النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابو طلال3
28-04-2022 - 05:42 am
  1. المهم

  2. وفيه تنبيه بسيط


السلام عليكم
احب بس اوضح للاخوه اللي بيروحون للسفاره اللي بالرياض وين موقعها بالضبط،، لاني وبناء على بعض الاخوه اتبعت وصفهم للسفاره لكن بصراحه ضيعت...

المهم

الموقع هو.... اول ماتدخلون البوابه الرئيسة على طول احسبو اول دوار ..وثاني دوار لفو من عنده يمين يجيكم دوار رقم 4 وبعدين يسار ... وبعدين على طول اليين يجي دوار رقم 3 لفو برضو يسار وعلى طول الين يجي دوار رقم 9 لفو يمين على طول الين يجي دوار رقم 10 وبعدين خوذو لفه علييه يعني يو تيرن بتلقون لوحه للسفارات الموجوده على اليمين على طول وهي اليابان وسويسرا والنمسا ... وسلامتكم

وفيه تنبيه بسيط

هو يااخوان واخوات لا تاخذون حجوزات فنادق وهميه ابدا ابدا... لانه ولضيق الوقت ولانا عليميه ..سوينا حجز وهمي لكن السفاره كلمو زوجي بنفس اليوم اللي ودينا الاوراق وقالوا مافيه حجز باسمك بالفندق... وكلمنا الهندي الله لايحلله لانه ضيع علينا كم يوم وقام سوى حجز من جديد وقلت ابتاكد... كلمت طبعا الفندق وبعد شرح وتعريف وتهجئة اسم قال فيه بس الى يوم 9 سبتمبر والمفروض الى 19 سبتمبر وقلت عدله لنا لكن طلع محجوز الى 19..... المهم سوينا حجز على بوكيننق وودينا الاوراق اليوم .....والله يستر ويسهل ويكتب اللي فيه خير وصالح يارب
بصراحه تعبت مع السفاره وتنسيق الرحله هاذي.... ان شاء الله ماانصدم
دعواتكم بالتوفيق لي وللجميع
اختكم ام طلال


التعليقات (8)
foxx109
foxx109
اكيد راح يتأكدون والا ما طلبوا الاوراق ,,,
في طريقة متبعة لاغلب الاعضاء ..
وهي حجز وهمي من بوكينق قابل للالغاء (ضروري تشيكون على سياسة الالغاء)
وبعد ما تطلع الفيزا تلغون الحجز ,,
لكن اذا كان موعد سفركم قريب ليه ما تحجزون الحجوزات الاكيده ؟؟

شارلوك هولمز
شارلوك هولمز
الله يوفقك انتي وابو طلال ويسرلكم السفرة الممتعة وتجبيون التقرير المتميز
هولمز

سندريللا الرياض
سندريللا الرياض
يارب تهلها عليكم
بس شلون الهندي سوا لكم حجز وهمي ؟؟

ابو طلال3
ابو طلال3
فوكس شارلوك وسندريلا اتشرفت بوجودكم والله يسمع منكم ان شاء الله ولكم بالمثل يارب
اول شي اخ فوكس يوم رحنا لمكتب السفريات اعطانا اسعار غاليه مره بفنادق واحنا حابين شقق فندقية.. خبرك عايله ولازم المطبخ يكون موجود وحلاة الريف النمساوي بشقق تكون ابسط وانسب للجو الريفي والمكتب ماعندهم شقق ابدا والصدمه القويه انه قال لنا انه اساسا اذا حجزت لكم لازم ننتظر فاكس بالموافقه وهي تاخذ من 4 الى 5 ايام
فصارت الامور سريعه وواحد صديق زوجي يعرف مكتب ثاني ونصحه يروح هناك....وصار اللي صار
اما بالنسبه لسياسة الالغاء ....بصراحه ماعندي خبر اول مره ادري عن كذا ....انه موقع بوكيننق ممكن يكون فيه حجز وهمي....
صدمتني الله يستر يارب... ويوم وديت لهم الاوراق امس قلبو فيها وقروها وانتظرنا اتصال منهم امس واليوم لكن ماكلمو
وبيني وبينك ياخوي المفروض فيه تاكيد في المنتدى على سياسة بوكيننق هاذا
فيه ناس ماعندهم خبر او ماتوقعو مثلي لكن الله يسهلها يارب
سندريلا الهندي الله لايحلله ماشفناه ابدا لكن المكتب اللي رحنا لهم كان فيه عراقي وقال ازهلوها وكلم هندي بفرعهم الثاني قام سوى لنا حجز بالهيلتون وارسل لنا ايميل انه الحجز اوكي لكن صار العكس وقدر الله وماشاء فعل
اختكم ام طلال

foxx109
foxx109
هلا ام طلال ...
انتم يوم حجزتم هل كان الحجز قابل للالغاء .. او غير مسترد ؟؟
وبعدين لو تبونا نساعدكم .. عطينا التواريخ وبلد الوصول وبلد المغادرة
وعدد الايام ... وابشروا باللي تبونه ,,

ابو طلال3
ابو طلال3
الله يطول لنا عمرك اخوي فوكس ...الله يسعدك ويوفقك ...ويبشرونك بالجنه ووالديك يارب ... كلك ذوق
اتوقع انه قابل للالغاء ... لانه ماندري اذا الفيز يمديها تطلع قبل سفرتنا او لا وهو فجر يوم 28 اغسطس
حددنا اول 3 ايام فينا وبعدين 4 ايام زيلامسي و4 ايام الكامرون و4 ايام ماريا الم و2 ميونخ و4 ايام باريس واخر يوم فينا والعوده يوم 19 سبتمبر
واتوقع اخوي انه ماراح يمدي اي حجز ثاني..... لكن يكفيني رغبتك في مساعدتنا... وصلت... الله يساعدك دنيا واخره اخوي
دعواتك.... اختكم ام طلال

foxx109
foxx109
لا ان شاء الله بتطلع الفيزا وبتنبسطون وبتسافرون بإذن الله ,,
بالتوفيق ,,

ابو طلال3
ابو طلال3
اشكرك اخوي فوكس والله يسمع منك
ام طلال


خصم يصل إلى 25%