السلام عليكم ورحمه الله وبركاته
كيفكم يا شباب ان شاء الله تكونوا بخير
انا بعتذر عن صيغه طرحى للموضوع اذا كان فيه ما يضايق المشرف الحبيب Impact
والله يجعل مساعدتك للاخوه فى ميزان حسناتك
حتى لا اطيل عليك
انا متزوج الحمد لله من امريكيه مسلمه
وان شاء ربنا هيرزقنا بطفل فى اواخر مايو او اوائل يونيو ( ادعولى بالذريه الصالحه )
المهم انا من مصر
وكنا فكرنا انا وزوجتى تضع مولودها هنا بس شائت الاقدار انها ترديد انها تولد هناك وكانت مرتبكه للغايه وهيا سافرت من اسبوعين تقريبا
الفكره انى ناوى اقدم على فيزا سياحيه علما بان تم رفضى السنه اللى فاتت بدون سبب ( مع وجود روابط عده ) بس كان سفرى سياحه وكده
ونويت اقدم فيزا سياحه تانى عشان اكون هناك ساعه ولاده المولود ان شاء الله
وزوجتى جابتلى خطاب من السيناتور بتاع ولا يتها عشان تعمل Recommendation on my case
وهيجيلى الخطاب ده فى خلال تلت ايام وفيه علامه مائيه وكده يعنى مستحيل تزويره
وانا معايا اثبات قيد من كليتى انى لسه لى سنه على البكالريوس ومحتاج ارجع
ومعايا كشف حساب بنكى بس لوالدى باكثر من مليون جنيه الحمدلله
وهاخد معايه Proof of pregnancy اللى هو اثبات الحمل
وصوره باسبورها والفيزا بتاعه دخول وزجتى لمصر
وللاسف باسبورى فاضى لا يوجد به اى تاشيره سابقه
لانى اندمغت فى الدراسه للاسف وكل سفرياتى توقفت عندما كنت فى الثاله عشر وكنت مضاف على باسبور الوالده وكانت كل سفرياتى للخليج والباسبور بتاع الوالده ضاع
يعنى لا يوجد ما يثبت ان سافرت قبل كده
فانا محتاج نصيحه عشان مش اترفض مثل المره الاولى
والمره الاولى كان معايا حجز فندقى واثبات قيد وكشف حساب ايضا ولم يطلب ان ينظر الى اى شيء وكنت تمام الثقه من نفسي الحمدلله ولم احزن عندما قالى اننى غير مؤهل للسفر
لكن المره هذى مختلفه فده اول مولوده ليا ومحتاج اكون بجانب زوجتى واكون اول واحد يقول الاذان فى اذن البيبي
واسف على الاطاله ومنتظر نصيحتكم
جزاكم الله خيرا