نشر في سويسرا

النقاب في سويسرا

ام عبدالعزيز27

04-05-2022 - 02:42 pm

السلام عليكم ورحمة الله وبركاته
اخواتي الله يعافيكم انا استفدت كثير من المنتدى جزاكم الله خيرا واحسن اليكم
ولدي استفسار عن لبس النقاب في سويسرا ؟؟ وكذلك "" عباية الراس ...؟؟؟ هل تتعرضون للانتقاد والايذاء ام لا ...؟
اتمنى من الاخوات اللي لهم سابق تجربة حديثة يفيدوني ولكم مني صادق الدعوات.....

التعليقات (9)

bo.nasser33

04-05-2022 - 05:08 pm

اليوم العصر اتمشى في انتر لاكن كلها نقابات عادي محد يكلمكم لكم الحرية في النقاب و عباية الراس بالتوفيق

first dream

04-05-2022 - 06:09 pm

ام عبدالعزيز27
توي راجع من سويسرا وكانت معي زوجتى ولم نجد اي مضايقات او انتقاد وانما نظرات استغراب عاديه زي لما نشوف احد منهم شكله او هيئته غريبه وفي المطار عند الوصول وختم الجواز اخذنا مسار كان في امراه وطلبت كشف الوجه وعند المغادره كان فيه رجل وفقط القى نظره على الوجه
والافضل تكون العبايه والنقاب ملونه
وزي ما ذكر اخونا بوناصر في انترلاكن

ام عبدالعزيز27

04-05-2022 - 07:10 pm

جزاكم الله خيرا
وحقق ماتتمنون في الدنيا والاخرة ... آمين

KHALID2007

04-05-2022 - 08:11 pm

سويسرا عادي حتى لو عباية سوداء اللون ونقاب كامل , لكن المانيا حدث ولا حرج ( نظرات غريبة منهم مع العلم اني مارحت مدن كثيرة ,, رست وفرايبورج - بادن بادن ) والنمسا عادي
اجازة سعيدة

القطري

04-05-2022 - 09:12 pm

وعليكم السلام ورحمة الله وبركاته
هلا وغلا اختي ام عبدالعزيز
والله ايثبتنا وايثبتكم على طاعته
لاأتحاتين ابداً ..
رحنا انترلاكن 3 مرات والجماعه كلهم نقابات وعبايات سودا ..
والمانيا ولندن وباريس وايطاليا ..
الموضوع كله نظرات في بعض الاماكن وهذا شي عادي ..
نفس ماانشوف وحده لابسه جينز في مكان عام في بلادنا بدون عباه وحجاب وكيف الناس اتشوفها بأستغراب ..
اتوكلوا على الله ولا اتحاتون شي

فيصل

04-05-2022 - 10:13 pm

بعد أذن ام عبدالعزيز
مشرفنا الرائع القطري الحين باريس ممنوع النقاب للعلم ومخالفه 150 يورو

الإمـ بنت ـارات

04-05-2022 - 11:14 pm

اتطمني اختي الغالية الوضع عادي وحتى لو فيه نظرات غريبه خل ايولون ولا ايهمك احنا ما انسوي شي غلط
مثل ماهم يلبسون على كيفهم في بلادنا وماخذين حريتهم احنا بعد نلبس على كيفنا
احنا رحنا أنسي الفرنسيه ولا حد قالنا شي الحمدلله

القعقا ع

05-05-2022 - 12:15 am

نظرات الإستغراب التي كانت تنال زوجتي من الأطفال وكبار السن في النمسا وألمانيا
الأطفال ياحليلهم يظنوننها مهرجه

سويسرا الحُلم

05-05-2022 - 01:16 am

في سويسرا مافي قانون يمنع هذا الشيء
فقط مثل ماقالوا الإخوة نظرات إستغراب ، وممكن يكون سوء معاملة في طلبتوا سؤال من أحد هذا يكثر في القطاع الألماني ، لكن القطاع الفرنسي ودود ومايدخل في أحد ويحترم حرية الاديان .
في الأخير لا تهتموا وإستمتعوا في رحلتكم ، إلا لو كانت النظرات تضايقكم وتزعجكم بإمكانكم لبس عبايات ملونة ، مع أنه الأمر عادي لكثرة المحتجبات .
لكن فرنسا فهو ممنوع وفي غرامة مالية .
رحلة سعيدة وموفقة يارب .

سويسرا المسافرون العرب

النقاب في سويسرا