اخوي هذي انواع الفيز من جدة:
منقول
"تقوم القنصلية العامة في جدة حاليًا بإصدار التأشيرات لانواع معينة للفيز تحكمها عدة شروط وانواع وهي :
1 ) فيزا A ( الدبلوماسيين وموظفين الحكومة المسافرين في رحلات عمل رسمية )
2) فيزا G ( لموظفين المنظمات الدولية المسافرين لرحلات عمل رسمية )
3 ) فيزا F ( المخصصة للدراسة في الولايات المتحدة )
4 ) فيزا J ( للحاصالين على منح حكومية ضمن برامج التبادل الدولي )
5 ) فيزا B1( لرحلات العمل او التجارة بشرط ارسال دعوة من جهة رسمية داخل الولايات المتحدة)
وما عدا ذلك فيجب اخذ موعد من الرياض او الظهران !!"
https://artravelers.com/p/re/165542

طيب حلو مو مشكلة .. بس فيزا الطالب في منها f و m
انا صديقي فيزا طيران m عملها في جدة
ارجو من امباكت الدخول وبسرعة

سؤال ايضا ...
بالنسبة للنماذج الي اعبيها ماهي ؟!
Ds-156
ds-157
في غيرها ؟
انا لوحدي رايح مني رايح مع مرافقين
ولو توفرولي النماذج .. مع الترجمة زيما كانت زمام موجودة مرة الله يديكم العافية
انا في انتظاركم
دخيلكم لا تطولو عليا
لأنه الأي توني وصل وفي يدي خلاص

كما تفضل اخونا فيزة M
لم تدرج السفارة نوع الفيزا M في جدة !!
ممكن تاخذوا موعد واتوقع انه بيطلعلكم انواع الفيزا المتاحة في جدة !!
الحين مافي شي اسمه نموذج Ds156
الحين فيه بسنموذج واحد من تاريخ 8 فبراير وهو DS-160
وهذا الرابط فيه الاجراءات : https://artravelers.com/p/re/165542
بالتوفيق

يا امباكت
الله يستر عليك دنيا وأخره .. ويوفقك ويرزقك من حيث لا تحتسب .. والله انته كفؤ
مرة سامحني راح اتعبك معايا شوية ..
عندي سؤال .. دحين ان شاء الله بعد شوية انا رايح اعمل الموعد من المقهى لأنه ما عندي طابعة !!
بالنسبة للنماذج .. فقط اقوم بتعبئة الي انته قلتلي عليه ؟!!
مو زي زمان عدة نماذج وحوسة ؟
معليش تعبتك وراح اتعبك شوية ..

اخوي امباكت
دحين اول شئ اعبي النموذج 160 بعدين اسوي معرف واسوي الموعد ؟!
طيب بعد ما اقوم بتعبئته اطبعه ؟! ولا كيف
الصورة هل اي صورة يمشي الحال ؟
ولا أني اروح اتصور من جديد .. واطلب من المصور انه يحطلي الصور على السي دي بعدين احطها مثل ما هاو مكتوب في الموضوع تبعك ؟!
طيب موجودة ترجمة للنموذج ؟! استعين فيها وانا اعبي النموذج
ولا هنت النموذج كم صفحة ؟!
معليش غلبتك وتعبتك سامحني

نعم ياغالي نموذج واحد !!
تطبعه لك مو للسفارة هو بيروح لهم اوتوماتيك بيتخزن في نظامهم !!
انت فقط اطبع ورقة التأكيد الي فيها صورتك ومعلوماتك الي بتطلع لك اخر شي !!
الصورة لها مواصفات معينة اذا هيه يا انك تحطها على الكمبوتر عن طريق الاسكان او تاخذها في cd عن طريق المصور !!
وللاسف مافي ترجمة حالية
النموذج على حسب الاسئلة واجوبتك يختلف من شخص للثاني !!
الرابط الي فوق اقراه كويس بيعطيك فكرة شاملة وكاملة عن الموضوع !!
بالتوفيق

امباكت حبيب قلبي
من امس وانا احاول اعبي الأبلكيشن ما يصير معايا شئ ... بعد ما اختار start application
تجيني الرسالة التالية
Application Error
You have encountered an application error. Please try again later.
شكلو في خطأ عندي في الجهاز .. صح ؟
لأنه جهازي قديم شوية .. لكن موجود فيه برنامج الأكروباد
ان شاء الله ربي ييسرها واخد الفيزا .. ولك احلى عشوة

هذه االبرامج لازم تكون في جهازك ؟
What you need:
Your Internet browser must support 128-bit encryption and must have javascript enabled.
The minimum version of Internet Explorer (Windows) that this site supports is version 5.0 service pack 2 or higher.
The minimum version of Netscape that this site supports is version 6.2 or higher.