1. هلا بالأخ / taalaa


2. وغيرها الكثير من الحدائق و الملاهي و مقبول جدا لدى الزوار والسائحين.

هلا بالأخ / taalaa

أنت وش تبي؟!! يا كثر أسئلتك !! أمزح .. شوف يالعريس .. الله يبارك لك في الزواج و يسعدكم إن شاء الله و تكون رحلة موفقة لشهر العسل ،، طبعا "اللستة" اللي أنت كاتبه في الموضوع من الصعب تلقاه في سريلانكا ،، لكن في الهند إن شاء الله بتلقاه 90% .
طبعا شي ممتاز أنك أول شي رايح لمالديف ثم على الهند ،، لأن أول الأيام مثل ما تعرف يبغى لها مكان هادئ و رومانسي بزيادة وهذا ينطبق على المالديف ،، و هذه أجوبة الأسئلة اللي سألتها أنت:

• فيه تسوق؟؟ أيه نعم في تسوق و فيه كل الماركات العالمية يعني من الشين إلى أحلى و أغلى شي.
• صجة و لجة؟!! ايش نوعية الصجة اللي تبغاها ان شاء الله؟؟ يعني تبغى نوادي ولا أيش؟؟ وضحها!
• الملاهي و الحدائق؟؟ فيه عشرات الملاهي في الهند للكبار والصغار و حدائق مائية ،، ولا تقلق بشأنها. و هذه بعض مواقع الويب لمختلف أنواع الملاهي الموجودة في الهند:

http://www.veegaland.com/
http://www.niccoparks.com/
http://www.grsfantasypark.com/
http://www.esselworld.com/ - ملاهي كبيرة و فيها أكبر حديقة مائية على مستوى آسيا -
http://www.ramojifilmcity.com/ - أكبر استديو لتصوير الأفلام على مستوى العالم - حديقة و ملاهي

وغيرها الكثير من الحدائق و الملاهي و مقبول جدا لدى الزوار والسائحين.

• فنادق و مطاعم و فاست فود؟ الظاهر أنك من جد ما تعرف شي عن الهند! فيها أرقى و أفضل المنتجعات و الفنادق و المطاعم و جميع مطاعم فاست فود العالمية : بيتزا هت-ماكدونالز-دومينوز-كي أف سي-باسكن روبنز وغيرها الكثير جدا.
• يا حبذا يكون مطر؟!! ههه ،، الهند مليانة مطر و خاصة الشهر اللي رايح فيها أنت هو تقريبا بداية موسم الأمطار ،، عندهم أمطار كثيرة.
• "مابي هوا وصخ .. يعني تلوث كذا .. " ،، شوف يا عزيزي قبل ما تطلع الهند أو سريلانكا حط في بالك أنها بلاد تختلف عن بلادك ،، يعني فيها و صاخة و كل مكان في العالم في وصاخة بس بدرجات متفواتة ،، مثلا في الهند المناطق الفقيرة و القديمة فيها تلوث (عشان أكون صريح معاك وما تقولي بعدين لعبت علي) ،، لكن صدقني إذا أنت مخطط زين ما راح تشوف الوصاخة و راح تكون براحة و بعيد عن مظاهر التلوث ،، تدري الأكثرية ليش يشتكي من الهند؟؟!! لأنهم ما يروحون الهند وهم مخططين!! يروحون و يلفلفون بأماكن ما يعرفونها بعدين يجون و يقولون ما عجبتنا و كلها و صخة! و طبعا أنا إن شاء الله أحدد لك وين النظيف و ايش الاماكن اللي تستاهل الزيارة في الهند.
• ما أبغى زحمة!! يا أخي الزحمة موجودة في كل مكان بالعالم!! انت بس اعرف الاوقات في المدن اللي تكون فيها الزحمة و تجنبها ،، بس ،، والباقي كل شي سهل ،، ترا الهند يجيها أكثر من خمسة ملايين سائح أجنبي سنويا!! يعني مو سهلة.. فضلا عن الهنود اللي يزورون من شتى أنحاء العالم.
• التلفريك موجود ،، لكن في أماكن سياحية مخصصة وليس منتشر بكثرة.

و أي استفسارات أنا موجود والاخوان في المنتدى ما بيقصروا إن شاء الله ،، بالتوفيق