السلام عليكم ورحمه الله
انا عضوة جديده بالتسجيل وقديمه بمتابعه مواضيع المنتدى والاستفاده منها من سنتين
حاليا انا مقيمه في فرنسا مع عائلتي
وقررنا قضاء اجازة الكرسمس وراس السنه في لندن
تم حجز التذاكر والسكن ....... وبسبب انشغال زوجي .. طلب مني تخطيط جدول الرحله
الوصول يوم السبت الموافق 26-12 ... السكن في اجورود
اتصلنا على ميني كاب وقال لنا ب100 باوند السياره لان 26 يوم البوكسنق دي والاسعار دبل
..السعر زين والا غالي ...
في وسيله ارخص ؟؟ ماادري احصل والا خلاص احجز ميني كاب ؟؟ ممكن تفيدوني ؟؟
العوده الى فرنسا بتاريخ 4-1 باذن الله
يومي الوصول والعودة مو من ضمن الجدول
يعني 8 ايام .. ابي تساعدوني في تنظيم الجدول وراح اكتب الاماكن اللي فكرنا نمرها واذا في زياده او الغاء اماكن ياليت تنصحوني ....وبالنسبه لعدد الاشخاص .....
انا وزوجي وولدين اعمارهم 3سنوات وسنه
الاماكن .....
التسوق راح يكون في هارودز وهارفي نيكلز
مجمع ويست فيلد
مجمع بلووتر
اكسفورد ستريت / كارنابي ستريت / ريجيت ستريت / سلون ستريت / اولد وبوند ستريت
تشاينا تاون
تبديل الحرس .... ماادري في هالشهر والا لا ؟؟؟
كوفنت قاردن ويفضل الاحد بعد تبديل الحرس وسبيكر كورنر الهايد بارك وبيكهام بلاس
لندن اي وبق بين
بيكاديللي وتركاديرو ومتحف صدق او لا
متحف الطفوله
في اسواق مسقفه ... وهي رويال اوركيد و burlington arcade
بربري فاكتوري
trafalgar suquare
حصرت هالاماكن اللي راح نروح لها باذن الله ؟؟
ياليت من خبراء لندن المساعده في تخطيط الجدول وهالاماكن في 8ايام
واذا في اماكن حلوة وتستاهل احطها بالجدول ماذكرتها ياليت تفيدوني
وبصير طماعه ادري ماتقصرون ....... المطاعم والكافيهات الحلوة والقريبه من كل مكان
السفرة السبت ان شالله اتمنى المساعده باسرع وقت
وشكرا جزيلا