الله لايعوق بشر
وعليكم السلام ورحمة الله وبركاته
بالنسبة للإجرائات يمديك بس إستعجل فيها بكره لاتسوي إلا " تعبي الفورمات وتسدد السيفس عن طريق أي فيزا " لازم فيزا "
السبت إن شاء الله رح أنت وأبوك للبنك وخلهم يسوون شهادة بنكية باللغة الإنجليزية ويسجلون فيها إسمك ورقم جوازك " بنفس الإسم اللي بالجواز " وتحاول يكون المبلغ كبير شوي ويكون بالدولار الأمريكي .. وكشف حساب 6 شهور باللغة الإنجليزية " الأفضل " ... وعلى طريقك تسدد رسوم السفارة 498 ريال " قل لهم تسديد رسوم الفيزا الأمريكية وهم بيعرفونها " في أي فرع من فروع سامبا"
بالنسبة للفورمات سهله مره بس أنت مستصعبها حبتين
وبالنسبة لكتابة إسمك ثلاثي " فلان بن فلان الفلاني " بالعربي تكون في نموذج 157 الخيار رقم 3 والباقي تطبعة بالكمبيوتر بالإنجليزي
إكتب بيتطلع على حساب أبوك " At the expense of my father "
والسيفس مثل ماقلتلك فوق مالك إلا الفيزا أو ماستر كارد
بالتوفيق إن شاء الله وعساك مابعد طلعت على شان تبداء تجهز الأبلكيشنات من الان
وإبحث في قوقل "موضوع كامل لكل ما يخص اجراءات السفاره الامريكية "
تفطرون على خير

الله لايعوق بشر
السلام عليكم ورحمة الله وبركاته
اخوي انشالله مافيه داعي للقلق بس شد حيلك وخلص امورك وعب الفورمات من الحين
بالنسبة للفورم اللي يطلب منك انك تكتب اسمك باللغة العربية هذا الفورم عبيه باللغة الانجليزية وخلي خانة الاسم اللي باللغة العربية فارغة واطبع الورقة بعدين اكتب اسمك بالقلم بخط ايدك بالعربي
وبالنسبة للي بيتكفل براستك اذا ابوك بكل بساطة تقول MY FATHER
وبالنسبة للسيفيس اذا راح تسدده بالفيزا فانك تضمن انك تحصل على وصل استلام مبلغ السيفيس لكن اذا ماراح تسدده بالفيزا ففيه طريقه انك ترسل شيك بمبلغ مئة دولار بالبريد الى الجهة المختصة عن السيفيس ولكن مشكلتها ان البريد يتأخر وانك ممكن تروح السفارة والمبلغ لسه ماتسدد او ان الوصل راح يتأخر على مايرسلونه لك
فالافضل انك تسدده بالفيزا لأنه فوري وفي نفس الوقت يتم تسديده ويطلعلك وصل تطبعه وتاخذه معاك للسفارة وبعدين السفارة عندها صلاحية تدخل على السيستم حق السيفيس وتتأكد انك سددته
وهذا هو موقع السيفيس بالنسبة للطلبة الراغبين في الدراسة اذا يسمحولي المشرفين عالمنتدى ان اضعه
https://www.fmjfee.com/i901fee/students/formSelection.htm
والله يوفقنا ويوفقكم اجمعين
ادعولي بالتوفيق وشكرا

ماشاء الله ..
الاخوان ما قصروا معاك ..
وهذا الموضوع بيفيدك باذن الله ...
https://artravelers.com/p/re/165542
بالتوفيق

dm3ti
كفيت ووفيت .. الله يبيض وجهك لاهنت عزيزي
بالتوفيق لك
الحياه خبرات
الله لايهينك ويبيض وجهك ماقصرت ..
Impact
شكرا على المرور
وفقكم الله جميعا وجعل ماتقومون به في ميزان اعمالكم؟
عندي سؤال ولا عليكم امر
ابي اعرف وش اخذ معي عشان اعبي الاوراق؟
انا بطلع كوفي الليله اعبي الفورمات لان بالبيت ماعندي طابعه فلذلك ابي اخذ كل الاوراق معي
طبعا بأخذت الشهاده الثانويه والاي توني واسم الوالد والوالده كما بالجواز هذا الي اعررف؟
ياليت تفيديوني وشكرا لكم

الله لايعوق بشر
شوف تأكد انه معاك اسم الوالد والوالدة حسب جواز السفر
وتأكد انه عندك رقم تلفون وعنوان شخصين قريبين منك
وتأكد من عنوان المنزل ومن شهادة الثانوية واي شهادة حصلت عليها بعد الثانوية
وتأكد انه جواز سفرك معاك لأنه فيه معلومات مطلوبه من الجواز
وجاهزين في اي وقت للمساعدة
وبالتوفيق للجميع
وشكرا

^^^
لاشكر على واجب يالغالي
===
خذ معك صورة جوازك + ال I-20 + تواريخ دخولك المرحلة المتوسطة والثانوية والجامعية " إن وجد " .. تكتب كل المراحب ..
وإن كان لغتك شوي تعبانه تفضل مترجم قوقل راح ينفعك كثير http://www.google.com/translate_t ترجم من اللغة الإنجليزية إلى العربية
أو من العربية إلى الإنجليزية

ولا تخلي ولا فراغ عب كل النماذج واللي ماعندك له إجابه إكتب NONE
وشف الموضوع هذا شارح لك الأبلكيشنات الثلاثة
http://ksa.us.com/ar/vb/us1362.html
ولاتنسى تطبع الموعد بعد تقديمك للموعد
الله يوفقك إن شاء الله ... وإن إحتجك أي مساعدة بالخدمة ...
ولاتنسى توافينا بآخر الأخبار ...

الحياة خبرات
dm3ti
ولله كفيتو ووفيتو احرجتوني بكرمكم بيض الله وجيهكم
الله يوفقكم ويكتب لكم الي فيه خير وصالح (F)
،
الشهاده البنكيه
راح الوالد الى البنك وطلع شهاده بنكيه موجهه لسفاره فيها اسمه والمبلغ للاسف المبلغ طلع بالريال
وللاسف نسيت اقول للوالد اكتب اسمي بالشهاده .. فقط موجود كلام طويل والمبلغ واسمه وموجهه لسفاره ؟؟
اغيرها او اخليها؟
وشكرا ( وادري ابلشتكم بس هذا اخر سؤال ماعادكم بشايفيني على خير الى في واشنطن واتشكر منكم من هناك )

لا غيرها يابطل غيرها
ولازم يسجل إسمك ورقم جوازك وتأكد من السبلنق حق إسمك " لازم يكون نفس الجواز "
بالتوفيق ,,,

ولا تنسى .. المبلغ بالدولار مو بالريال