- 3- الاوت لت فيه اشياء حلوه ولا لا؟ وهل تخلص كلها مع بدايه التخفيض؟
السلام عليكم
حبيت استفسر منكم عن عده نقاط:1- بالنسبه للتسوق من ميلانو هل فعلا ارخص من السعوديه ويسوى ان الواحد يروح ولا لا؟وايش الماركات اللي ارخص من عندنا وتعتبر لئطه؟
2- سمعت انه اذا رحنا لمصانع الماركات ممكن ناخذ باسعار اقل فيه احد قد جرب او عنده معلومات؟
3- الاوت لت فيه اشياء حلوه ولا لا؟ وهل تخلص كلها مع بدايه التخفيض؟
4- ايش الافضل ابتدي بميلانو ببدايه الرحله وتكون من تاريخ 24-7 والا اختم الرحله فيها بحدود تاريخ 8-8 لأن كثير يقولون تتسكر المحلات فمحتاره بصراحه؟
5- بالنسبه للتاكس يقولون ايطاليا التاكس اللي اقدر استرجعه من المطار 20% طيب اذا انا ماراح اروح للمطار باكمل لدوله ثانيه كيف ممكن استرجع التاكس هل ممكن اني اخذه من الحدود بالقطار ولا كيف؟ ولا ممكن من مطار باريس ويكون بنفس القيمه 20% ولالا؟
6- اذا باجلس بميلان يوم او يومين ايش افضل المحلات والاسواق اللي ماافوتها وايش المحلات المميزه والاشياء الغريبه اللي مو موجوده بالرياض
7- ايهم ارخص المحلات اللي بالمطار اللي تاكس فري ولا المحلات المخفضه؟يعني لو بشتري سن قلاسز ايهم افضل؟
8- ايهم افضل سوق فلورانس ولا ميلانو؟وكيف اسعار فلورنس وهل فيها اشياء مميزه؟وكم تبعد عن ميلانو؟ومدينه بيتزا كم تبعد عن ميلانو ؟يعني ممكن اروح لفلورانس وارجع بنفس اليوم ؟
ياريت اللي عنده خبره بهاالامور يفيدني ...واذا فيه اضافات ياريت والله لادعي لكم من كل قلبي وشكرا
ان شاء الله اني اقدر افيدك :
1- الماركات ارخص من هنا شوي يعني الفرق يكون تقريبا 500 -700 ريال في بعض الاشياء واحيانا يزيد واحيانا يكون نفسه يعني تتفاوت وطبعا في الخصم يكون الفرق اكثر.
2- والله انا رحت كثير بس ماقد فكرت في هذي الحركه ولا اتوقع انها ممكنه ولو انه صحيح لقيت كل الناس تشتري من المصانع اواعطوك خبر ويمكن الي نقل المعلمومه يقصد الاوت لت.
3- الوت لت ماله دخل في التخفيص لانه طول السنه مخفض هو عباره عن البضاعه القديمه او الي ماانباعت في الخصم يعني البقايا او الي فيها بعض العيوب التصنيعيه يعني انت وحظك.
4- مو كل المحلات تسكر وغالبا تسكر في تاريخ 15/8 الى 1 سبتمبر بس انه على بدايه شهر 8 تكون البضايع كلها شطبت تقريبا فلإنصحك انها تكون في بدايه الرحله يكون لسه في بضايع مع انك بتسحب شنط معك .
5- التاكس يرجعون لك 12% ومافيه مشكله من مطار اي دوله اوروبيه بس لازم تكون الاوراق معك والبضاعه نفسها تحصل كاتب لشركات التاكس في جميع المطارات الكبيره الدوليه طبعا.
6- تابع مواضيع الاخوان في المنتدى فيها كل شئ وعندك محل (لارا شينتي ) اما الدومو مباشره خطير مره وفيه اغلب الاشياء.
7- حسب الماركه والشكل بس طبعا الي في المطار نيو كولكشن والي مخفضه حق السنه الي راحت.