم اسم فتاه لذالك وجب التنويه مع خالص احترامي وتقديري لك دمت بود وشكرا ,,,

مشكورين على الافادة ياخواني ، بس بغيت اسال بعد عن الفنادق القريبة من مطار ميونيخ لاني بوصل تقريبا الساعة 9 بالليل وابغي اسكن ليلة عند المطار عشان اريح وبعدها انتقل الى لوزيرن السويسرية مرورا بهايدي لاند ؟؟؟؟
وكم تبعد ميونيخ عن هايدي لاند ،، ارجوا الافادة وجزاكم الله خير

حياك الله
من افضل الفنادق هذوله يبعدون عن الفندق 4 كيلو الاثنين 4 نجوم
Moevenpick Hotel München-Airport
Regentpark Hotel Munich Airport
فندق اقتصادي ومقبول 4 نجوم هذا 3 كيلو عن المطار
NH München Airport
تبي 3 نجوم ونظيف هذا 3 كيلو ونصف من المطار
Holiday Inn Express Munich Airport
من ميونخ الى منيفلد ( هايدي لاند )
ساعتين و40 دقيقه
تحياتي

مشكور اخوي على المساعدة وشو رايك احجز السيارة في نفس اليوم اللي أوصل فيه والا أخليه في اليوم الثاني لاني بوصل بالليل .

من الغد افضل واوفر
تحياتي