نشر في بريطانيا

اللي طلع فيزا بريطانيه هالايام تعالو الله لايهينكم وعلموني

boto

28-12-2022 - 12:35 pm

السلام عليكم
اخواني اخواتي .. مبارك عليكم الشهر
كنت بسأل اللي قدمو على فيزا بريطانيه هالأيام او خلال الشهر اللي فات.. كم انتظرتو بعد ماقدمتو طلب الفيزا .. اسبوع اسبوعين .. وهل فيها تعقيد؟ .. مع اننا مطلعين فيزا بريطانيه قبل سنه .. بس ابي اتأكد الحين كيف الوضع
لأننا حاليا مقدمين على الشنقن وننتظر الجوازات وخايفين تجي السفرة ولايمدي نطلع البريطانيه
وسفرتنا ليله العيد لبريطانيا ..
بالله طمنوني الله يجزاكم خير

التعليقات (9)

NoOnEe

28-12-2022 - 03:45 pm

اذا مطلعين من قبل ، اموركم تمشي تمام
لا تشيل هم ، فيزا بريطانيا تطلع من بكرا على طول
احنا عددنا 6 وطلعت من بكرا
عبوها من الانترنت واطبعوها وخذوا صور معكم وتمشي اوركم سهله ان شاء الله

محمد الحربي

28-12-2022 - 04:46 pm

اذا مستعجل عندهم صاله خاصه vip يسهلون امرك
انا قدمت يوم الثلاثاء طلبوا مني كشف حساب وتعبئة
الاستماره حتى ساعدوني في التعبئه وصورتين مالقوا
عندي الا وحده ورضوا بها (هذي فعايل الدراهم)
ووعدوني يوم الاثنين الاستلام والله يوفق

المها المغتربه

28-12-2022 - 05:47 pm

السلام عليكم انا زوجي قدم على الفيزا لبريطانيا قبل رمضان بيومين قدم اليوم ومن بكره جته رساله بعدين راح واستلمها الشغله يوم واحد وبالتوفيق

boto

28-12-2022 - 06:48 pm

الله يجزاكم كل خير .. ويسعدكم بالدنيا والآخرة
طمنتوني الله يطمنكم يارب

شوربة رمضان

28-12-2022 - 07:49 pm

مبروك لأخوانا اللي استلموها
وعقبالنا
حنا تونا مابعد قدمنا مع ان سفرتنا ثاني يوم العيد
طيب واللي اول مره يطلع كيف اموره
بتطول معاه ولا عادي نفس وضعكم??
تكفون علموني تراني عليمي
عددنا 8 ومن الرياض

محمد الحربي

28-12-2022 - 08:50 pm

انا اول مره اطلعها و ان شاء الله يوم الاثنين استلمها
المشكله مالقيت حجز الله يسهل

بنت الجراح

28-12-2022 - 09:51 pm

انا خذت مني 3 ايام فقط
والامور سهله جدا ماخذت مننا نص ساعه

شوربة رمضان

28-12-2022 - 10:52 pm

ااختي بنت الجراح
بارك الله فيك
ياليت تقولين لي كيف الاجرائات
يعني ايش الاوراق اللي طلبوها منك
وكيف طلعتوها عن طريق مكتب او لا?
وبالنسبه للحريم الصوره مكشوفه الرأس او كيف
ونأسف على كثره الاسئله

navvaf

28-12-2022 - 11:53 pm

يعني انا اللحين بحط السفره في راسي بروح لخوي طالب
بس مدري وش المطلوب
الي خبري مشهد بالراتب
صورتين شمسيه مكشوفه الراس
كشف حساب
ولا عندي اي حجوزات فنادق ولا تامين صحي ولا حجز طيران
هل يلزم علي الحجوزات اذا ابي فيزه سياحيه او زياره
مع العلم اني حصلت علي مرتين فيزه شنقن
وكل عام وانتم بخير
وكل الشكر لكم

بريطانيا المسافرون العرب

اللي طلع فيزا بريطانيه هالايام تعالو الله لايهينكم وعلموني