اهلين حبايبي ..
عندي مقابلة يوم الأربعاء 6 أغسطس في القنصلية العامة في الظهران .. وحابب انكم تمدوني
وتزودوني ببعض النصائح لاهنتوا بخصوص المقابلة اللي بسويها مع القنصل ( الله يستر بس )
مع العلم كان عندي موعد مقابلة يوم 30 jun في السفارة الأمريكية في الرياض وللأسف القنصل
ما أعطاني التأشيرة .. ليه ؟ الله وأعلم .. ممكن لأن لغتي الإنجليزية ضعيفة شوي
تكفوون يا أهل الخبرة اعطوني بعض النصائح وكم سؤال من الأسئلة اللي ممكن انه يسألني اياها
الأخ او الأخت الجميلة اللي بتسوي معاي المقابلة ..
وسؤالي هل يظهر لموظف القنصلية العامة في الظهران اني قدمت على السفارة الأمريكية في الرياض
ام لا يظهر لهم ذلك .. ؟ مع العلم اني لازم اذكر في الأبلكيشن اني قدمت بتاريخ كذا وكذا ..
بس عاد الله يعين لايقوم يستهبل القنصل ويرفضها على خلفية اني توني مقدم عليهم قبل شهر ونص
وراجع أقدم من جديد
عموماً هل ممكن أطلب مترجم .. ؟
او اطقطق على الحلو اللي يسوي معاي مقابلة وأوزع له ابتسامات على الله يمكن يقول ياحليله هذا
طيب وولد ناس نعطيه فيزا ابو 5 سنوات
تجاربكم وخبراتكم لاهنتوا .. أنتظركم لاتطولون علي ترى المقابله بعد بكرة 8 صباحاُ