ماتوقعت انظر هالوقت وماتجيني اجابه ...!!!
ليه هنا مافيه خبراء او مشرفين ..؟

حياك الله..
اسمح لي اخوي ..
كتبت موضوعك 6:50 دقيقة !
وردك الثاني 9:19 دقيقة !
الفرق بين الردين ساعتين ونص !
وتأكد ان مافيه احد عنده خلفية ومايبغى يرد بمزاجه!
الله يهديك انتظر .. عط سداح فرصة
الموضوع هذا أكثر من ممتاز وفيه شرح كافي ووافي بكل شاردة وواردة يخص التقديم ..
واقتبست لك اللي يفيدك مشرفنا ماقصر الله يجزاه خير ..
https://artravelers.com/p/re/165542
2. تحضير المستندات المطلوبة للمقابلة وهي /

• جواز السفر الحالي (ساري الفعالية للسفر من تاريخ الوصول للولايات المتحدة 6 اشهر كحد ادنى) !!
• جوازات السفر السابقة للرجال اذا كان لديك سفرات سابقة !!

وان لم تكن الجوازات موجودة ( مفقودة، لدى الجوازات ولم تعطى لك حين التجديد ) يفضل طلب طباعة كشف من الجوازات لاخر خمسة سنوات اذا كانت لديك اي سفرات !!
ملاحظة : ترفض قوانين السفارة الامريكية استخراج الفيزا للمرافيقن مع والديهم .. ويكون لكل طفل جواز خاص به وباقي اوراقه كاملة !!

• الورقة المطبوعة لتأكيد الموعد الخاصة بالنموذج DS -160 مثل الصورة ادناه ( راجع اول الصفحة للتعليمات )

• صورة ملونة ذات خلفية بيضاء مقاس 5cm x 5cm حديثة مأخوذه خلال ستة اشهر على

الاكثر لكل شخص مسافر مهما كان عمره وتكون الصورة غير معدلة او عمل عليها اي عمليات فلترة ببرامج الكومبيوتر او اي تصفية كانت !! ( معروفة لدى جميع معامل التصوير الموجودة لدينا فقط اذكر لهم صورة فيزة سفارة امريكا ) ....
صورة اضافية نفس الصورة المحملة على النموذج DS-160 !!
وهذا مثال لها :
يكون الرجل فيها بدون غطاء للرأس والوجه مقابل للكميرا ... المرأة تكون منابت الشعر واضحة مع السوالف واطراف الاذاني !!
لاثبات المقدرة على السفر والعودة تفضل السفارة ارفاق المستندات التالية :

• كشف حساب بنكي لثلاثة اشهر على الاقل يفضل ان يكون هو الحساب الرئيسي الذ ينزل فيه الراتب لمتابعة حركات الحساب من قبل السفارة .. لا يستوجب ان يكون فيه مبلغ كبير فقط مبلغ يكفي لتغطية الرحلة ويكون باللغة الانقليزية .
• تعريف من جهة العمل موضح فيه الراتب الاجمالي ، مسمى الوظيفة ، تاريخ بداية العمل ، سنوات الخبرة

، وانك تعمل معهم الى الوقت الحالي ، يفضل ان لا يكون هناك تاريخ لنهاية العقد باللغة الانقليزية !!
( لمن يودون السفر وهناك شخص هو المسؤل عن مصاريفهم فيرفق كشف حسابه وتعريف الراتب له وخطاب منه مصدق من عمله بانه هو المتكفل بمصاريفهم الى حين العودة باللغة الانقليزية وباي صيغة
اهم شئ يكون موضح فيها اسمه ورقم اثباته واسماء واثباتات المسافرين !!)

