عزيزي بالنسبة للفيزا بالفتره الحاليه تاخذ من 20 يوم الى شهر
واذا انت سعودي ماتطلع الا من الرياض فقط البحرين مافيها سفاره
الخطوط ارخص خطوط التركيه من البحرين اسطنبول براغ سعرها تقريبا 2500 ريال
بشهر يوليو الى 15 سمبتمبر فيه خط سير مباشر على التشيكيه من الكويت الى براغ بس بالصيف يفتح
واذا تبي تقرا زياده معلومات اقرا ردودي على الاخوان وان كان لديك اي استفسار ياهلا ومرحبا
رحله موفقة

ما شاء الله عليك يا سمارت طول عمرك مبدع من عرفة هالمنتدى روح يا شيخ الله يوفقك

الله يعطيك العافيه يالغالي ومتقصر والله
أخوك / icom15

1. السوال الثالث /

السلام عليكم ورحمة الله وبركاته .. وبعد
في البداية تحية طيبة للجميع
ياليت تسمحون لي اعطيكم بعض ما اعرف بما اني مختص في التشيك من ناحية الفيزاء او التذاكر او المصحات او السكن .. الخ الخ
بالنسبة للسوال الاول /
بغيت أسال عن الفيزا أخذ فيزا حق كل أوربا او حق التشيك فقط ووشو الافضل ؟
اقدر اطلع الفيزا من البحرين مثل أو الكويت ؟؟
بالنسبة للفيزاء التشيكية صارت شينقن الان ويمكنك الدخول الى جميع الدولا لاروبيه ما عداء سويسرا إلى اذا كانت الفيزة ((ملتي )) متعددة السفرات
وانا بصراحة كل يوم سبت واثنين واربعاء اقدم من خمسين الى سبعين جواز وهذي الطلبات الي ياخذونها مني :-
1- جواز السفر اللاصل + صورة جواز السفر
2- تعريف العمل اذا كان يعمل بالانجليزي ( اذا كان طالب يسجل في الابليكيشن طالب - متسبب )
3- صورة لبطاقة الصراف (( اي بطاقه صراف يكون مسجل عليها اسمك ))
4- تامين سفر (( التعاونيه - AIG - ميد قولف - امانة الخليج - ))
5- تذكرة السفر الاصليه (( طلعها من اي مكتب سفريات ب50 ريال اذا ماكنت متاكد من الحجز ))
6- فاوتشر حجز (( منتجع .. شقه .. فندق )) بالمدة المطلوب الاقامه فيها علما بأنه يوجد الى مكتبين في الرياض يقبل منهم هذا الفاوتشر ومكتبي واحد منهم . . اما بالنسبة للمكاتب الاخرى يطلب الحجز الاصلي
7 - ثلاث صور شخصيه مكشوف الراس والخلفيه بيضاء
(( ملاحضة :- انا اتكلم عن السفارة التشيكية في الرياض فقط ))
وبعد ما اقدمها يمكنني اخذ الفيزاء بعد 12 يوم تقريباً
اما بخصوص يمكنك التقديم في سفارة التشيك في الكويت او البحرين .. اعتقد انه لامانع لاني قد قمت بتقديم جواز لشاب كويتي في اللسفارة التشيكية في الرياض وتم اعطائه الفيزاء ..
هذا بالنسبة للسوال الاول ...
السوال الثاني /
ابغى فكره شامله عن اسعار الخطوط ووشو أحسن الخطوط للسفر من الدمام أو البحرين أو الكويت .
بالنسبة عن الاسعار نبدا من الارخص
(( التركية 4500 ريال .. والي كاتب 2500 هذا باقي على الدقه القديمة )) انتظار 4-5 ساعات اسطنبول
(( اللوفتانزا الامانيه او السويسريه .. تقريبا 5700 ريال )) انتظار 1-2 فرانكفورت .. زيورخ
((المصرية ((الررياض مصر )) ((ا لقاهره - براغ = التشيكية )) 4300 ريال انتظار 11 ساعه القاهره
(( الكويتيه - مباشرة الكويت - براغ : للاسف لايوجد حجوزات ))
(( الهولنديه - الدمام - امستردام - براغ )) 3700 ريال الانتظار 1 امستردام
(( التركية من البحرين ارخص من السعوديه بشوي .. 200 - 300 ريال ))
اما الاسعار في شهر 12 - 1 ميلادي تختلف كثيراً .. حيث ان بامكانك حجز التركية من البحرين بالسعر اللذي كتبه الاخ سمارت او اكثر منه بقليل يعني 2700 ماكسيمام على حسب الكلاس الي حاجز عليه
(( ملاحضة : الاسعار في الهااي سيزون - موسم الصيف ))
هذا بالنسبة للسوال الثاني

السوال الثالث /

والى عند معلومات عن الشيك نفسها يفيدني وياليت تكون المعلومات عامة وشامله
بالنسبة للمعلومات اللي تطلبها حدد انت وش تبي سياحه ولا علاج .. ونصيحة لا تقراء اشياء خاصة عن التشيك قديمة لان التشيك تغيرت 180 درجة في الخمس شهور الاخيرة (( منزلين كاركتير جيدة تشيكية كاتبين فيه ( الشعب التشيكي يشتري اغراضه من المانيا )) يعني المانيا الي كانت اغلى دولة في نضر التشيكين صارت ارخص الحين بسبب الارتفاعات الي صارت .. بس بالنسبة للمصحات التشيكية لم ترتفع الى خمسة يورو في اليوم بالكثير ..
تحياتي لك . . وان شاء الله اني قدرت افيدك ..
اخوكم معالم التشيك ,,,

معالم التشيك الله يعطيك العافيه
انا بعد بكره ان شاء الله في براغ ..
بس خوفتني من الاسعار ..ناويه اتسوق من هناك ..

خزامى الثلج
الله يعافيك اختي خزامى الثلج ..
بالنسبة للتسوق في براغ راح يكون غالي لكن فيه بعض المجمعات الكبيره تلقين فيها عروض كويسه يعني
لا تشيلي هم ان شاء الله الامور بتزين
التيسكوو - هابرنوفاا -

خزامى الثلج
عزيزتي ..
أتمنى الرابط التالي أن يفيدك إن شاء الله بالنسية للتسوق .. وأيضا بعض المعلومات الأخرى ..
https://artravelers.com/p/re/200143

السلام عليكم ورحمه الله يسعدلي مساكم جميعا
طبعا انا باذن الله مسافر بشهر نوفمبر الى التشيك وتحديدا العاصمه براغ لمده تسعه ايام و راح اقضيها كلها بالعاصمه براغ لكن كنت محتار من قضيه حجز الفنادق لكن حجزت فندق اسمه Corinthia Panorama Hotel اربع نجوم وتقدرون تلقون نظره عليه وتقولون رايكم فيه لو تكرمتو https://www.booking.com/hotel/cz/corinthiapanorama.html?aid=1300939
طبعا هو يبعد شوي عن الاولد سيتي لكن بالنسبه للفندق قريب من المترو يعني ان شا الله انو راح يكون قريب
بس هذا كان الاستفسار اللي محيرني واذا عندكم اضافه او زياده او نصيحه يا ليت تعطوني اياها
اسف عالاطاله لكن ودي استفيد منكم
شاكرين لكم ولكم تحياتي:36_3_15: