والله البلشه
الحل المثالي انك تواصلين مع المسئولين عن الموقع بالايميل او contact us
بس ماهقيت بيردون
جربي بالتلفون ممكن يرضون
وثاني شي من متى فرنسا مواعيد ؟ بعد لازم مقابله شخصيه صاروا ؟؟؟

اختى انتى نفس الغلطة الى طحت فيها بس انا حجزت وخلصت وما طبعت الموعد على بالي بيطرشون نسخه في الايميل..
انا احتفظت بتاريخ والوقت وراح نروح للسفاره بنفس الموعد ،مع العلم انى ارسلت ايميل للسفاره وماحد رد على..
يالله عسي خير
ملاحظه السفاره الفرنسيه في بوظبي

اذا انك في الرياض , اكتبي اسم الشركه , ونوصف لك عنوانهم

اشكر الجميع على الرد
..انا حجزت عندهم وطبعت الموعد ومتاخر للاسف..وناويه اروح لهم بكره بدري يمكن يسمحون لي
اذا مافيه زحمه يمكن خفت شوي لقرب رمضان يالله نجرب حظناوعلى الله..الاخ مزاجي:اشكرك على الرد والتاشيره بقطر عندنا الافضل بموعد من الموقع
ولما تدخل ماتنتظر كثير في الموعد اللي حددوه لك
والسنه بعد لازم بصمة العين
بعد الايادي العام الماضي..ومره ثانيه الف تحيه للي ردو علي..

اختى ربي يوفقج وان شاء الله تبشرينا انهم قبلوكم بدون موعد..
انا زوجى راح للسفاره الفرنسيه ما دخلوه قالوله لازم موعد...ربي يسهل الامور

عيون الطيف الغاليه..الله يعينك ويسر اموركم يارب..انا ابشرج رحت لهم مع بنتي وبدون موعد ويلست اطلطل
وابصبص في اوراق الاوادم اللي عدالي كلهم مواعيد وبنتي اتقول لا في ناس ماشي ورقه الموعد.
..المهم كان العدد 10-12واحنا منهم ومامرت10دقايق تقريبا الاوتاشر لي من بعيد تعالوا
وبنتي تزن يالله نقدم
وانا اقول انتظري يوم بيخلصون بنجدم علشان مانتفشل.خ
وقلت لها ماشي موعد قالت فيه اوبلكيشن قلت لها ايوه قالت اوكيه وسويت بس بصمة اليد وقالت روحي وتعالي الساعه 3 العصر اليوم(فرحت)ولاتكمل الفرحه الابستلام الجواز وسرت لهم 3:40دقيقه ثواني وخذت الوصل واستلمت الجواز اهنيه طرت
من الوناسه وعقبالكم..

يا جماعة وش المواعيد اللي قاعدين تكلمون عنها انا مجهز اوراقي وناوي اروح بكره بدون موعد وش الدبره و ايش الاجراءات من -الى افيدوني بليز انا في الرياض

اخوي روح وجرب حظك اذا لك نصيب بيسرون امرك واذا قالوا خذ موعد من موقعهم بالنت وسفرتك باقي لها وقت ممكن تشوف اقرب موعد لتقديم الطلب ...خاصه ان الحين مافي زحمه وتقيد..انا بقطر دخلت عليهم وكان العدد اقل من 8اشخاص وعندهم موعد الاانا لما خلص نص الموجودين اشرت صوبي ونادتني وخلت وقالت العصر عدي علينا ونسلمج الجواز وفيه الفيزا...اهم شي الدعاء والتوكل على الله وانت رايح لهم..بالتوفيق لك يارب..