1. California State University


2. انا بعطيك الصورة الكاملة و فكر و استخير و بعدها قرر


3. عندك حل من الحلول و لك الخيار


4. http://www.gsu.edu/es/gpa_calculator.html

السلام عليكم
حي الله اهل اللونج بيتش
بشرنا عن الاوضاع هناك .. ان شاء الله كل شي تمام
والله ياخوي وضعك شوي يباله دراسة و القرار الاول و الاخير لك
خلني أقولك عن تجربتي مع جامعة اللونج بيتش ..
طبعا انا كنت أدرس في جامعة ثانية غير هذي الجامعة و لكن بنفس النظام

California State University

و يوم قررت احول اللونج بيتش اشترطوا 56 ساعة و معدل لا يقل عن 2.4 على ما اعتقد (ممكن تتاكد من الادميشن)
المعدل بالنسبه لي ما كان مشكله لكن عدد الساعات .. ف اظطربت أكمل العدد لين قدمت و حصلت القبول ... و طبعا قبلوا كل الساعات لانها بنفس الوصف للمواد و لان كل الجامعات تمشي على سستم واحد و هذى الميزة كانت جداُ ايجابية
واحد من ربعي تقريبا مشكلته كانت فالمعدل ..و ما رضوا يطلعوله قبول الى ان عدل من المعدل العام ..و طبعاُ الموضوع طول لانه مب بالسهل ترفع المعدل و خاصة اذا كان عندك عدد لا باس فيه من الساعات .. بعنى كل ما يزيد عدد الساعات كل ما تزيد الصعوبة في رفعه

انا بعطيك الصورة الكاملة و فكر و استخير و بعدها قرر

اذا كان معدلك ممكن يصعد خلال السنة .. فهذا لا يعني انهم بيقبلون كل المواد اللى درستها فالسعودية
و لنفرض انك رفعت المعدل (وانا متاكد ن شاء الله انك بتسوي الشي هذا) .. بتقدم على الجامعة و بيعطونك قبول ... بعدها بيطالبون بمعادلة المواد .. و لازم يكون معاك الوصف لكل مادة خذتها من قبل .. و يقعدون يطابقون .. اذا هي مشابهه للمادة اللى عندهم .. قبلوها و قالولك خلاص ما يحتاج تاخذها من ضمن المقرر
واحد بعد اعرفه كان عنده حول 40 ساعة وشوي تعبان و يوم قدم على جامعة من الجامعات (غير اللونج بيتش) .. ما قالهم انه درس في جامعة ثانية و بدأ من الاول .. بس عشان يدخل الجامعة و طبعاُ اذا دخلها من الزيرو مستحيل يقدر يكلمهم عن المواد اللى خذها قبل .. لانه ممكن يخالف قوانينهم

عندك حل من الحلول و لك الخيار

اذا معدلك صعب ترفعة خلال سنه ..قدم على اساس انك فريشمان و توكل على الله و ابدأ من الاول اذا كان هذا مسموح (في فتره من الفترات ما كانوا يقبلون لان عدد الطلاب فالجامعة كبير جداُ فاشترطوا على الطلاب الاجانب (اللى هم نحن) نكون Transfer Students عشان نحصل قبول
اذا انت متأكد ان المواد اللى عندك واللى معدلها C وفوق و تطابق لوصف المواد فالجامعة .. توكل على الله و ادرس في اي كلية و خذلك المواد السهلة و المضمونه عشان ترفع معدلك العام .. و تقدر في نفس الوقت اذا عندك توقل تاخذ بارت تايم فالجامعة نفسها (لونج بيتش) و خذ المواد السهلة عشان تأكد قبولك و ما يضيع وقتك هدر .. و اذا كان مجموع جميع الساعات اللى عندك من السعودية و الكلية فوق المعدل اللى هم طالبينه .. تقدر تقدم على الجامعة ..
عندك مواقع حساب المعدل منتشره فالنت و هذا واحد منهم .. ممكن يساعدك في حساب المعدل .. تقدر تحط كل المواد اللى كانوا عندك و المواد اللى تاخذها فالكلية .. وتحسب لو جبت A بيكون معدلي كذا ولو B بيكون كذا ...بيساعدك تكون فالصورة و تعرف كم المفروض يكون معدلك .. و تقدر تزيد المواد عن طريق اختيار Add row

http://www.gsu.edu/es/gpa_calculator.html

في النهاية أرحو انك ما تعتمد كلامي .. يمكن القوانين و الانظمة تغيرت من بعد تخرجي من الجامعة .. أنصحك تزور قسم ال International students و تشرحلهم وضعك كامل و ان شاء الله ينورون دربك و تكون فالصوره .. لانهم الجهه الرسميه و الاكيدة ...
السموحة منك و ان شاء الله اني ما ضيعتك أو عقدت الامور
أتمنى لك التوفيق والسداد و ان شاء الله تتيسر امورك
رمضان مبارك و كل عام و انت بخير

