هلا اخوي محمد الزعبي
ما شاء الله ... انا ايضا راح امشي بعد اسبوع وشوي ... على الكاثي باسفيك ... انا راح اجيبك على بعض استفسارات ...
اولاً : هل بطاقه الراجحي المصرفيه تسحب من هناك ؟
نعم تسحب من هناك ... لأن على ما اعتقد خلف البطاقه ثلاث علامات ... منها الفيزا ... ممكن تسحب من اي صراف هناك عليه نفس العلامات
ثانياً : ايهما افضل تاخذ دولار امريكي ام نيوزلاندي ؟
اهم شي شف كم سعر الصرف هنا وهناك اهم شي
ثالثاً : ماهي الاشياء العاديه في نظرنا والممنوعه عندهم التي يمنعون اصطحابها ؟
على ما اعتقد كل شي عادي ... الا المأكولات ...افضل انك ما تاخذ شي ... ايضا السيديات المنسوخه بيحققون معاك فيها
اخواني اعضاء المنتدى انا ناوي ان شاء الله بعد 7 ايام اذهب لهذا البلد وقد اخذت عرض من مكتب الصرح وسوف اذهب الى مدينه اكولاند وحجزت في معهد aspect ial واريد ان اجمع بعض المعلومات المهمه عنه مثل طبيعة السكان وكيفية التعامل معهم ، اسعار التكاسي والمطاعم ، الاماكن السياحيه المميزه ، الديانه السائده ، المساجد الموجوده ، تكاليف المعيشه اليوميه تقريباً ، يعني اريد ان تكون لدي خبره بسيطه قبل مااروح وجزاكم الله خيراً ( تكلفة المعيشه اليوميه شامله كل شي ضروريه مره تكفون )
اول شي ... نصيحة لوجه الله عزوجل ... اذا تبي تستفيد ابعد عن معهد اسبيكت ... الفصل في 12 تلاقي 8 سعوديين ... لأن المعهد هذا تجاري بحت .. يعني كل المكاتب اللي في الرياض اذا قلت لهم ابي معهد انجليزي قالوا لك اسبيكت او EF وخذ عاد كل السعوديين هناك ... اذا تقدر تغيير المعهد حاول بقدر ما تستطيع ... هذا شي الشي الثاني ... لا تاخذ المعهد اكثر من اسبوعين ... لأنك مثلا لو اخذت المعهد 3 شهور ودفعت من هنا ... كيف تدفع في شي انت ما شفته ولا ارتحت له.... يمكن ما يعجبك ... تبي تجلس غصب ؟؟؟ يمكن العائله ما عجبتك .... لالالازم تجلس ؟؟؟ لأن لو رحت هناك ولا عجبك المعهد يقولون لك مع السلامه ولا ريال يرجع لك ... او يقولون رح خذه من مكتبك من السعوديه يعني حوسه ...
بالنسبه لاوكلاندا ... الان فيه برد عندهم ... يعني خذ احتياطاتك ... والملابس اغلى من عندنا بشوي ..

الاخ المايسترو 000 السلام عليكم ورحمة الله وبركاته شكرا للمعلومات 00 واعتقد ان الاخ المذكور مادخل
على قسم نيوزلندا 00 لانه جديد فى المنتدى 000 اتمنى ان يقراء الموضوع ويدخل حالا على القسم 00 واعتقد انه
اختيار الجزيرة الشمالية الى هى اوكلند و ولنجتون 000 افضل من ناحية درجة البرودة 00 عامل مهم جدا ! تحياتى

