1. هلا اختي

هلا اختي

سلمي عالوالدة وايد وقوليلها تروح واهي مرتاحة ومتطمنة .. انا سبق وان زرت ايطاليا السنة اللي طافت وحجزت هالسنة على أول 7 انشالله .. اول شي بالنسبة للسوق طبعاً لا يعلى على ميلانو بسوالف الموضة واخر الصرعات مثل ما يقولون واللي اعرفه ان تنزيلات المحلات هناك تبدأ تاريخ 15-7 حتى 15-8 من كل عام (بميلان فقط) فحاولوا تستغلون هالشي وتضبطون الرحلة على هالتاريخ نفس ما انا بسوي انشالله .. وفي بعد سوق الاوت ليت بميلان للأسف ما رحتله السنة اللي طافت وناوي اروحله هالسنة انشالله .. باختصار ميلان كافي عليها 3 أيام تسوق وتكون آخر ايام الرحلة وأرشح فندق اسمه Brunelleschi نظيف وراقي وسعره معقول اتوقع 27 دينار بالليلة حق الغرفة الثلاثية وفوق هذا ما ياخذ منكم الا خمس دقايق مشي منه لساحة الدومو والسوق.
بالنسبة لفينيسيا اهي روعة تبين الصج وتصلح أكثر شي حق العرسان اليدد بس صح كلام الوالدة زيارة يوم واحد كافي عليها وهذا اللي بنسويه هالسنة بإذن الله بعد ما جربناها السنة اللي طافت 3 أيام هالسنة بنزورها يوم واحد لان معانا ناس ما شافوها .. وأحسن الأماكن اللي تزورونها بفينيس غير ساحة السان ماركو والتمشي .. فيها أول بنك بالعالم وأكبر مصنع زجاج ان ما خاب ظني حسب ما قالنا شخص مغربي صادفناه هناك .. بالنسبة للفندق (إذا حابين تسكنون) فندقنا غير مناسب لكم لان ضيج ولا فيه أصنصير! شوفي آراء الاعضاء عن أفضل فنادق فينيس يفيدونكم أكثر.
بالنسبة للتنقل كنا نتنقل بالقطار نحجز من المترو عندهم آلة تحجزون فيها حالا بس هالمرة احتمال اضبط حجوزاتي من اهني واختار التنقل بالطيارة خاصة بين المناطق البعيدة شوي لان مرات أقل من تكلفة القطار وأسرع.
أقترح عليكم مناطق ثانية مثل فلورنسا منطقة حلوة فيها سوق لا باس فيه وفيها أماكن اثرية نفس باجي مناطق ايطاليا .. وروما العاصمة فيها سوق وفيها الكولسيوم (المدرج الروماني).
وشلون على الفيزا؟! سويتوها والا بتسوونها؟! وهل عندكم خبرة بمتطلباتها؟!
وبس .. إذا في شي جديد راح نتعاون بهذا الموضوع بترتيب الرحلات بما ان وقت السفر مقارب وأي خطوة اقوم فيها انشالله ابلغكم ..

1. وبالنسبة للقطارات موجودة لكن للاسف ما أعرف لا اسعارها ولا مواعديها

الأسئلة ...

• السفر من لندن الى ايطاليا عن طريق القطار ، ولكن ايهم الاقرب روما او ميلان ؟ وممكن تعطوني فكره عن المده والاسعار

هلا بك أختي
أنا أشوف أنكم تروحون طيران الى روما وتمشون مساركم من روما وتمرون المدن وحده وحده
لأن روما تحت وبعدها فوق فلورنس وبعدها فينيس وبعدها ميلان
http://www.easyjet.com/asp/en/book/index.asp?lang=en
وهذا موقع خطوط أيزي جيت الأقتصادية أتوقع تكلفكم 3 أشخاص مع أضافة شنط 20 كيلو 266 يورو ذهاب من لندن الى روما
وبالنسبة الى الرجعة للندن تكون من ميلان الى لندن وتقريبا نفس السعر أو يمكن أقل

