هلابك اختي
والف مبروك مقدماُ والله يوفقكم
انا حاطه في بالي تكون السغره من 000 قطر / روما / فينيسيا / ميلانو / موناكو / باريس / لندن والعودة إلى باريس ومن ثم قطر
انصح بعدم الاكثار من التنقل وخصوصاً في شهر العسل ... اقترح تقليصها لراحتكم
>>ودي اعرف كيف المواصلات وشكثر المده للوصول لكل مدينه وما هي افضل طريقه للمواصلات غير السياره لأن صعب بالسياره
انصح بالتالي:
من روما لفنيسيا ... بالطياره
من فينيسيا لميلان ... بالقطار
موناكو أنصح بإلغائها كلها مقاهي وتشخيص
و الغاء المحطة الاولى لباريس
و من ميلان للندن ... بالطياره
ومن لندن لباريس تكون المحطة الاخيره ... وبذلك اختصرت مدينتين مونتاكارلو وباريس بدل المرتين تكون مره وحده
والله يا اختي خذيها نصيحه مني .. كل ما قلت المدن كل ما كانت السفره أجمل .. ولاحقين على المطامر
>> كم يوم احتاج اتم في كل مدينه ..؟؟ مع معرفتي ان فينيسيا لا تحتاج للبقاء والمبيت فيها ..
روما = 6 ايام
فينيسيا = 3 ايام
ميلان = 4 ايام
لندن = اسبوع
باريس = اسبوع
وفينيسيا لازم تنامين فيها .. حرام تضربون مشوار وتتعبون على الفاضي ، يعني يوم الوصول ويوم السفر لا تحسبونه
ما هي افضل المناطق للسياحه فيها وما هي المعالم الممكن نزورها في كل مدينه ؟؟
>> ما هي افضل محلات التسوق ؟؟
>> ما هي الفنادق الممتازة التي يمكن السكن فيها ؟؟ وتكون وسط المدينه ؟؟
حددي المدن النهائيه و ماراح نقصر معك
>> هل بالفعل تكثر السرقات في ايطاليا؟؟
شوفي الواحد لازم يكون حذر في كل مكان .. السرقات تكون في اي مكان وفي ارقى الاماكن في العالم
بالنسبة لي اذا سافروا معي الاهل .. احاول قدر المستطاع ان نرجع قبل الليل أو بالكثير نتعشى ونرجع مباشره
ومنها ننام بدري ونستفيد من اليوم الجديد ونبعد عن جرائم ومشاكل الليل
هل من اقتراح لمخطط اخر يكون افضل باعتبار ان احنا في شهر عسل ؟؟؟
اقترحت عليك الغاء موناكو و الاكتفاء بزياره وحده لباريس

عجبني مخططك جدا اخوي الهلالي واشكرك على تفاعلك السريع معاي وربي ما خيبت ظني
على بركة الله امشي على نفس ما قلت بالجدول .. بس الطيران الداخلي مخيف اذكر اسبانيا وسويسرا استغليت الطيران الاسباني كان رعب رعب ههه
بس احس فينيسيا مب وايد 3 ايام؟؟؟؟
الله يجزيك خير ربي يعطيك العافيه
بس الحين السؤال كيف استغل هالايام صح ووين اروح فيها بالضبط ؟؟؟ لأن بالفعل وانا اقرا التقارير تعبت تعبت كثير واحس نفسي تايهه وودي اجمع كل شي بموضوعي هنا ..
اسمح لي اذا بتعبكم معاي لكن والله انتوا ماتقصرون والاستفاده منكم كبيره ومكسب لي ..
جزاك الله خير

وهل من رأيك نروح لفلورنس ولا مش لازم ؟؟ او هل بالإمكان اضافتها ضمن الرحله ؟؟؟
في الانتظار

بس احس فينيسيا مب وايد 3 ايام؟؟؟؟
يوم الوصول
يوم تجلسون وتتمشون فيه
يوم المغادره
لا تحسبين يوم الوصول ويوم المغادره .... سويتها مرتين وكانت روعه ... ليلتين 3 ايام حلوه

شقاويه
عندك فلورانس و بيزا و كومو وسيرميوني ولوقانو السويسريه
انا من رأيي تخلونها بظروفها .... يعني ممكن تطلعون لاي وحده منهم وترجعون في نفس اليوم من ميلان
يعني اتركي القرار هناك وفكروا فيها وعن موعد القطارات

طيب اي طيران ناخذ؟؟؟
وايش الاماكن اللي نزورها ؟؟؟
وهل من مطاعم عربيه؟؟؟
واي افضل الفنادق؟؟
وكم المدة بالطياره من روما لفينيسيا ؟؟ ومن ميلان للندن؟؟
والله يعطيك العافيه اخوي الهلالي على متابعتك لموضوعي وربي ما قصرت

انصحك يا اختي بأن لا ترهقي نفسك انت وزوجك الفاضل في السفر لعدة بلاد فالحماس يغلب عليكي وتريدين زيارة اوربا كلها في زيارة واحدة :36_11_3:
نصيحتي ان تزوري دولتين فقط وعدة مدن حيث توفرين الوقت والجهد والمال( مال زوجك طبعا) واذكرك بأن الارهاق لن يجعلك تشعرين بأي متعة وزيجة مباركة