اهلا بك اخوي ولد جدة :
انا رايح اجاوبك عن فندقين لأن الباقي ما اعرفهم واكيد الاخوان يفيدوك عنهم :
فينا : فندق ( Nh ) اترزيهاوس : الفندق يقع في شارع ماريا هلفر وهو بعيد عن ساحة ستيفنز ومن الصعب الذهاب الى هناك مشيا . ولكن محطة المترو قريبة منه .
السعر : سكنت فيه قبل عامين وكانت الغرفة ب 375 ريال . واعتقد انها وصلت الآن الى 750 ريال .
زيلامسي : فندق قراند : يقع على ضفاف البحيرة ومكان تناول الافطار على البحيرة تماما . افضل فنادق زيلامسي لقربه من المطاعم والخدمات والمحطة وتنظيمه للرحلات السياحية لنزلائه باسعار مخفضة . سكنت فيه قبل عامين في غرفة مطلة على البحيرة بسعر 650 ريال . واعتقد انها وصلت هذا العام الى 1500 ريال .
ارجو ان اكون قد افدتك .

مشكور اخوي عبدالاله
نداء الى مشرفنا الغالي بيمو
واخوي الغالي كثير على قلبي حدي مصر
ياريت تجاوبني على اسالتي هذه
وكمان الاعضاء الذين جربوا هذه الفنادق

لبيك وسعديك ياولد جده
فينا افضل فندق اخر واحد اوروبا وهو في وسط شارع المشاه وسعره تقريبا 900 ريال با الليله
في زيلامسي السي فيلا اولا ثم الجراند هم الفندقين الوحيدين المطلين على البحيره واسعارهم بحدود 1000 ريال با الليله ويعتمد على توقيت السفر لان با الصيف تصل الاسعار الى 1400 ريال با الليله
هذا رابط لخبيرتنا الغاليه ميست عن فندق اوروبا بفينا و سي فيلا بزيلامسي با الصور هنا https://artravelers.com/p/re/195271
موفق ان شاءالله

مشكور اخوي حدي مصر
تحياتي لك

فيه ملاحظتين ودي اذكرها اخي الغالي عن فينا وزيلامسي
فنادق فينا كثيره جدا وانصحك انك تدور شيء نظيف ومناسب يتماشى مع ميزانيتك ومو شرط يكون قريب من شارع المشاه واهم شي يكون قريب منه مترو لانك كل مابعدت عن شارع المشاه كل مارخصت الفنادق و المترو بفينا يوديك اي مكان
با النسبة لزيلامسي مع كامل الاحترام جميع فنادقها اقل مايقال عنها موتيل حيث لا تجد اي فخامه او شراحه او رحابة ابدا وجميعها متواضعه ماعدا فندق وحيد اسمه سالزبورجهوف الوحيد المصنف من فئة الخمس نجوم ولايطل على البحيره ولكن يبعد عنها مسافة 15 متر مشيا وماعدا ذلك فا الفنادق متواضعه بدئآ بالجراند المطل على البحيره اللي سكنته شخصيا وكنت ساكن بسويت وماعجبني وماعجب المدام برضو وحتى السي فيلا الفندق المطل على البحيرة الاخر (مقبول الى حد ما) ولكنه مايستاهل ولا ربع سعره...فنادق زيلامسي عموما جميعها با السنتر وقريبه من البحيرة ماعدا لاتيني ابعد عنه لانه فا الجبل يبي له سياره
اتمنى اني افدتك واي سؤال لاتردد الخبراء ماراح يقصرون خصوصا عمدتنا بيمو اللي مشغول شوي بتقريره التايلندي ومشغول على اهله عسى الله يطمنه عليهم وييسر امورهم بس بيفيدك ان شاءالله قريب
موفق ان شاءالله

المعذرة اخوي ولد جدة على التقصير معاك .. لكن ماشاءالله ابو عبدالحميد ماقصر .. وهذا العشم فيه ،