بارك الله فيك أخي شامي مبندق ، وياليت تحطنا الصور يامبندق .

(( مسائكم ياسمين دمشقي ))
يا شامي يا مبندق
عنوان موضوعك ذكرني بسالفة
رحت لحلاق هندي عندنا بالديرة وهو يحلق لي أسولف معه
عن أهله وعياله وسألته عن إسم عياله وقال لي
على إسم ولده الكبير والله إستغربت وتفاجأت من إسمه
إحزر معي شو إسمه
لما تنزل الصور اللي مخبيهن عنا راح أخبرك شو إسمه
ههه
,
وإلا أقولك بلا ما تزعل مني
وأنا صراحة ما أحب أزعل حدا وبالذات إذا كان شامي
إسم ولد هالحلاق الهندي صدق أو لا تصدق
إسمه سوريا
ويعني باللغة الهندية وجه الصبح ويمكن قصدهم الغسق
اللي قبل طلوع الضوء
وهذي معلومة جديدة سجلها عندك
ويالله عاد نزل صورك ولا تتأخر علينا وإلا ترى أنا اللي بزعل
ذيب الشمال
أبو قصي

انا ادلك على مطعم هندي في دمشق عجب
مطعم مهراجا في ابو رمانه عند السفارة السعودية
جلسة واكل روعه

ياشامي ولا عليك امر نزل الصور شوقتنا بما فيه الكفاية
كفاية
يومك سعيد

اعرف واحد قريب من الفورسيزن

ردود عسل ...... أخجلتموني
طيب ... رح نزل الصور ... أمري لله .... .... بس للأسف الصور نسيتون .... رح تكون الصور جاهزة بعد ساعتين ونص من هلق باذن الله ..... ماشي
ولو طلباتكون أوامر .....
استنوني
ودمتم

الله يسعدك ولايحرمنا منك بنتظارك ولك تقديري الله يقويك

1. صراحة لما قربنا من المطعم تفاجأت من المدخل الحلو ... وبلشت صور

السلام عليكم
رجعت بعد الغياب ... هاهاهاه
المهم ... كنا بجولة أنا وأقربائي ، ورحنا نتعشا بمطعم قرطاج ( مطعمي المفضل ) وإذ بنشوف من بعيد إضاءة بيضاء بكلمة الهند ...

صراحة لما قربنا من المطعم تفاجأت من المدخل الحلو ... وبلشت صور

واذا بشوف شب جاي قريب مني مبتسم ... قلت أكيد بدو يقلي ممنوع التصوير .... بس قلت ليش مبتسم يا ترى ... وفاجأني أنو سلم علي وقلي تفضل استاذ شوف المطعم .. أكيد حضرتك أول مرة بتجي .. قلتلو صح .. أنا أول مرة بشوف هالمطعم
قلي هاد المطعم تابع لمطعم بوابة دمشق ... بس أخدوا الطرف الأخير من المطعم وعملو لألوا بوابة منفصلة بس بتقدر تفوت من خلال مطعم بوابة دمشق ... استغربت ومشيت معو بالجولة ... وخلينا نشوف هالجولة
هي البوابة اللي بتوصل من وإلى مطعم بوابة دمشق
هو درج حجري بس ماقدرت صور منيح لأنو كان في حريم
بعدين شفت طاولات برا صيفية وطاولات جوه شتوية ... أثناء مروري من الطاولات الصيفية اللي فيها عائلات شفت على يميني شلال كتير حلو
بعدين فتت للمدخل واللي كان مزخرف وكتير حلو
بعدين وصلت لدرج بيوصل لطابق تاني بس ماكان الطابق شغال ( فيه شوية تصليحات )
بعدين قلي رئيس الكراسين أنو عندون مطعم هندي وصيني بالإضافة للأكلات العربية والغربية
وشفت البهو الجواني فيه طاولات مزخرفة مو طبيعية
بعدين شفت القاعة الصينية ... وعليها رسومات كتير حلوة ( على فكرة الصور ما فرجت الحقيقة تبع المطعم ، يعني المطعم أحلى من الصور )
بعدين سلمت عليهون وقلتلون برجع لجرب الأكل الصيني ... لأني كتير بحبو
وطلعت وصورت هالصورتين ..هي من جوات المطعم
وهي صورة للبوابة ... صحيح صورت المطعم بس للأسف ما صورت الأكل ... بركي المرة الجايه .. هاهاها
والسلام يا كرام

المكان رائع ويعطيك العافية على هالصور الجميلة