يعتمد اخوي اذا كان مترجم بس للمستشفى او مترجم ومرافق طوال الرحلة اذا كان مترجم للعلاج بس ياخذ على الساعة بين 50 الى 80 يورو هذا اذا كان عن طريق شركة اما اذا كان مترجم جبتوة بصفة شخصية ممكن ياخذ بين 30 الى 50 يورو
واذا كان مرافق طوال الرحلة يعني باليومية فيعتمد على عدد الساعات الي يقضيها معكم وغالبا 8 ساعات وياخذ عليها من 250 الى 300 يورو ..
وبعدين الله يهديكم المفروض انكم اتفقتو معهم من البداية عشان لا تختلفون على السعر وان شاء الله انهم بيكونون طيبين وموب استغلاليين .
الله يشفي مريضكم ويحمية من كل مكروة

الله يعطيك العافية على الرد
بس هو مارضى يقول لنا كم يبي يقول اللي يجي منكم كله حلو !
طبعا ما نبي بخسه حقه ولا نبي نعطيه اكثر من حقه
واحنا جايبينه بصفة شخصية عن طريق صديق لنا
وبس يرافقنا للمستشفى مو طول اليوم
شكرا على ردك وبانتظار البقية

السلام عليكم
إذا بس للمستشفى عطوهم من 50 الى 80 يورو
لأن السواقين وغيره يرافقون طول اليوم وياخذون 120 على اليومية أكثر من 8 ساعات عمل
وتراهم ما يحلمون فيها
والعرب كلهم عايشين على الخليجين واستغلالهم
الله يعافيكم

بعد نسيت أقولك أن فيه مرافقين ياخذون بالمشوار والترجمة 50 يورو فقط وترى العملية كلها سهلة ولا فيها عناء