نصيحه اذا تقدرين تحطين العيال عند احد فافضل عن تجربه
اولا اعمار اولادك الله يحفظهم صغيره وماراح يحسون ويستمتعون بالرحله ولا راح تعني لهم شي بالاضافه الى وقت رحلتك الجو بيكون ابرد وممكن لاسمح الله يصابون بالتهاب وعندها عاد الله يعينكم
زود على هذا غثاء عليك وعلى ابوهم في التنقلات والاكل والشرب
اولادي اكبر وحطيتهم عند جدتهم ووعدتهم بدبي اذا برد الجو
بصراحه اذا انتو اثنين وناسه وتحسون بمتعه

وسم
كلام سليم ... بالاضافه الى الاجواء بشهر 9 بارده بالريف مع تقلبات جويه وامطار
تحياتي

مشكورين أخواني
أقصد .. نحن هاي فرصتنا إننا نسافر و نغير جو .. و العيال ودي آخذهم ..
.. طيب في اقتراح لدوله ثانية يكون جوها معتدل ..؟؟ و يكون فيها ريف.

تاشيرة
ماليزيا او تايلند
بس الجو حار مع رطوبه
بصراحه انا الى الان ما شفت الا فينا
بجد يكفي جوها ونسمات الهواء صدق اللي قال ليالي الانس في فينا
جوها عليل وطبيعتها ساحره كيف بزيلاماسي وكابرون وانسبروك وسالزبورج

نصيحه يا قلبي اخذيها مني
روحي انتي وززوجج يا عمري لها الدوله هذي للاستمتاع وحياة رومانسيه
لكي انتي وزووجج
وتمتعي في الحياه في زيلامسي وكابرون
حبيبتي تركي عنج العاطفه والدموع واستانسي انتي وزوجج
في السفر وبعدها بترجعين باحضان اعيالج
صدقيني راح تتعبين مع العيال وتتلعوزين
واتمنى لكي رحله موفقه
انا اللحين مسافره مع اخت زوجي ومع اعيالها والله انها تتندم على اخذها لعيالها وحيل تعبانه منهم اهي وزوجها
وشكرا

ما أنصحك تاخذينهم اولا" التنقل والمسافه راح تتعبهم جدا" وخصوصا" راح يتغير الجو عليهم وبيمرضون
وبعدها راح تطقينها ندامه
الافضل اتركيهم عن احد ثقه وانبسطي صح اول ماتروحين بيضيق صدرك بس اول مابتوصلين بتنسين ان لك عيال اساسا"
واذا انتي حابه تاخذينهم حتى لمكان ريفي صدقيني تعب عليهم وعليك
بس مالك الاماليزيا لان جوها حلو معتدل
بس النمساء ماراح تتكرر عليك روحي واستودعيهم الله الذي لاتضيع ودائعه

انا رجلي على رجل عيالي حتى لو كانوا باللفه خصوصا لو سفرتي اكثر من اسبوع
والحمد لله مرتاحه نفسيا حتى لو تعبت جسديا
وان شاء الله ناويه اسافر في اكتوبر وراح يكون معاي نونو عمره 40 يوم ان شاء الله