أعضاء المنتدى داخل عليكم وأبي منكم تنصفوني من هذي البلد
اسمعوا قصتي
كان يا مكان
في سالف العصر والزمان
واحد غلبان
كل سنة يروح بلد مره و مرتين ويعرفها ويفصفصها كمان
ويمل منها و يتركها ويدورعلى غيرها من البلدان
مره أوروبا ومره آسيا وكمان لبنان
وعايش على كده ومبسوط
كل حاجه تمام ومزبوط
وفي مره من المرات
وهو قاعد يقلب في البروشورات
لقي صور لبلد كانت حلوه وفيها حاجات
سأل عنها قالوا دي بلد العجائب
أوعى تروح لها نصيحة صاحب
راح ترجع لها تاني ولو على قارب
راح تنسى صحبك والأقارب
وحتفكر فيها طول منتا عنها غايب
قلت ( معقوله )
قال ( قسم )
قولت له إنت ما تعرفنيش
الكلام ده عندي ما يمشيش
أنا الولد الشديد أبو قلب حديد
ما يمشي معايا لا وعيد ولا تهديد
وعلى أقرب مكتب خطوط
على فين يا بني يا بن بطوط
على المغرب وخلي حجزك مزبوط
سمعته يكلم حاله ويقول مزعوط
ما فهمتش حاجه وقلت راجل شايب عقله مخبوط
وطرت وجينا فوق كازا
ما فيش حاجه شوفت مطار أحلى وشجر بزيادا
ونزلت الطياره
كل حاجه تمام وما حصلش حاجه
ومع فتحت باب الطيارة
في حاجه تغيرت
أنا أبتسم ليه
وفرحان كده ليه
هو في إيه
وحصل إيه
أنا يا ما نزلت مطارات والبوز ثمانيه
إيه اللي خلى بوزي سبعه
يا راجل عيب لا يقولوا عليك غبي ودماغه لفه
ونزلت المطار وماشي بسبعتي
حاسس بحاجه غريبة والعين بترمش
والقلب بيرعش
بسم الله لا يكون دا السحر اللي بسمع عنه
سحروني
يمكن حاطين مويتهم بالمطار ويرشوها علينا رذاذ
مش ممكن دا مش سحر إحنا بنعرف السحر
إصحى يا قلبي دي بداية الغرام والشعر
وبدأت لحظات العشق الأولى ها هي محبوبتي وجدتها
كرهت بعدها البلدان
عشقت ترابها والسكان
من الداخله إلى وجده
ومن فجيج إلى الجديده
ومن بعدها يا أخوان
كل ما رجعت وأنا عليا غبار السفر
وحتى قبل ما يمر شهر
أخذ تذكرتي أول يوم وأخذها بالأحضان
وأصبر نفسي وأقول مسافر لبلد الخلان
واليوم أنا أشكي لكم
حالتي إن كانت تهمكم
وسلامي لكم وللي يعزكم