edr
هلا اخوي وعليكم السلام ورحمة الله وبركاته
حياكم الله بالكويت
فندق المارينا يقع بالسالميه وقريب من اكثر المجمعات مثل مجمعات شارع سالم المبارك انا انصحك فيه اما الكورت يارد مكانه هادي ويقع بمجمع الرايه وقريب من سوق شرق والصالحيه والاختيار يرجع لك
بالنسبه لمجمع الافنيوز تقريبا اغلبية المحلات افتحت ماعدا قاب ولاكوست وفور افر 21
بالنسبه للمطاعم الايطاليه عندك لابياتزا اللي عند الكنيسه وبعد عندك بيلا اللي بالمارينا كرسنت
في بمجمع المثنى اكثر من محل يبيعون تقليد
واي استفسار احنا حاضرين ؟؟؟

اخي اذ تقصد فندق مرينا ذو الخمس نجوم في السالمية بالطبع سيكون الافضل والاسباب كثيرة واذا تقصد شقق مارينا العادية فام فندق كوت يارد ماريوت هو الافضل
بالنسبة لمجمع الافنيوز الجديد نعم فتح ولكن لم يكتمل افتتاح جميع المحلات
بالنسبة للماركات المقلدة اعتقد بانها ليست موجودة والسبب هو قانون حماية الملكية الفكرية الذي يتم تطبيقه بالكويت

عزيزي انصحك بسارة بلازة ممتازة جدا جدا

شكرا لك اختي روان واخوي رحال وماقصرتو وانا قصدي فندق المارينا الخمس نجوم وللاسف غالي ب107دينار الغرفه المزدوجه تخيلو!
والكويت يارد حلو سعره مو غالي ب60 وان شاء الله اللي بسكن فيه والمحلات المقلده انا عارف انها ممنوعه في كل الدول لكنها موجوده وتختلف بنوعية التقليد درجه اولى اوثانيه يعني انا ابغى تقليد يكون قريب للاصلي ومو واضح تقليد وشكرا لكم يااقرب شعب لديرتنا اهلي الكويت وتعالو شرفونا في بيتكم الثاني السعوديه

انا اذكر في بالمثنى اكثر من محل للتقليد
بس من زمان مارحتله ومادري اذا موجودين ولا سكروهم

حبيت أسألك أختي edr وين لقيت الكورت يارد
بهذا السعر؟

بالنسبة لمجمع الافنيوز فتح ولكن لم يكتمل افتتاح جميع المحلات
احسن و اروع مطعم ايطالي هو لورانزو lorinzo و هو موجود في الصالحية بلازا (خارج مجمع الصالحية)

edr
مرحبا فيك في بلدك الثاني الكويت
بالنسبه لي احلى المطاعم على الأطلاق عندي lenotre الي على البحر
el view اكثر من رائع فيه و el menue مختلف وفي اكلات ايطاليه
راقي جدا انصحك بزيارته
court marriott روعه وهادي وفي مطاعم حلوة مثل burger botique
وفي بالفروانيه محل بالحمرا مول اسمه ريماس فيه كل تقليد الماركات وعلى درجه عاليه من التقليد يعجبك
http://www.kuwaithotels.info
هل السايت بفيدك كثير من ناحيه الفنادق والمطاعم الحلوة الموجوده بالكويت
ارجو اني اكون فدتك

مدري وش اقول اخجلتوني بردودكم وانا فعلا شاكر لكم من قلبي وانا يا (الواحه الخضراء) اسمي edr اختصار لedrees يعني (اخ) مو(اخت) بس معه حق اللي يلخبط بالاسم اسمي منتشر بالسودان والمغرب صح
بس انا سعودي وبالنسبه للكويت يارد دقيت بالتليفون وقلت اني جاي من السعوديه بالسياره وعرضو علي السعر لشخصين بدون فطور