حياك الله بالكويت
وماشالله البوابه عامره بالمواضيع اللي تقدر اتساعدك بعمل برنامج لمده عشره ايام
اما بالنسبه للاجواء للاسف هاليومين الجو غبار في غبار فالافضل انك اتأجل الزياره لوقت ثاني

1. أولا ً حياك الله بدولة الكويت


2. أنا عندي كذا مكان حلو وانت وزع جدول الأيام .

أولا ً حياك الله بدولة الكويت

أنا عندي كذا مكان حلو وانت وزع جدول الأيام .

بالنسبة للسكن أقترح للشقق الفندقية فندق أسمه بودل بشارع المطاعم بمنطقة السالمية وبالنسبة للفنادق فيه فندق جديد وممتاز إسمه ماريوت كورت يارد غالي بس ممتاز وفيه مجمع راقي وحلو وعندك هيلتون المنقف وايد حلو بس بعيد عن العاصمة تقريبا ثلث ساعة بس فيه شاطيء للبحر ومطاعم ومحلات للتسوق .
بالنسبة لأماكن التسوق :
1 - مجمع الصالحية للماركات العالمية مثل ( أل في + شانيل + فرساتشي + ديور وغيرهم الكثير ) .
2 - مجمع الراية حلو وجديد وراقي وهو المجمع الملاصق لفندق ماريون كورت يارد .
3 - مجمع الأفنيوز : الأحدث فيهم وايد كبير وفيه ماركات للملابس الشبابية والنسائية وفيه ماركات أول مرة تفتح بالشرق الأوسط وفيه كافيهات ومطاعم و15 دار سينما وإيكيا وكارفور .
4 - مجمع الأوقاف قديم بس ينفعكم إذا كان معاكم حريم ويبون دراريع وجلابيات حلوة .
5 - مجمع المغاتير ومجمع العربيد ومجمع الحمرا مول : بمنطقة الفروانية بيحبونه الحريم لأنه هالشارع فيه مجمعات وايد وفيهم أكثر شي ملابس نسائية وشيلات وجلابيات ز
6 - شارع سالم المبارك بمنطقة السالمية : فيه أكثر من 7 مجمعات ( الفنار - مارينا مول -ليلى غاليري - سنترال بلازا - ماركس سبنسر - البستان وغيرهم ) .7 - سوق شرق عائلي و وايد حلو تقدر تأجر قارب للتمشية الشخص بدينار واحد صوب البحر تلقاه .
7 - إن كنت متواجد بالكويت بتاريخ 26 /3 وعقب هاتاريخ بأسبوع لايطوفك معرض العطور وأدوات التجميل بمنطقة ارض المعارض بمشرف .
8 سوق المباركية : سوق كويتي تراثي فيه محلات وايد يعتبر رخيص وفيه محلات ملابس شعبية وعطور عربية وذهب وجوهرات وكل شي فيه .
9 - بلوكات الأقمشة وهذا مجمع يضم أكثر من 100 محل متخصص بالأقمشة النسائية والرجالية .
0- مجمع الكوت والمنشر بمنطقة الفحيحيل حلوين و ممتازين ولازم ضروري تروح لهم .
1- مجمع المهلب : بمنطقة حولي .
2- فيلا مودا .
3- مطعم ميس الغانم .
4- صفاة الغانم .
و ألحين بالنسبة للأماكن السياحية :1 - أبراج الكويت تصعد فوق فيهم مطاعم والحلقة الدائرية تدور وتقدر تشوف أكثر مناطق الكويت منها .
2 - الأكوابارك وقرية المسيلة المائية : للسباحة وفيهم ألعاب مائية وايدة وحلوة أنصح تروحلها الصبح أو العصر مبكر .
3 - المركز العلمي : الأول من نوعه بمنطقة الشرق الوسط : فيه الأكواريوم تشوف الأسماك القرش تسبح جدامك - سينما الآيماكس . وفيه مطاعم وهدايا تذكارية .
4 - فندق وشاليهات هيلتون المنقف : حلو وغير عن الأماكن كلها فيه روح خاصة غير بحره حلو ونظيف وفيه محلات ومطاعم مميزة .
5 - منتجع كمبنسكي : منتجع حلو وفيه ألعاب وأحواض سباحة وشاليهات للسكن .
6 - منتزة الخيران : ناحية جنوب الكويت أقرب مكان سياحي ناحية السعودية حلو بس لازم تحجزله قبل لا تروحله وايد ممتع للعوايل تسكن شاليه من دور واحد وإلا دورين وممكن العائلتين يسكنون مع بعض بس على حسب العدد و فيه حمامات للسباحة ومطاعم وألعاب والدراجات الهوائية وحفلات على مدار العطل الأسبوعية .
7 - حولي بارك : منتزة للعائلة وفيه ألعاب للأطفال .
8 - المدينة الترفيهية : حلوة وتحتاج يوم كامل .
9 - حديقة الشعب : مسلية وفيها سينما .
0- حديقة مرح لاند .
إنشالله مانسيت شي لأنه فيه أماكن وايد غير هذيل بس أنا ذكرت لك المميز منهم .

انا ماراح اجي عاليمومين لين ما يتعدل الجو بس ابي جدول علشان اكون جاهز