سلمت ودمت المشكلة انا رحت كلمت المعهد وقلت لهم انا دارس جامعة. وقالوا خلاص انت قلت لنا ؟ لو ماقلتنا كان تقدر تقدم كطالب فرشمان
عند سؤال لو سمحت ؟
الان لو وديت السجل للكلية هل المفروض يعادلون بعض المواد وهل اللي تدخل في المعدل او كل المواد الساقط والناجح وتدخل في المعدل.
لو حسبوا الطريقة الاولى اوكي. بس الثانية راح تمدر المعدل لان الان معدلي بالانجليزي ***
اخوي الغالي ماقصرت والله وكفيت ووفيت وبيض الله وجهك على الشرح المتعوب عليه.
ياطويل العمر مخلص 67 ساعة السي وفوق 31 ساعة والباقي d و f .
اتوقع ممكن يعادلون من 25 الى 30. بس السؤال الل يطرح نفسه هل بيحسبون المواد الباقية في المعدل او لا ؟ انا اتكلم هنا لو رحت كولج؟.
وشكراً

1. واشنطن

واشنطن

للاسف يحسبون جميع المواد و هذى اكير مشكله .. عشان هذا الشي انا دائما أقول الواحد يبدأ من البداية أحسن .. لانك من تدخل الجامعة رصيدك و معدلك بكون طبيعي و بادي من 4.0 .. و عاد لين تتحرج ينزل تدريجيا والشطارة في المحافظة على معدل جيد عشان تكون فالسليم.. لكن المشكله تبدأ فالجامعه و معدلك و لنفرض 2.5 أتصور انها مشكله لانه و مع مرور الوقت و كثرة المواد اللى بتمر عليك .. شي حتمي أن المعدل بينزل .. في الاخير و عشان تلخذ شهادة الجامعة .. يشيكون عالمواد .. المجموع العام (الكلي) لازم يكون مجموعها فوق ال 2.0 و المواد التخصصية بعد لازم تكون فوق ال 2.0
أنت ما عليك حالياُ من المعهد .. اذا عندك نتيجة التوفل خذها معاك و توكل على الله و قدم فالجامعة نفسها و كمل اوراقك و شوف شو يصير معاك و لا تيبلهم طاري المواد اللى خذتها قبل .. و ان شاء الله تتيسر الامور و اذا ما خانتنى الذاكرة مكان مكتب الطلبة الدوليين في الادميشن الطابق اللى فوق كأنك رايح للنافورة .. المكتب اللى عاليمين .. مر عليهم و شوف محتاجين من المتطلبات
و انا لو كنت مكانك و ما وافقوا و عندي التوفل بقدم على اي جامعة ثانية على اساس اني فريشمان .. بكمل 56 ساعة و بعدها بحول ..
توكل على الله والقلب داعيلك
كل التوفيق

الله يبيض وجهك يالغالي. ماقصرت.
اليوم تكلمت مع الكولج تقول نعادل المواد اللي تبي تعادلها مو كلها.
بس انت هل جربت هالشي ؟ انه تحسب المواد كلها حتى الساقط فيها وخصوصاً انها جامعة من السعودية.
لان بيني وبينك خايف يكونون مايدرون او مافهموا سؤالي.
والف تحية لك واشكرك على سعة صدرك.
وصراحة اللونج بيتش روعة يارجال والحياة فيها حلوة

مرحبا
شخصيا ما كنت راسب في ولا مادة و لله الحمد ف ما جربت هذا الشي .. بس اذا الكلية بتعادل المواد المقبولة (اللى ناجح فيها) و ما بتحسب المواد الثانية و عليه بتحسب المعدل العام .. ممتاز ..
بس عشان تتأكد من الشغله خذلك كم و احد من الشباب القدامى فالجامعة و روح معاهم عشان تفهم الوضع بالشكل الصحيح و ما تضيع وقتك .. و منها تتأكد بالخير اليقين و اسألهم مره و ثنتين و ثلاث عادي للتأكيد ..
و سلملي على السكند ستريت

صراحة من جيت وانا داخل في لخبطه مايعلم بها الا الله من سالفة الى سالفة. ولكن الحمدالله الله يستر علينا يارب في الدنيا والاخرة ياارحم الراحمين.
يعني احد يبدل فلورتن باللونج بيش.
وبسالك بعد كم اخذت البكالوريوس في كم سنه والشي الثاني كم كنت تنزل ساعات

مرحبا اخوي
للعلم انا ما درست في فيلرتون
و فالسميستر تقريباُ من 12 الى 15 ساعه
بالتوفيق ان شاء الله في دراستك