• ترتيب المناطق في ايطاليا شالأفضل انه يكون ؟ والتنقل بين المناطق عن طريق شنو (اسعار + وقت( ؟ كذلك بالنسبه للتنقل في المنطقه عن طريق التكسي او الباص ؟

بالنسبة لي أنا أشوف أن أفضل طريقة تنقل السيارة
أستأجار سيارة مع نفقيشن وتريحون بالكم

وبالنسبة للقطارات موجودة لكن للاسف ما أعرف لا اسعارها ولا مواعديها

وترتيب المدن روما فلورنس فينيس فيرونا سيرموني ميلان ولو نفسكم تروحون كومو ما يمنع

• الهدف من السفره بيكون سوق + أماكن سياحيه ، فعشان جذي محتارين بعدد الايام لأنه أول مره وماندري شكثر نحتاج ، فقط مقررين ان فينيسيا ليله وحده لأنه مثل ماقريت بالمنتدى انها غاليه وماعندنا فيها غير القارب "الوالده مقترحه ان نروح ونرجع بنفس اليوم اشرايكم؟ انا خاطري اشوف فينيسيا بالليل ولكن اخاف الرجعه بالليل تكون صعبه"، أما بيزا بنروح ونرجع بنفس اليوم لأنه بعد حسب ماقريت بالمنتدى ان مافيها غير برج بيزا

روما 3 أيام - فلورنس يوم مع زيارة لبيزا -فينيس يوم - فيرونا وسيرمون على طريق طلعتكم من فينيس اذا رايحين سيارة - ميلان 3 ايام (يوم لميلان نفسها- يوم لكومو ولوقانو ومنها تزورون أوت ليت فوكس تاون في سويسرا لوقانوا ويوم تروحون أوت ليت سيرفالي)

• أحتاج لتوصيه خاصه بخصوص الفنادق ، مثل ماقلتلكم احنا حريم بروحنا والبلد اول مره نروحها ، فالمطلوب مكان آمن وثقه

السلام عليكم
أكثر شي يحرج الواحد ، انه بعد السلام يقول طلبتكم من أولها
قمة الاحراج ... بس ان شاء الله ماتقصرون
وعليكم السلام ،،،،،والله يسلم الوالده
مافيه احراج احنا في المنتدى في خدمتكم ومانطمع الا بالدعاء
يا اخواني زهقنا من لندن زهقنا ، وهالمره أصرينا أنا واختي نروح ايطاليا
لكن المشكله بالوالده ان حريم بروحنا ومامعانا رجل فهي متخوفه شوي ، لا والله الا وايد مو شوي ;
المهم ، هذي أول زياره لايطاليا
بتكون سفرتنا : الكويت - لندن - ايطاليا /// ايطاليا - لندن - الكويت
تاريخ السفر ما تقرر للحين ، ولكن مو قبل 20 / 6
ناوين بايطاليا نروح : روما - ميلانو - فينيسيا - بيزا - (هل تنصحون باضافة فلورانسيا ؟(
مخطط الاقامه في ايطاليا اسبوعين - ثلاث اسابيع
الأسئلة ...
1- السفر من لندن الى ايطاليا عن طريق القطار ، ولكن ايهم الاقرب روما او ميلان ؟ وممكن تعطوني فكره عن المده والاسعار
اولا انصحك بالطيران ،ثانيا تصير ايطاليا المحطه الاخيره للعوده للوطن
الاقرب ميلان حوالي ساعه او ساعتين بالطائره
2- ترتيب المناطق في ايطاليا شالأفضل انه يكون ؟ والتنقل بين المناطق عن طريق شنو (اسعار + وقت( ؟ كذلك بالنسبه للتنقل في المنطقه عن طريق التكسي او الباص ؟
اذا تبي من روما بتكون روما - فلورنس - فينيسيا او جاردا - ميلان التنقل بالقطار لو تحبو او سياره اللي يناسبكم وسط المدينه المترو او الباص بيورو التذكره
3- الهدف من السفره بيكون سوق + أماكن سياحيه ، فعشان جذي محتارين بعدد الايام لأنه أول مره وماندري شكثر نحتاج ، فقط مقررين ان فينيسيا ليله وحده لأنه مثل ماقريت بالمنتدى انها غاليه وماعندنا فيها غير القارب "الوالده مقترحه ان نروح ونرجع بنفس اليوم اشرايكم؟ انا خاطري اشوف فينيسيا بالليل ولكن اخاف الرجعه بالليل تكون صعبه"، أما بيزا بنروح ونرجع بنفس اليوم لأنه بعد حسب ماقريت بالمنتدى ان مافيها غير برج بيزا
روما 3 ليالي فلورنس 3 ليالي وشوفي موضوعي عنها جاردا 3 ليالي ارخص سكن من فينيسيا وقريبه منها بالقطار ساعه ميلان 3 ليالي
4- أحتاج لتوصيه خاصه بخصوص الفنادق ، مثل ماقلتلكم احنا حريم بروحنا والبلد اول مره نروحها ، فالمطلوب مكان آمن وثقه

