&الجازي&
هلا أختي الجازي
وحياكم بالكويت ديرتكم الثانية
وبالنسبه لسؤالج فيه سوق الفحيحيل بمنطقة الفحيحيل بمحافظة الأحمدي مجموعة من المراكز التجارية و الأسواق المركزية للوازم العائلة كثيرة يعني مثل منطقة تجارية والمشي على الأقدام لكذا سوق
وأيضا محلات لبيع الجناط
وأيضا مجمع كويت ماجيك بمنطقة أبو حليفة بمحافظة الأحمدي فيه محلات للبيع الملابس القطعة ب 5 دنانير
وسوق الفروانية بمحافظة الفروانية أيضا كذا سوق وفيها مجمع لخياطة الجلابيب الخام والخياط في نفس المحل و ب بأسعار رخيصة
وقدامه مجمع مغاتير
والسكن إن شاءالله يساعدونج باقي الأخوان
بس في فندق السفير بمارينا مول بمنطقة السالمية هذا إلي أعرفه
أتمنى رحلة سعيدة وموفقة
تحياتي لج

الف شكر اختي امل الكويت والله يوفقك ويفتحها لك من اوسع الابواب انا سمعت عن اسواق الكويت
المعلومات اللي قلتيلي عنها اول مره اسمعها جزاك الله كل خير :smile105:

يا هلا فيكم بديرتكم الثانيه
بخصوص سوق الكويت (( سوق المباركيه ))
او الديره ومكانه بقلب العاصمه
ومعاكم الرحمن بحلكم وترحالكم

هلا حبيبتي عندج سوق الفحيحيل وحولي حلوه وايد وتقدرين تاخذين شقه بوسط السوق لسهوله التنقل

يا هلا فيكم بديرتكم الثانيه

الشنط والشيلات والمكياج والاكسسوارات والشباصات بسعر الجمله تلاقينه بسرداب الدعيج بسوق الكويت وايد يشتروون منه المكياج بسعر الجمله
وبالنسبه للملابس الرخيصه عندج الملابس خياط الكويت مثل قمصان او فساتين تلاقينهم بالمجمعات على 5 وباسوقه المحاميد تلاقين على 3 دنانير عندج النقره الجنوبي قمصان خياط الكويت على 5 واذا تاخذين جمله اكيد برخصون وعندج بمنطقه الري بجانب المشاتل مجموعه مراكز يم بعضها البعض مثل المحاميد وماكس ورد تاغ وميترو ودريم مول ولولو ماركت في اشياء رخيصه

أكو بعد بحولي مجمع السندس (مقابل بلازا حولي) في ملابس رخيصة
إذا شفتيه من برة بالعين مو شي ما يعجبج بس دخلي داخل و شوفي الملابس
يعني بحولي بس عندج 4 مجمعات اللي فيها رخيص (السندس , النقرة الشمالي , النقرة الجنوبي , المهلب (فيه غالي بس فيه رخيص) )
و بالفروانية (العربيد بلازا للملابس - مبارك الصيفي للعبي ) المغاتير اشياءه غالية
و طبعا المباركية (السرداب للمكياج بسعر الجملة)
بالنسبة للجناط التقليد مو زين مبين انه تقليد .. يمكن فيه اشياء انا ما أعرفها بس عموما التقليد الموجود أغلبه باين
بالنسبة للسكن .. اللي أعرفه الكورنيش يم مارينا مول (و عنده مجمعات رخيصة خصوصا للجواتي عزكم الله - و ماكس ) الفندق حلو و نظيف
و حياج الله يالجازي

أحسن شي تسكنين في الفروانيه في وايد شقق منها مقابل مجمع حمرامول نسيت اسمه بس واضح بالبراحه وتحت الشقق شارع عباره عن سوق وايد رخيص اما الجملة عندج سوق المباركية سرداب الشايع

تسلمون وجزاكم الله كل خير صراحه خجلتوني بكرمكم الله يفتحها عليكم من اوسع الابواب ويجعل الجنه داركم .. بس هذا مو غريبه على اهل الكويت اهل الجود والكرم حبايبنا والله