• ايصال دفع رسوم الفيزا من أي فرع للبنك السعودي الامريكي ( لكل شخص و جواز سفرايصال رسوم) مهما كان عمر المسافر وتكلفة الرسوم

( 160 $ ) مايعادل 608 ريال سعودي .
رابط مواقع فروع البنك الامريكي ( سامبا ) في السعودية
http://www.samba.com/ARABIC/COMMON/HTML/ATMSBRANCHES_01_01_ar.asp
رابط التسديد الالي في البنك الامريكي خاص بعملاء البنك الامريكي( سامبا ) فقط !!
https://www.samba.com/common/sconnect/SCServicesLogin.jsp
ولمزيد من المعلومات عن الفيزا السياحية نرجوا منكم زيارة موقع السفارة
http://riyadh.usembassy.gov/visas/b1b3.html
المهم:
لكل جواز ايصال دفع مستقل !!!
الدفع في سامبا مو لازم يكون عندك حساب رح للبنك وهم عندهم خبرة في الدفع.
الرسوم لكل جواز 608 ريال.
شهادات الميلاد غير ضرورية لكن يفضل ترفق صور احتياط.
الصور تكفي اللي حملتها اثناء التقديم وايضاً يفضل تجيب صور.
حالتك الصحية مالها دخل الا لو كنت طالع علاج وانت رايح سياحة.
ورقة الموعد مكتوب فيها ارقام جوازات الجميع والحالة مؤكد والوقت نسخة واحدة تكفي.
لم يطلبوا مني اي اوراق اخرى مع اني حرصاً جبتها معاي كشف الحساب والتعريف والصور والجوازات القديمة وشهادات الميلاد وحجوزات الطيران .
الزوجة اذا كتبت انها انت تصرف عليها يكفي كشف حسابك والتعريف.
يمنع المشروبات والاجهزة الالكترونية.
مبلغ فيديكس 65 داخل الرياض.
الاسئلة: وين ناوي تروح؟ سبب الزيارة؟ كم يوم؟ وش البلاد اللي سافرت لها خلال خمس السنوات؟ الوظيفة؟

شكرا اختي ام نواف ونوره...
وجزاك الله خير..
لكن اذا كنا كاتبين في الابلكيشن ان الام هي الي بتصرف على الابناء جميعا عدا الزوج لانه لم يقرر السفر الا متاخرا ولم تتم تعبئة نموذجه الا بعد تعبئة نماذج كامل الاسره.. فهل اجيب من عمل الام خطاب مصدق بانها تتكفل بالمصاريف وكذا ام اكتفي بخطاب الاب؟!

المتكفل بالمصاريف مطلوب منه كشف حساب وتعريف بالراتب ..
في هذه الحالة مطلوب كشف حساب الزوجة لاخر ثلاث شهور وتعريف من العمل بالانجليزي بالمسمى الوظيفة وبداية العقد او التعيين والراتب وموقع من الادارة.
وفي حركة ممكن تعملوها أثناء المقابلة تذكرون ان الاب راح يسافر معاكم وهو مشارك بالتكاليف وانكم اثناء التقديم كتبتوا الام فايش التصرف؟ حلو الواحد يكون واضح .
طبعاً يكون معاكم كشف حسابه وتعريف بالراتب.
ملاحظة: ينفع لو كنتم كاتبين ان الاب هو اللي بيصرف حتى لو ماكان بيسافر معاكم .
ملاحظة: الموعد لخمسة اشخاص واذا كان اكثر من 5 تشتري معرف اخر بحسب علمي فهل أنت متاكد من إضافة جميع المتقدمين في تأكيد الموعد؟
الأطفال برضو تضيفهم لكن مو ضروري المقابلة الا من فوق 14 سنة .
ياليت مشرفنا وخبرائنا يصححون لي لو كنت غلطانة .

انا مااضفت الصغار لاني قريت انه ماناخذلهم موعد ولا حتى نجيبهم

هو الاكيد ما تجيبينهم .. لكن ما اعرف اذا لازم موعد لهم او لا ؟

اها .. مشكوره .. طيب المعلمه من وين تجيب تعرف من المدرسه او من الوزاره من عند الرجال او من وين؟!!افيدونا الله يجزاكم خير بخصوص موعد الاطفال؟!طيب بعد مكتوب انك تحضر اثبات على نية المغادره الولايات بعد مدة الاقامه

تحياتى لك .... راح أجيب على الشق الثانى من سؤالك لمعرفتى به وهو بخصوص وجود إثبات بنية مغادرتك امريكا هم يقصدون بمعنى عام انو الواحد مو ناوى يجلس هناك غير فترة سياحه محدده ولو فى خطاب تعريف يثبت ان الشخص المسافر على رأس عمل وعقده سارى المفعول فهذا يثبت مبدأيا عودته..

يعني مجرد احضار تعريف من العمل هذا يكفي؟!!!