اول شي واهمها يبيلك شنقل عشان بريطانيا مو من الدول الي مصرح لك انك تتنقل بي فيزتها ثاني شي باريس عن لندن 40 دقيقه قطار تحت البحر والتنقلات مره سهله مو با الصعوبه الي تتوقعيها بس اهم شي معك شنقل

مثل ما قال اخوي السهران اهم شي يكون معك فيزا الشنغن عشان تقدرون تطلعون للمدن اللي ذكرتي(عند المغادرة من لندن لباريس يطلبون جوازاتكم مع التذاكر.. اما مابين دول الشينغن فقط التذاكر)
وبالنسبة للقطارات والمحطات حقت لندن وباريس ممتازة يعني لاتشيلون هم (الجزء اللي تحت البحر مايطول وماتحسون فيه ابدا)
عشان تقدرون ترتبون رحلاتكم من الأفضل يكون عندكم خريطة اوربا عشان تختارون المدن اللي متقاربة
وان شالله رحلة سعيدة

فعلا مثل ماذكروا الاخوان
وبعدها مكن ترتبون
واسهل شيء تطلعون من لندن الى باريس
ومن باريس ممكن الى نيف وانترلاكن وغيرها من روائع المدن السويسرية
وممكن من باريس الى بروكسل المدة جدا بسيطة بالقطار ساعة وربع

انا أخذت قطار من باريس-لندن -باريس بصراحة روعة وأحلى من المطارات ونصيحتي لا تفكرون ولا بلحظة انكم تروحون بالطيارة كل اللي يبيلكم :
1- حجز من موقع القطار يورو ستار
2- تكونون في المحطة قبل الموعد بساعة ونصف عشات تصدرون التذاكر اللي فيها رقم المقعد والكابينه
3- وأهم شي ما تترددون في السؤال عن مكان اصدار التذاكر ومكان القطار عشان ما يضيع وقتكم في ال:112:.
ملاحظة ( اطلب وجبة HALAL ) أثناء حجز التذاكر من النت
الموظفين و شرطة الجوازات متعاونين جدً جداً
بالتوفيق
بصراحة وناسة

المنصوري_قطر
بصراحه أخوي المنصوري انا كان يراودني نفس سؤال الاخ عن القطارات والتنقل من لندن لين جنيف وغيرها ... بس المشكله ني افكر في الشنط وكيف ممكن نتنقل وعندنا شنط احس صعبه ؟

Qatariaaa
بس المشكله ني افكر في الشنط وكيف ممكن نتنقل وعندنا شنط احس صعبه ؟
في مكان مخصص حق الشنط جنب باب القطار
أو
في إمكانية شحن الشنط check-in نفس خدمة الطيران تماماً
القطار في لندن ينطلق من محطة
St. Pancras
و مدى الرحلة 2 ساعة و نص
سعر التذكرة يغلى مع اقتراب موعد السفر
ف احجزوا من الآن اذا تبون سعر محترم

رحلة لندن - باريس بالقطار ممتعه وايد ويتخللها نزول القطار للنفق تحت البحر ( طبعا ماراح تشوف ماي ) ..
المده تقريبا ساعتين ونص الى باريس ..
لازم تاخذ فيزا ( الشنغن ) ..
القطار اسمه يورو ستار و المحطه ( ووتر لو) وسمعت انهم راح يغيرون المحطه تاكد من مكان الحجز ..