الا ستاذ العزيز المايستروا شكراً لك : المعهد خلاص معاد فيه رجعه دفعت الفلوس كامله ولابقى على الرحله الا 3 ايام الله يعين ان شاء الله اما بخصوص المدينه انا اخترتها نسبتاً لعامل الطقس فهي تعتبر اقلهم بروده وساعدتي على ذلك هذا الموقع الممتاز لخدمات الطقس لجميع انحاء العالم . http://worldweather.met.gov.om:8080/046/m046.htm
وجزاك الله خير .
اتمنى تواصلك حتى استفد من خبراتك بارك الله فيك
الاخ / وحيد السفر
شكرا لك نعم انا جديد ، ولكني دخلت لقسم نيوزلاندا ووجدت فيه اشياء جدا ممتازه خصوصا موظوع الاستاذ osoa ، والاستاذ ya-mas وبقيه الاخوه الكرام , وبحكم قرب السفر اردت ان احصر استفساراتي لاكسب عامل الوقت فالمنتدى تصفحه بطيء بعض الشئ بالنسبه لي ، والناس تختلف في اساليب جمع المعلومات ولك تحياتي اخوك الزعبي ابو فيصل.
سؤل اخير / هل يمنعون اصطحاب الدخان ؟ الله يكفينا شرة بس خويي اللي معي يدخن و مزعجني يقول اسألهم ..

مرحبا محمد ...
ما قلت لي كم يوم انت تبي تدرس ... وبكم عطوك مع العائله ... وبكم حصلت الحجز ؟ وياليت تقول لي اي خطوط طيران ... لأن اذا انت ماخذ من الاماراتيه فيه شي مهم ابي انصحك اياه
بخصوص الدخان
يسمحون تدخل كرز او كرزين ... لكن ترى سعر الدخان هناك غالي .... نصيحه خل زميلك يبطله لا تروح فلوسه في الدخان ...واحسن لصحته

اخي الكريم / انا بقعد شهر واحد ، واخذت العرض مع العائله ب4813 ريال +237 تامين صحي
والتذكره ب 5325 ريال على خطوط الباسفيك ، وش تقول في ها لدخان يسمحون بكرزيين فقط .
شكرا لك ......

زين سعر التذكرة ...
بخصوص الدخان ... يسمحون بكرز تقريبا لكن اذا جيت بكرزين ممكن يمشوها لك ... لأن اسعار الدخان غاليه يعني تقريبا الباكت ب13 ريال ... هذه فرصه لخويك يبطل تدخين يمكن خيره له

معليش استاذي الكريم : اتعبتك ولكن تحملني لانك الوحيد في هالمنتدى تفاعل معي وهذا من طيبك الله يسلمك ،
بخصوص تكاليف المعيشه اليوميه هناك من تنقلات وروحات ومصارف الاكل والتسوق اه من التسوق (عندي حمى شرائيه كل شي اشوفه ويعجبني اشتريه ) اخاف مقدر اقاوم وتخلص دراهمي ههه . يعني متوسط الصرف اليومي كم للي يبي يبذخ كم يساوي تقريباً .
الجوال كيفه عندهم متوفر في كل محل والا معقد ويبله شغله وكم اسعارهم تقريباً

بخصوص تكاليف المعيشه ما اقدر احدد لك سعر ولا راح نلاقي احد يحدد لك كم ... لأن كل واحد وحسب صرفيته .. يعني فيه ناس راح تسكن مع عائله ... والعائله تعطيه الوجبات الثلاث ...ولا يدخن ولا يروح ويجي ... هذا نادر ما يصرف ... فيه غيره لا اكل برى كل يوم سوق وسينما وتمشيه ... هذا شي غير ....بالنسبه لأسواقهم اغلى من عندنا ... لكن نصيحه خذ معاج كل ملتزماتك ... من ملابس وغيرها لا تقول اذا وصلت هناك راح اشتري
بالنسبه للجوال ... خل شريحتك هنا وخذ الجهاز ... لأن الشريحه السعوديه ما تشتغل هنا ... هذا شي الشي الثاني الاجهزه هناك غاليه ... لذلك خذ جهازك واذا وصلت هناك اشتر بطاقه مثل سوى
تحياتي لك

شكراً لك اخي الكريم .