صمت الحنين
27-05-2022 - 04:34 am
السلام عليكم ورحمة الله وبركاته
بغيت منكم خدمه بسيطه يابنات الكويت وانتم ماشاء الله عليكم معروفين بالكشخه
ابي منكم تدلوني على محلات تبيع فساتين سهرة جاهزة او بدل للسهرات وتكون فخمه لاني جايه للكويت هالاسبوع
ومشكورين:1 06:
بالنسبه لفساتين السهره الوحده تشتري حسب الميزانيه اللي حاطتها
اذا كانت الميزانيه من 250 دينار وفوق انصحج بمجمع زهره او الفنار ومجمع ليلى غاليري هذوله موجودين في شارع سالم المبارك في السالميه
وعندج بعد مجمع الصالحيه والاسطوره في برج السحاب وهذا المجمعين يم بعض وموجودين في منطقه الصالحيه في مدينه الكويت( بس اهنيه حطي في بالج ان الفستان اقل شي 400 دينار )
واذا تبين شغل الكويت واسعارهم وايد ارخص فتلقينهم في مجمع النقره الشمالي وبعد في مجمع في الفروانيه بس ماذكر اسمه واسعارهم تبدا من 50 دينار
وان شالله اتحصلين الفستان اللي في بالج
حرم الملك