أختي العزيزة أم علاوي، صار لك فترة غايبة عن بوابة أمريكا،
منورة الموضوع يا عزيزتي، المهم.. إنت تسألين عن المنطقة؟ ولا تبين تسكنين في فندق؟
أنا بحثت في النت ولقيت هالرابط وهو عبارة عن فندق ومنتجع في California Desert
http://www.hotelmojave.com/
أتمنى إني أفدتج، شوفي الرابط وقولي لي رأيك.

Um Yousef
حبيبتي ام يوسف مشكورة على الرد الشريع... الشريع؟؟ قصدي السريع ههه
انا شايفه المنتجعات وعاجبيني لكن اخاف اصير بعيده عن مناطق الاتراكشن

هلا أم علاوي،
بحثت ودخلت على Mapquest والنتيجة:
المسافة بين هالمنتجع الي حطيته لج وبين ديزني لاند حوالي 2 ساعتين بالسيارة، يعني المسافة بعيدة
شوي. مادري شعندج في الصحراء حبيبتي؟؟ لازم يعني؟؟، خليج في انهايم أحلى وكل شئ حواليج.

Um Yousef
شكرا أشكركم أشكركم شكرا مشكورين

شكرا أشكركم أشكركم شكرا مشكورين
عفوا عفوا عفوا!!!

المنتجع هذا بعيد جدا غيريه ام علاوي بشرعه

lol سواح موتني من الضحك
عموما ً أم علاوي .... أدري في بعض الفلل في هذي المنطقة روعة !! و أسعارها مو غالية
بس على قولة القايل جنة من غير ناس ما تنداس ..... و بعدين يمكن يطب عليكم حرامي ولا شي
الله يحفظكم ..... أنا رأي من راي أم يوسف قعدي بالسيتي آمن

و عليكم السلام و رحمة الله و بركاته ،،،،
أنا يمكن رأيي مختلف عن الأخوه الخبراء ، لأنه المنطقه تعتبر راقيه جدا و انتي شوفي بنفسك مستوى المنتجعات و الفلل اللي فيها ... صحيح انها بعيده شوي عن لوس انجلوس ... بس تقدرين تروحين مشوار و ترجعين ساعتين بالسياره تعتبر ولا شي في امريكا و المسافه عاديه جدا ... انا اشوف عيبها الوحيد انه في وسط صحراء و جوها حار و جاف في الصيف بس بالليل حلو الجو ... احلى وقت لزيارة ديزرت بالم أو بالم سبرينغ في الربيع و الشتاء ... ولا بالعكس كل شي متوفر فيها ... احلى الأسواق و احلى المطاعم و احلى الفنادق ... و اللي يجونها ناس راقيين مو أي احد ... بس يعتمد على كل شخص و اهتماماته مثلا المنطقه اللي يجونها غالبا كبار السن و عشان يلعبون غولف و تنس ... فيها حدايق طبيعيه و سفاري و تلفريك .. كأي مدينة سياحيه ...