بعض المطاعم في شارع المرقبات تكون مفتوحة، واغلب القهاوي تكون مفتوحة للساعة 2 في الليل
بس اذا تبي سندويشات عالماشي، روح اي محطة بترول، بتلاقي فيها سوبرماركت فيه بعض المأكولات البسيطة ويفتح 24 ساعة

أنا طائرتي سوف تصل دبي الساعة الواحدة بعد منتصف الليل على أن أرجع إلى بلدي خلال 16 ساعة فقط. لذلك لم أقم بحجز غرفة فندق، وسوف أستأجر سيارة من المطار؛ لهذا السبب أبحث عن أماكن لتقضية الليل.

مطاعم الفاست فود بصفة عامة
وبعض المقاهي
بس ما تشوف انه صعبة تجلس 16 ساعة بدون راحة

ِشكرا لك فارس الأحلام
راح أكون مرتاح في السيارة

السلام عليكم
الله يعينك اخوي... 16ساعة متعبة وبالذات فالليل
خاصة إن معظم الأماكن تغلق فالليل.
تأجير السيارة على حسب علمي 100درهم ، بدل السيارة زيد عليهم 200 وخذلك فندق بسيط لمدة كم ساعة مثل فندق سراي ذكره أحد الاخوان نظيف.
وتقدر من الساعة 10 صباحاً تطلع لأي مول وتفطر فيه.
مجرد رأي وأكيد على راحتك.
عالعموم مثل ماذكرو الاخوان مطاعم الفاست فود تكون 24ساعة مثل هارديز وماكدونالدز
ومحطات البترول أيضاً فيها سندويشات خفيفة.
ومطعم المُنى في فندق ميناء السلام فاتح 24ساعة... المكان راقي وأسعاره وسط
ولكافتيريات

شكرا لك بنوتة الإمارات وللاهتمام براحتي
أنا كنت مخطط أروح سوق مدينة جميرا، إذا حصلت مطعم فاتح آكل فيه. وأول ما يطلع الصباح أروح السوق أشتري حاجيات.
ممكن بعد إذنك تعطيني معلومات أكثر عن مطعم المنى في ميناء السلام؟ نوع المطعم؟ متوسط الأسعار؟ نوع الأكل؟ هل توجد فيه جلسات خارجية؟

بالنسبة لسوق جميرا المطاعم تغلق الساعة 12 منتصف الليل
وأيام الويكند اعتقد لين الساعة1 منتصف الليل.
ولسوق صغير ، ماعتقد حق مشتريات.
إذا تريد تفطر وتتمشى ... عندك الإمارات مول كل شي فيه من مطاعم وكوفيات، وسكي دبي
يفتح 10صباحاً.
مطعم المنُى(ميناء السلام) ... له أوقات معينة للبوفية وبوفية العشاء يغلق الساعة 11:30 مساءً
وأنا كنت مجربه البوفية.
ومن بعدها تقدر تطلب من المنيو 24ساعة.
بالنسبة لي ماجربت أطلب من المنيو ... بس هو مطعم عالمي ،وإلي جربو قالولي أسعاره وسط
وله جلسات داخلية وخارجية.
تقدر أتشوف المطعم فالرابط
https://artravelers.com/p/re/50211
.

شكرا لك أختي بنت الإمارات، لقد ذهبت إلى مطعم المنى الساعة الثالثة فجرا ولكن الموظفون كانوا ينظفونه، فاقترح علي أحد العاملين أن آخذ العبرة وأذهب إلى مطعم آخر في فندق القصر، وعندما وصلت كان الهدوء مخيما على المكان وجلست في الجلسة الخارجية مع صاحبي وقدموا لنا الطعام وأشعلوا موقد النار أيضا لأن الجو كان باردا نوعا ما. مذاق الأكل كان لذيذا وكلفنا 200 درهم لشخصين.
شكرا لك مرة أخرى.