الله يسلمك ويطمنك دنيا وآخره عقنقل

- اخواني بالنسبه لمخطط السفره فهو غالباً ثابت ..... الكويت لندن ايطاليا - والعكس
لأن اكيد بتطلع عندنا اغراض ونحتاج للشحن ، وبلندن ضامنين شركات الشحن
هذا غير ان الوالده مصره تزور لندن ، مايهون عليها صيفيه ماتروحها ;d

• عندكم فكره عن ال vat للمشتريات من ايطاليا ؟؟؟ اذا شريت شي وبرجع لندن بالقطار اشلون اسوي الضريبه ؟؟؟؟؟؟
• مناطق ايطاليا نفس لندن بالتسوق ؟ اقصد المشي ، ولا تحتاج لوسيلة نقل للتنقل داخل المنطقه الوحده ؟
• سعر الباص لثلاث اشخاص يفرق عن سعر التاكسي ؟
• اكو مشكله بالسفر عن طريق القطار من لندن الى ايطاليا ؟؟

هلا بك أختي
هلا فيك اخوي llvlloto
أنا أشوف أنكم تروحون طيران الى روما وتمشون مساركم من روما وتمرون المدن وحده وحده
لأن روما تحت وبعدها فوق فلورنس وبعدها فينيس وبعدها ميلان
http://www.easyjet.com/asp/en/book/index.asp?lang=en
وهذا موقع خطوط أيزي جيت الأقتصادية أتوقع تكلفكم 3 أشخاص مع أضافة شنط 20 كيلو 266 يورو ذهاب من لندن الى روما
وبالنسبة الى الرجعة للندن تكون من ميلان الى لندن وتقريبا نفس السعر أو يمكن أقل
هم والله السعر معقول مقارنه بالوقت بعد ، هذي الخطوط معروفه ؟ ولا من الطيران المرعب

