Great united
19-04-2022 - 05:24 am
السلام عليكم ورحمة الله وبركاته
اول شيء احب اقدم شكري وامتناني للقائمين على القسم وجهودهم الجباره .. لاخلا ولا عدم
الحقيقه موعدي بالسفاره يوم السبت القادم بحول الكريم وعديت العده وجهزت كل المطلوب ان شاء الله ولكن من زود الوسوسه حبيت اكتبها لكم تتأكدون لي
تعبئة الاوراق كامله - تسديد رسوم الفيزه - صور شخصيه - الجوازات - التذاكر - ضمان مالي - كشف حساب - بطاقة العائله الاصل
جهزت هذي كله تقريباً وحاب اروح وانا متطمئن وابيكم تطمنوني بكامليتها واذا فيه شيء ناقص ياليت تخبروني اكمله علشان ماانحاس من جديد
وعندي استفسار بسيط ..
الاطفال لازم مجيئهم وخاصه للي هم بين عمر 6 سنوات واقل ؟
مطلوب خطابات عمل للطلاب أو للموظفين ؟ وهل هي ضروريه ؟
اروح للسفاره حسب الموعد " يعني موعدي الساعه 10 اجي عشر " او الدخول يكون للي جاي أول حسب ماسمعت لأني ناوي اسنتر هناك من 6.30 خ
واخر استفساراتي ولو اني طولت عليكم بس تحملونا
الحقيقه انا متوجه ومعي والدتي وثنتين من خواتي واخوي صغير .. يعني كل الحمل علي انا ف وش نصايحكم
ولاتحرمونا من دعواتكم
الف شكر لكم مقدماً واعتذر مره ثانيه على الإطاله
لكن من المهم انك تحضر معاك خطاب او تعريف من مقر عملك موضح فيه مسمى الوظيفة وتاريخ بداية العقد وسنوات الخبرة وتفاصيل الراتب او اجماليه وتكون جميع الاوراق مع الكشوفات باللغة الانقليزية !!
الاطفال اقل من 14 سنة ليس لديهم مقابلة ولا يحتاج وجودهم في السفارة الا اذا طلبت السفارة ذلك لاحقاً !!
وبالنسبة للموعد الاول فالاول كل ما رحت بدري بتدخل بدري وبالفعل قبل 6:30 الصباح بعد افضل !!
الوالدة والاخوات اذا كان ممكن ينتظروا في السيارة لين موعد الدخول وتكلمهم بالجوال او الوالدة الله يحفظها تجيب لها كرسي يتطبق اذا كانت كبيرة في السن ومامعكم سيارة في الرياض او الظهران !!
بالتوفيق