اتوقع ان لا يحدث شيء بأذن الله
استعجال الركاب امر وارد و هم معتادين عليه
اذا كان هناك اي اشكال سيبلغونك على الفور
لا داعي للقلق
بالسلامة

أختي كوني مطمأنة و واثقة ما لهم شغل فيج و لا في ريلج
و لأنكم أصلن لو مسوين شي و يبونك كان ما ركبتو الطيارة وسافرتو
الي صاير في السستم عندهم أن و قت تسليم البورديق بطاقة ركوب الطيارة
الأمركان مسوين في نظامهم طريقة الراندم و هي الأختيارات العشوائية من ركاب الطائرة الواحدة
و من يوصل المسافر الي تم أختيار البوردنق مالة حق التفتيش الدقيق و الي أهو بالقرعة و الحظ
يدخلونة في الجهاز هذا الي ينفخ و يفتشونة بدقة
هو نظام حاليا متبع بأن ياخذون ناس بالقرعة لتفتيش دقيق
ههه و الي عاد في رجلة صيخ ولا مسوي عملية لا يطولون معاة لين يتأكدون
و دمتم

لا اختي هذي اجراء عادي ويختارون الناس عشوائين انا مريت بالجهاز في 2006 او بعدها رحت كذا مره عادي لاتحاتين

سلامي للجميع بس شنو سالفه الجهاز هذا ممكن اتوضحون وشكرا

strongman
أختي جهاز عادي جدا جدا
و نفس أي جهاز في أي مطار الي يمر فية المسافر و يصفر أذا عندك حديد خردة أو فكة فلوس أو حزام فيه حديد و يقولون لك حط الحديد الي عندك أو المعادن في السلة وبس
و لا كن الجهاز الي ينفخ نفس هذا بس يقولون للواحد وقن داخلة و لا تتحرك و يبدي ينفخ هوا علي الواحد و خلاص
شي روتيني و أختيارة عشوائي للمسافرين و لا يسوى القلق أو التفكير

اجراء عادي
يعني انا مثلا في رحلة صيف 2007 مادخلت في الجهاز وما مريت عليه لا انا ولا زوجي في اي من لمطارت مرينا على كم مطار في امريكا
رحلة 2008 نفس الشي بس في مطار سان فرانسيسكو
طلع حظنا في البوردنق يطلع فيه ssss
معقده هالعالم ssss تفتشنا تفتيش دقيق شوي يعني فتحو شنطة اللاب توب ومسوحها ( اجرائات عاديه
المهم دخلنا في الجهاز وعادي جدا مرينا بسلام
بعدها في مطار نيويورك كان الوضع عادي وهم من يومين مدخلينا هالجهاز لا تخافين يعني مافي مشكله

ssss
هم يقولون عشوائيه وهي مخصصة للقادمين من الشرق الأوسط .... علشان مايحرجون الراكب ويحسسونه أنه مشتبه به

bdr742
أخي بارك الله فيك أنا عطوني هل كود و كان معاي أوربين و أجانب ما هي بس حق العرب