قارمن205
25-11-2022 - 02:44 pm
السلام عليكم ورحمة الله
أخوكم جاي يبي شوركم عقب ضيعة شينة في الرياض البارح
من الساعة 4 العصر أحوم تقول موسوس وحتى الساعة 7ونصف ولا حصلت على مرادي
السالفة يا أخوة قررت أشتري جهاز قارمن واحترت
رحت دار موجه اللي في المرسلات ولقيت عنده جهاز نوفي205 ب 850ريال
يقول فيه الخرائط للسعودية والخليج براري ومدن.
بينما وجدته عند واحد بجنبه(نفس الجهاز) ب 500ريال
كلّمت اللي في دار موجه قال لي هذا اللي جنبنا خرائطه غير أصلية ولايقبل جهازه التحديث.
فرحت أنا أبيهم يتطاقون ويتهاوشون ههه
خبّرت السوداني قلت له ترى اللي في دار موجه يقول شغلكم على المنسوخ
قال أتحداه وخرائطنا من قارمن ومن السياري وأحسن منه .
وش رايكم والله لحسو مخي مدري من الصادق وأي جهاز آخذ
إذا قلت أبو 500 جاني الباكستاني اللي في قارمن وقال (منسوخ) مافي كويّس ههه
وإذا جيت باخذ اللي في دار موجه قال السوداني المنافس (داير تغش حالك وتعطيهو الفلوس من غير حق آآآي)ههه
وش رايكم ياشباب أبي ناس جربت وعندها خبره
اللي بيجاوب بدعي له ..يارب الله يرضى عليكم ويرزقكم الذرية الصالحة يارب العالمين استغفر الله استغفر الله استغفر الله
في باعة موجودين في بعض المنتديات ...
يبيعون الأجهزة بسعر جذاب ومعها كل الخرائط التي تحتاج ...
السعودية الخليج البراري وبعض الدول العربية بل وحتى اوروبا وامريكا وكندا ....
وكلّها في حدود الألف ريال ...
لو إدارة المنتدى تسمح ... وضعت لك رابط مباشر لباعة موثوقين في منتديات معروفة متخصصة في هذا المجال ...
أنصحك بهذا الجهاز ...
Garmin Nuvi 780
المميزات
1- شاشة عريضة 4.3
2- جهاز عربي بالكامل (قوائم + تحدث )
3- تغطية لامريكا الشمالية كاملة (امريكا + كندا )
4- نظام اتصال اف ام لاتصال براديو السيارة
5- مشغل mp3 صوتي
6- ذاكرة داخلية 2جيجا
7- بلوتوث
8- يرسم مسارات وتحركات (لعشاق البر )
9- خدمة MSN لمعرفة حالة الطقس ومحطات الوقود واسعارة (تعمل في امريكا فقط )
الضمان
الاجهزة تخضع لضمان شركة جارمن Garmin لمدة عام واحد , وبالامكان تسجيلها في موقع الجارمن
الملحقات
1- الجهاز والكرتون و دليل الاستخدام
2- قاعدة للسيارة (تعمل بالشفط ) بالامكان تركيبها وازالتها بسهولة
3- شاحن سيارة
4- كيبل usb يعمل كشاحن وناقل للمعومات
الجهاز + خرائط الخليج + الشحن لمناطق المملكة
موفق