- من جد هالمنتدى رائع جداً وانا احبه بصرااحه
--------------------------------------------------------------------------------
السلام عليكم ورحمة الله وبركاته ..
الى اخواني واخواتي امسي عليكم بالخيير ,, وكل عام وانتوا بخيير وكل عام وانتوا الى الله أقرب ان شاءالله
انا عضوة قديمه بالمنتدى بس نسيت الباسوورد وسجلت من جديد
من جد هالمنتدى رائع جداً وانا احبه بصرااحه
كل شي مفيد بهالمنتدى كل شي تبيه بتحصله الله يعطي العافية لأصحاب المنتدى ومشرفيه ومشرفاته واعضائه الكرام
انا قبل لا اسافر لماليزيا خذيت كل شي من هالمنتدى علمني عن ماليزيا وعن كل شي فيها حتى شوارعها اعرفها كلها وبسبب هالمنتدى وكانت رحلتنا لماليزيا غير عن باقي السفرات كانت مرتبه وكنت اعرف كل شي الله يجزاهم خيير اخواني اللي ساعدوني بسفرتي لماليزيا
وكل مااجي بسافر لإي مكان برجع لمنتداي الغالي .. لدرجة اني بروح لكويت بكره ولكويت حافظتها شارع شارع وقلت لازم ادخل المنتدى واشوف بعد
اخواني واخواتي .. اريد مساعدتكم في سفرتي الصيفيه الجايه ان شاءالله
وأنا وعايلتي مخططين نروح ل لندن و فرنسا و سويسرا و ايطاليا
وانا من المنطقة الشرقية - الخبر واحنا 4 أشخاص متكونة من : أب و أم و بنتين كبار و بنسافر شهر
وابي منكم المساعده بكل شي يخص هالدول
اي شهر اسافر 7 او 8 وكييف يكون الجو بهالشهرين؟
من احسن طياران وليش احسن وش يميزة ؟؟
و
ايش تنصحوني محطة الوصل وين من بين هالدول اللي بروح لهم ؟ و ليش؟ وكم ساعه بالطيارة؟
و
ام لو تقدرون تسوون لي برنامج بالمناطق السياحيه لكل دوله ياليت والله
وايش تنصحوني بالفنادق او الشقق اذا هي ارخص من الفنادق ولو فنادق تكون نجمتين او 3 نجوم
وايش اللي تبون تنبهوني منه وتحذروني منه سواء من الناس اللي بهالدول أو من مناطق مااروح لها او من اسواق ....الخ يعني زي كذا ؟؟
وايش احسن نستأجر سيارة ولا ننتقل بين المدن بالقطار ؟
واحسن مجمعات ومطاعم ؟؟
وابي تنصحوني ايش الارياف اللي اروحلها والمناطق اللي فيها الريف وهل اقدر اخذ لي كوخ او بيت بهالارياف؟
ابي كل شي تساعدوني فيه وتقولون لي عنه وبالتفصيل بليز ابي همتكم معاي الله يعطيكم العافية ان شاءالله
بأنتظاركم على نار ابي اجهز للسفره من الحين عشان اكون مرتاحه ولان عندي اشغال كثييرة
واذا ابي شي او تذكرت شي ابي استفسر عنه بقولكم
ترا اول مره اسافر لهالدول عشان كذا لا تقصرون معاي لان ابيها تكون احلى سفره وأهلي معتمدين علي بترتيب الرحله
وربي يسعدكم يارب
انا شفت موضوعك له يومين محد رد عليه قلت ابدلي بدلوي
المهم بالنسيه للطيران اذا تبون اوفر اطلعو على الاتحاديه وكل ماحجزتو ابكر كل مانقص سعر التذكره وطبعا عن طريق الاتحاديه لازم تنزلون في ابو ظبي
وبالنسبه لخط السير اكيد الافضل انكم تبدون من لندن ثم باريس ثم سويسرا ثم ايطاليا
والشهر المناسب عادي بس انا اشوف حلو من نص 7 والجو تقريبا متغير مو ثابت مره حر مره برد مره مطر يعني مو ثابت
واذا تبون تستأجروون سياره يكون افضل يكون تنقلكم اسهل وتوقفون متى ماتبون وتمشون متى ماتبون والمسافات ماافيها بعد من لندن الى باريس ومن باريس الى جنيف ومن جنيف الى المدن والقرى اللي حوالينها ومنها الى ميلانو يعني كلهم حول بعض بالمساافاات 00
وبالنسبه للاكواخ اللي تستأجرونها موجوده في سويسرا بس للاسف مالي خلفيه عنها ممكن تستفسرين عنها في بوابة سويسرا 000
بالنسبه للسكن السكن في سويسرا وخاصة القرى او المدن اللي حوالين جنيف مثل لوزان تكوون رخيصه
اما باريس ممكن تحصلين فنادق 3 نجووم وبأسعار مناسبه00
وان شاءالله يفيدونك الخبراء
تحيااتي 000000