من تجربتنا
سيارتنا بعد مارجعنا خربت من البنزين لأن اللي عندهم غير ماادري وش قصته بالضبط
غير كذا السواقه صعبة جبال ومنحدرات هم متعودين عليها لكن احنا لا
نصيحتي استأجروا من هناك وبسواق يعرف الأماكن والمطاعم صدقيني أريح
الصيف اللي فات اخذنا اكاديا جديدة 200 دولار عليهم اجرة السواق والبنزين
بغير الصيف ارخص بس طبعا بيقولون لك هيدا هاي سيزون مدام

تسسلمين سااره
هو احنا قبل كنا نأخذ سيارتنا بس ماكنا نشحنها من هنا ع لبنان على طول لا كنا نشحنها لين القريات وبعدين نطلع ع الاردن ولبنان .,
مشكوره يابعدي ,
طيب تأجير السيارات مع السواق وين نحصلها فيه بالمطار ولا برا المطار

لا والله طرقهم آمنه ولاهي بصعبه و أحلى شي سيارتكم الخاصه معكم تتمشون على كيفكم وتطلعون متى مابغيتوا بدون ارتباط الا اذا سفرتكم اسبوع أو اقل استأجروا سياره
أما اذا انتم اول مره تجون خذولكم سواق بسيارته أفضل

بنت البروفسور
ياقلبي فيه شركات كثير اذا تبين من مكتب سياحي من مدينتك اذا الرياض
الطيار او الصرح وفيه في النت شركات كثير واللي اقولك اخذناها الصيف اللي فات
من مكتب تأجير سيارات في الحمراء قريب من الروشة اذا تبين اجيب لك الوصف بالضبط
ردي لي
بالنسبة للطرق وآمانها طبعا انا ما اقصد اللي جوا بيروت من السوليدير للروشة
فيه ناس ماتتعدى المنطقة هذي
انا اقصد طرق صعبة ومنحدرات اللي بيطلع كل يوم يتمشى بالجبال من برمانا الي صوفر
وفريا وبكفيا طبيعة وجو غير شكل حتى في الصيف
في الخدمة ياقلبي

انا أسكن بالجبل على فكره و اقصد طرقه عاديه ما اشوف فيها ذيك الخطوره وغيره
اهم شي يكون السايق طاره

انا الصيف اللي راح كنت هناك وسيارتنا كانت معنا
وكنا ساكنيين بالضنيه بطرابلس ونزلنا بيروت كم يوم
بس تقريبا جلستنا كانت اسبوع
آما المره هذي راح تكون بس لبنان حتى السكن بيكون بعاليه وحوله يعني ماراح ابعد عن بيروت وان شاء الله جلستنا بتكون اسبوعين

يعتمد بالتأكيد على مدة استفادتكم من السيارة اذا اردتم شحنها، يعني اقل من 20 يوم تقضونها فقط في لبنان في ظني ان تكلفة الشحن ستكون اعلى من تكلفة الإستئجار، وكمان يعتمد على عددكم يعني شحن سيارة سوبربان صالون او فان لاستيعاب افراد العائلة مبرر لأن تكلفة استئجار هذا النوع من السيارات مكلف.
شركات الشحن المتخصصة الى لبنان ليست كثيرة بالمناسبة وهو امر مقلق لأنه يساعد على الاحتكار فهناك شركة الحصان وهي متخصصة في لبنان فقط وتشحن السيارات والعفش ومدة الشحن تتراوح بين 9 و 12 يوما وبسعر بين 4 الاف و 5 الاف ذهابا وايابا ، وهناك شركة الطيار ولا اعرف الكثير عن تكلفتهم ومدة الشحن .
ارجو اكون افدتك مع تحياتي

شركة البسامي تشحن السيارات بحدود 4000 الاف ريال من جدة واستلام السيارة بحدود المصنع