وعليكم السلام
هلابك اختي وكل عام وانتم بخير
بصراحة ما سبق سمعت عنه
لكن بالبحث عرفت انه مطعم قديم وكل من جربه يمدح اكله
والظاهر أسعاره مو غاليه كثير والاقبال صار ضعيف عليه بسبب صعوبة الدخول لحي السفارات بعد التشديد الأمني
صورة من المطعم

معلومات عنه من موقع أمانة مدينة الرياض:
سكاليني (شارع ساحة الفرازي - حي السفارات)
يعمل من الساعة 11:00 صباحاً إلى الساعة 3:00 عصراً ومن الساعة 7:00 مساءاً إلى الساعة 12:00 صباحاً
يتخصص المطعم بتقديم الأكلات الإيطالية والبيتزا بأنواعها بالإضافة إلي السلطات والمقبلات ووجبات السمك والدجاج مع وجود خدمة التوصيل المجاني وتوجد صالة خاصة للعائلات .
9واحد يقول عنه في موقع "قيم" للمطاعم:
بكل بساطه, أفضل مطعم إيطالي زرته في حياتي
يعيب المطعم مكانه, بعد تشديدات الحراسه في حي السفارات من الصعب إقناع الأمن بزيارة المطعم.
..

بنت حصيصه وش اللي حادك تروحين للمطعم هذا مع كل التشدد
اذا فيه سر خطير علمينا

اخذت لي دورة في المعهد الثقافي البريطاني لمدة شهر وكنت كل يوم امر المطعم واشاهد ضعف
الاقبال على المطعم حتي ان العاملين دائما جالسين في الخارج اغلب الوقت
ممكن بسبب تشديد الحراسات الامنية وزحمة الانتظار الطويل للدخول للحي

مهند
مشكور اخوي مهند
سبق قريت هالكلام في نفس الموقع (( قيم )) وشدني كلامه يوم قال احسن مطعم ايطالي زرته في حياتي
بارك الله فيك

بينك روز
انا من عشاق الايطالي
ومن عشاق المطاعم الراقيه
وبحكم موقعه احس انه مثل ما اريد
فلذلك سألت علشان لايكون فيه حوسة تفتيش وبلاوي
جيب لي معلومات اكثر واعزمك فيه
الله يسعدك يالغاليه

اخذو العلم
لو اني من صاحب المطعم انقله برا السفارات علشان مايخسر
باين من الصور انه حلو ووسيع صدر حرام يخسر ويقفل
مشكور اخي الكريم

يوه ذكرتيني باللي مضى

والله زمان عن حي السفارات وساحة كندي وحي الدبلوماسي والله كان اماكن حلوه بالرياض لكن بعد التشدد الامني هناك اصبحنا نخسر اماكن مهمه وحلوه بالرياض