هلا بك اخوي
اذا هي اغراض شخصية واذا بتشحنهات معك على نفس الرحلة فلابد تعمل حساب الوزن المسموح لك
ممكن تشحنها على الكارقو الشحن السعودية وممكن تنسق مع نفس المحطة
او ممكن تشحنها عن طريق مكاتب الشحن في البلد اللي انت فيها مثلا سويسرا السويس بوست اسعاره ممتازة

طيب ،، سمعت إن العطور مسموح لي آخذ كمية بسيطة والزايد يصادرونه ،، مدري صح المعلومة والا لا

صبر الارض
نعم صحيح اذا شلتيهم معك في الطائرة بشنطة ايدك بيصادرون اي سوائل اكثر من 50 مم للشخص
في حالة شرائك للعطورات من محلات المطار - الديوتي فري شوب فوقتها ممكن تطلع معك الطائرة اذا تم تغليفها بالطريقة الصحيحة واحتفظتي بايصال الشراء
بالنسبة للعطورات اللي شاريتهم من البلد فالفضل ماتحملينهم بايديك والاافضل توزعينهم على شناط السفر الكبيرة

مطار جنيف يسمح لكل راكب بان لايزيد وزن الشنطة الواحدة عن 32 كجم حسب افادة موظفة الخطوط السعودية في بداية شهر يوليو 2011 وبالتوفيق

وإن زاد عن 32 كجم وش يصير

الرياض2010
نظام الحد الاعلى لوزن القطعة وهو 32 كم في جميع مطارات العالم
والقصد من ورا هذا القانون حماية ظهور الموظفين من الاصابة
في حال زيادة وزن الحقيبة عن 32كم فإن موظف الكاونتر راح يرفض استلامها

aboaziz
فعلا اخوي ايو عزيز وحصلت معي عام 2009م في مطار فينا عند العودة الى الرياض كان وزن الحقيبة 36 كجم واضطريت في المطار اني اغلف 4كجم في غلاف بلاستيكي قيمته 7 يورو وفعلا قالت الموظفة حنا حريصين على سلامة العمالة

الرياض2010
الله ياجرنا بس على العفوش والاوزان اللي مالها داعي
كثير من العوائل اشوفهم في المطار وفي محطات القطار يسحبون بالحقائب اللي ممكن تخرب عليهم اجازتهم
المسألة ومافيها هي حسن تنظيم وتدبير وكنترول من اب العائلة
وهذا اللي اعمله قبل كل سفرة اخليهم براحتهم كل واحد من افراد العائلة يختار اغراضه ويجي الكنترول يمر عليهم ويصفي اغراضهم ويرتبها على قدر مايحتاجونه بالضبط على عدد الايام
وفيه شغلات جدا مهمة وبسيطة من اهمها طريقة تعبئة الشنطة ووضع الملابس في اكياس يتم تفريغ الهواء منها وما تتخيل قد ايش مهمة في ترتيب الشنطة
سوء التقدير وقلة الخبرة في السفر هي احد اهم اسباب كثرة العفوش مع ربعنا
الله يوفق الجميع

aboaziz
في كل سفرة جديدة نقلص العفش الى الاقل اثناء الذهاب ولكن الاشكالية في العودة اذا شفنا البضاعة الاصلية والزينة اثناء التسوق نشتريها وبدون تردد خصوصا الماركات في الويست سايد-فوكس تاون-سيرفالي-ماركات الدومو في ميلانو-المانور- ,,,,الخ,,,, وكلك نظر يابو عزيز