وعليكم السلام ،،،،،والله يسلم الوالده
مافيه احراج احنا في المنتدى في خدمتكم ومانطمع الا بالدعاء
الأخ اطليانو ماتقصرون والله ، وربي يوفقكم
اولا انصحك بالطيران ،ثانيا تصير ايطاليا المحطه الاخيره للعوده للوطن
الاقرب ميلان حوالي ساعه او ساعتين بالطائره
في حال اخذنا القطار من لندن الى ميلان ، وبعدها ميلان فينيسيا روما ، العوده تكون من روما للندن ؟
القصد ان ماتفرق سواء رحنا لندن - روما - ميلان - لندن
أو لندن - ميلان - روما - لندن
اذا تبي من روما بتكون روما - فلورنس - فينيسيا او جاردا - ميلان التنقل بالقطار لو تحبو او سياره اللي يناسبكم وسط المدينه المترو او الباص بيورو التذكره
ممتاز سعر الباص تذكرته بيورو يعني ثلاثتنا بثلاثه يورو ، اعتقد انه اوفر بكثير من التاكسي !
بالنسبه للباص اعتقد ان الفندق عنده استعلامات بخصوص ارقام الباصات والمكان الي بنروحه ، صحيح ؟
روما 3 ليالي فلورنس 3 ليالي وشوفي موضوعي عنها جاردا 3 ليالي ارخص سكن من فينيسيا وقريبه منها بالقطار ساعه ميلان 3 ليالي
هذا انا اشوف التقرير وشكله شيّق ^^ ، عجبتني الاماكن الموجوده في فينيسيا
تقصد ان نسكن في جاردا

1. العنود

العنود

بميلان يبدي 15/7 إلى 15/8 هذه التنزيلات الصيفية أما الشتوية 15/1 إلى 15/2 .. بالنسبة للأيام صدقيني ميلان مدينة التسوق وبس حسب اللي شفته يعني ما رحنا أماكن سياحية إلا اللهم نادي رياضي يعني 3 أيام تكفي وتوفي
بالنسبة للفندق انا اعتذر منج لأن رحلتنا شبابية فمقسمها على 3 وعطيتج سعر الليلة مع القسمة!! مع الحسابات والترتيبات ضيعت السموحة بس تقدرين تحجزين من بوكنغ وتضيفين سرير (20 يورو على السرير الواحد لليلة وحدة).
التنقل بين المناطق كنا نستخدم القطار وما حصلنا أي مشاكل بالحجوزات مع ان وقتنا كان صيف ووقت ضغط بس كنا نحصل اللي نبيه على طول الحمد لله والحجز مثل ما قلت لج من المترو نفسه في مكينة آلية وفي كبينه حق اللي ما يعرف يحجز من المكينة .. وبالنسبة للتنقل داخل المدينة ميلانو بالذات فيها ترام يوصلج ابرز الاماكن بميلان بس تحملوا بطئه شوي وكثرة توقيفاته! بس ممتع حق السياح وباقي مناطق إيطاليا كنا نستخدم التكسي بصراحة حق الأماكن البعيدة شوي مع انهم غالين حبتين .. وفينيس طبعا ما تحتاجين تكسي إلا التكسي البحري اللي يوصلج من محطة القطار إلى ساحة السان ماركو بس المركب الشخصي غالي شوي حاولوا تركبون المركب الجماعي 5 يورو للشخص.
والتنقل بين المناطق مثل ما ذكرت لج ما يمنع بالقطار بس ياخذ اوقات طويلة متعبة بين المناطق البعيدة! احيانا المناظر الخارجية تقزر عليكم البعد شوي
بالنسبة للفيزا انشالله الرد الجاي اوضح لكم اجراءاتها ومتطلباتها بالضبط خاصة حق الكويت لأنها تختلف عن المتطلبات اللي يكتبونها الاخوان من السعودية ..

متطلبات الفيزا للكويتيين:
أولاً الذهاب لشركة القبس وهذا موقعهم http://www.qavisa.com
الأوراق المطلوبة:

• نموذج طلب التأشيرة يكون معبأ بالكامل (تلاقين النموذج بموقع القبس خاص بالسفارة الإيطالية نزليه برنت وعبيه)
• صورة جواز السفر (يستحسن تودين لهم الاصلية بعد احتياط)
• صورة البطاقة المدنية (نفس الشي ودي الاصلية احتياط)
• صورة وحدة شخصية (خلفية بيضاء) روحي اي محل تصوير قوليله شنغن واهو يعرف شغله.
• تذاكر الطيران + السكن (حجوزات مؤكدة).
• تأمين صحي

سلامتكم وتعيشون