شف ياخوي لازم لك فيزه إدا ودك تطلع بره المطار
المطار مره كبير وحلو
فيه فنادق بالمطار السته ساعات 56 دولار إا ماعندك ورقه للفندق
أما خروج بره المطار مايمديك إلا بفيزه
وبالتوفيق

مشكور اخوي والله يعطيك العافيه على التوضيح

1. شوف حبيبي


2. نصيحتي :

شوف حبيبي

انا لما كنت رايح نيوزيلندا عن طريق سنغافوره كان فيه انتظار 8 ساعات ، والنظام اذا كان عندك ترانزيت اكثرمن 6ساعات لازم نفس الخطوط تعطيك غرفه في فندق على حسابهم عشن تريح فيها ، وغالبا يكون الفندق التابع للمطار عشن مايحتاج تطلع فيزا .
انا ايش اللى حصل معايا ؟؟
لما جوا يحجزولي في فندق المطار لقيوا مليان ، قام المكتب اللى كنت حاجز عن طريقه قالي روح للخطوط السنغافوريه خليهم يدبروك .
رحت للخطوط السنغافورية قالي فندق المطار مافي امكانيه في اليوم اللى راح تروح فيه ، فما لك حل لو تبغي تأخذ فندق وترتاح الا اننا نعطيك فندق في وسط البلد ، بس في هذي الحاله لازم تطلع فيزا لسنغافوره .
ولما سألته كم قيمة الفيزا قالي 50 ريال انت تتحملها . المهم وافقت واخذت الفيزا 18 يوم حتى خلصت ،اتخيل يعني عشن ترانزيت دخلت في اجراءات فيزا وشغلانه كل يومين امر عليهم واسألهم جاءت ولا ماجات ، لما وصلت التأشيره اعطوني فاوتشر للفندق .
لما وصلت سنغافورة وريت موظف الحجوازات الفاوتشر اللى معايا وقلتله فين اوديه ، قام دلني على مكتب موجود عن البوابه ، رحت للمكتب اعطيته الاوراق قالي انتظر شويه بعد شويه يجي باص يوديك للفندق ، لما جاء الباص اخدنا للفندق بصراحه كان في وسط البلد وبعيد عن المطار ، وكان الجو مطر قوي وصلت الفندق واعطيت الموظف الفاوتشر واعطاني غرفه ، الغرفه كانت وسط يعني حلوه ومرتبه ،بعد ماوقف المطر نزلت اتمشيت شويه ورجعت الفندق كان باقي ساعتين وارجع المطار ريحت شويه وبعدين جاءالباص ثاني واخذني للمطار ، ووقفنا عن موظف الجوازات عشن يختملنا خروج وكان فيه طابور طويل بس مشي بسرعه ..... الخلاصه .
خلاصه الموضوع :
انا اشوف ان الموضوع هذا كان متعب ليه اكثر من اني ارتحت ، بس الميزة الوحيده فيه اني اتمشيت شويه في سنغافوره .

نصيحتي :

اذا كان راح يعطوك فندق في المطار كده تمام وراح ترتاح ان شاء الله ، لكن لو راح يعطوك فندق في وسط البلد انا اشوف انك راح تتعب اكثر من انك راح ترتاح ، وغير كده راح تضطر تعمل فيزا وهنا يمكن يكون فيه تأخير ويمكن قلق بالنسبه ليك .
مع اني جربت في العوده الانتظار في المطار لانه كان 6 ساعات فقط ، وكرهت نفسي من الانتظار ، صحيح ان المطار حلو وكبير بس والله حفظته من كثر ما الفلف فيه ، يعني في كل الحالتين الله يعينك من الترانزيت ، احسن شي في رايي انهم يعطوك فندق في المطار .
اتمنالك التوفيق

الف شكر العندليب على المرور والمشاركة
تدري اخوي العندليب يقولون مافيه شي فاضي قلت ابجلس افرفر في المطار والله يعين بس شوف متى الوصول ومتى الاقلاع الى نيوزلاندا يعني يوم كامل بجلس هناك الله يعين بس