حياك الله اخوي , بالنسبة للطيران فاتوقع ان الانسب هي الخطوط الفرنسية , لكن بتمر على باريس في الذهاب والاياب.
تحياتي

وعليكم السلام ورحمة الله وبركاته
حياك الله اخوي ...
أسهل وأوفر شوف الافتانزا ب 2700 ريال ... وتمر فرانكفورت أو بمثل ماقال اخونا معجب ولك السويسريه ب 3200 تقريباً .... وتمر زيورخ ...
الفنادق ...
فينا :
فندق برستول
سالسبورج :
الشيرتون ممتاز أو فندق العرب كراون بلازا .
زي لا مسي :
1- جراند هوتيل / الفندق الرئيسي ووسط المدينة والمطل على البحيرة .
2- سالس بور جرهوف / يعتبر أفخم فندق .
تحياتي

الله يعطيكم العافيه...
طيب وش رايكم بالتقسيم هذا:
4 أيام فينا
4 أيام سالسبورج
3 أيام زي لامسي
4 أيام فينا
و ماهي أفضل طريقه للتنقل بين المدن
وهل فيه مدن تستحق الزياره..ولم أذكرها؟
بانتظار مساعداتكم

النص الأصلي مرسل من قبل ريان
الله يعطيكم العافيه...
طيب وش رايكم بالتقسيم هذا:
4 أيام فينا
فندق راديسون ساس او الأناناس او اوروبا
4 أيام سالسبورج
فندق كراون بلازا
3 أيام زي لامسي
فندق لاتيني وبس
4 أيام فينا
و ماهي أفضل طريقه للتنقل بين المدن
التنقل يكون بالقطار السريع او الباصات
وهل فيه مدن تستحق الزياره..ولم أذكرها؟
فيه مدينة انسبروك ولاتنسى تروح رحلة يوم واحد إلى ميونخ إذا وصلت زلمسي
بانتظار مساعداتكم

أخي الكاسب....
شكرا لك...على كذا راح يزود نصيب زي لامسي الى 4 أيام علشان نقضي يوم في ربوع ميونخ ;)
"فندق لاتيني وبس" تعني أن الفندق مابعده ؟
شكرا على الترتيب الجميل

مع اخوي الكاسب بالنسبة لفندق لاتيني لكن تراه بعيد عن البحيرة ...
بالنسبة لأفضل وسيلة خلك على القطار أو اذا كنت هاوي سواقة سيارة .. فستأجر لك سيارة واطلق رجليك مع هالطرق وخلها تمشي " وحجه وقضيان حاجه " ... وهذا اجمل لأنك راح تشوف المناطق الجميلة بالإضافة إلى أنك تقدر توقف بكل منطقة تجوز لك ...
بالنسبة لفينا 8 ايام كثيره لأنه مافيها شي .. مدينة هاديه جداً وغاليه .... على خطة اخوي الكاسب ... بخصوص ميونخ ... يبيلك توفر لك يوم في ميونخ وهذا مستحسن ... وخذلك انسبورك بعد يومين .... ويصير عندك فينا بس 5 ايام ...
لو كنتو عائلة كبيرة الله يعينكم على التنقلات .. فأختصروها على الثلاث مناطق الأوله وبس ..
هذا من رأيي ...
تحيه وتقدير

طيب وش المدينة اللي نقدر نلقى فيه المجمعات الكبيرة الحلوة , والساحات والميداين الكبيرة , وعروض واحتفالات , هل هي ميونخ او فيينا او سالزبورج ......
تحياتي

الغالي ya-mas الله يعطيك العافيه...
ممكن حسب خبرتك تذكرلي المدن بالترتيب من حيث القرب ابتدا من فينا (الوصول) وانتهاء بفينا (المغادره)
مع الشكر الجزيل

حيا الله معجبنا ...
سؤالك يبيله جلسه وبحث وتقصي .... تمهلنا لين الله يقدرنا يالغالي ...
اخوي ريان مافيه خبره كبيرة ويالله على قدنا ... لكن المتداوله والواضحه .. شوف اخوي تحت هذا الرابط http://www.sitesatlas.com/Maps/Maps/509.htm راح تحصل على خارطه ... وتبينلك خط السير وهو:
لو حبيت نزول ...
فينا ..... سالسبورق ..... زي لام سي ..... أنسبورق ..... فينا !!!!
راح تلاحظ قرب ميونخ بعد ... ومثل ماقالك اخوي الكاسب لا يفوتك جولة لو يوم واحد ...
خلها من فينا لسالسبورق بطريق القطار لمسافتها البعيده .. اما الباقي في سيارة خاصة أحسن للتمشي وسعة الصدر ...