ان شاء الله اهل الخبرة يفيدونكم

وعليكم السلام ورحمة الله وبركاته
هلا وغلا الغالي ..
فيه قطار أسمه connection تاخذه من تحت نفس مكان قطار هيثرو أكسبرس ..
لكن انتبه لازم اتفرق بين قطار هيثرو اكسبرس وبين القطار الكونيكشن الي يربط بين مباني المطار 1و2و3و4
وبالسلامه الغالي ..

القطري يا خوي يا ولد عمي صراحه الوحيد الي ترد وتبرد قلبي باسالتي والى الباقي ما يعطون وجه صراحه
حبيت اسال اذا نزلنا في ترمنل 4 وين اروح عشان اطلع برى المطار ؟؟ و غير التكسي من المطار الى الفندق شنو احسن واظمن خوصوصا انه بنكون الاغلبية حريم وجمن رجال
كم تقريبا سعر التكسي من المطار الي منطقة البيز وتر؟؟؟
او نحصل باصات توصلنا الى محطات معينه وبعديها ناخذ تكسي للفندق ؟ شنو برايك
مو عارفين موليه خبرك اول مره

dobdob
هلا وغلا طال عمرج وكل الأعضاء فيهم الخير والبركه ولكنهم مشغولين ولازم نعذرهم ..
بالنسبه للتوصيله أيحددها العدد كم ؟؟
كم عددكم ..
في الغالب إذا كان العدد قليل نستخدم القطار لأنه أرخص + أسرع ..
أما إذا كان العدد من 4 فوق ومع الشنط نستخدم التاكسي ..
والتكسي في العاده ياخذ 54 باوند لين البيزووتر ..
والقطار اتلاقينه تحت المطار وفيه لوح ارشاديه مكتوب عليها express وصورة قطار ..
اتبعيها وراح اتوديج لمكان القطار ..
لكن نفس ماقلت لج على حسب العدد ايتم تحديد وسيلة النقل ..
قولي كم عددكم وكم شنطه تقريباً وانا بسهلها عليج ان شاءالله
وكلنا تحت أمرج

مشكور اخوي القطري..
ماشاء الله عليك.. حتى وانت مسافر. متابع للمنتدى..

القطري
هلا اخوي القطري اشلونك فيك الخير ان شاء الله و في كل الاعضاء ما تقصرون بس اظاهر مثل ما قلت مشغولين بتجهيزات السفر خ
المهم عددنا ان شاء الله بس 4 اشخاص كبار كلنا فوق ال 20 مشاء الله علينا و عندنا 4 شنط متوسطه الحجم بس
واذا بنروح بالقطار كم السعر وما بنتبهدل مع التسحب الشنط عطني كل المعلومات المفيده مثل ما عودتني وشخبار الجو اهناك يحتاج انجيب كوت خفيف ؟؟؟ و مظلات ؟
والله ايونسكم في خير وايسهلها علينا ان شاء الله

dobdob
يا هلا فيك أخوي dobdob
وبعد إذن أخي الغالي القطري إني أجاوب على سؤالك
شوف عزيزي مثل ما تفضل به الغالي القطري التاكسي أفضل لكم
بحكم العدد والشنط وكذلك السعر لإن القطار سعر التذكرة فيه للراكب الواحد
5باوند يعني المجموع 60 باوند ويلزمكم تاخذون تاكسي من محطة بادنجتون اللي
يوقف بها قطار الهيثرو إكسبريس إلى مكان إقامتكم لذا أفضل شي تاخذون تاكسي
من المطار وينزلكم مباشرة عند مكان إقامتكم وبتكلفة لن تتجاوز 60 باوند
بالنسبة للجو وإحتياجكم من الملابس أرجو تفضلك بالدخول على الرابط التالي
https://artravelers.com/p/re/128716
أتمنى أكون أفدتك بالشي اللي يرضيك
وتقبل تحياتي وتقديري

مشكور اخوي sat111 على المعلومات والله فيك الخير وما قصرت ان شاء الله
بس ان شاء الله نتوكل على الله وناخذ التاكسي .. هداية الله وشوركم ان شاء الله

sat111
ونعم القرار