هذا رابط الجامعة وراح ارجع لك اذا حصلت معلومات عن المدينة
http://www.maryland.edu/

شكرا اخوي 00الله يوفقك ويسعدك ويسخرلك من هو اقوى منك 0

في جزيره هادئه
شكرا دعوة جميلة بارك الله فيك فعلا انا بامس الجاجة لهذي الدعوة هذة الايام جزاك الله عني كل خير

اخوي انتو رتبتو التسجيل في معهد ولا للحين ؟ المدة اللي بيتم فيها اخوك هناك ؟ هل هي في الصيف ولا بيدرس لغة تعده لدخول جامعة امريكيه ؟
ان شاء الله بعدها بنتعاون ونلقى المكان وكل شي حق اخوك
تطمن

هلا اخوي 00الله يرفع قدرك بين خلقه ويطمنك على من تحب 00انا اختكم 00هو راح يدرس بمعهد تابع لجامعة ميرلاندوالمده سنه راح يمددها عشان يقبل بالجامعه لتحضير الماجستير بس نسبته منخفضه 2067 هل فيه جامعات تقبل هالمعدل 00وهورايح بعد اسبوعين 00وبالنسبه للسكن مع العائله كيف نرتب لهالشي والله يجزاك الجنه ووالديك ويفتح لك اوسع ابواب رزقه ويفرحك بالغاليين على قلبك 00هذا اخوي القعده ومره قلقانين عليه 0

1. الله يجزاك الجنه يا أختي وصدقيني اني ماسويت الا الواجب

الله يجزاك الجنه يا أختي وصدقيني اني ماسويت الا الواجب

المهم اختي الكريمه .. خليني اكون صريح ترا نسبته قليله جدا وصعبه انه يلقى قبول اذا ماحب يرفع هالنسبه بمعنى انه ان شاء الله راح يكمل اللغه ويجيب التوفل او الايلس بالنسبه اللي تطلبها الجامعات لكن الادهى والامر وهذا من واقع تجربة صعبه جدا الجامعات تقبل هالنسبه لان وزارات وهيئات التعليم العالي في الخليج ماتعترف الا بالجامعات القوية خارج بلدها , فا اذا اخوك معزم وناوي يكمل وحالته الماديه حلوه انصحه بالاتي
اولايدخل المعهد ويحاول بكل مايستطيع انه يتفوق باللغه الانجليزيه سواء كانت محادثه في الحياه العامه او مصطلحات اكاديميه وقراءه وكتابه وإعداد تقارير وهذا في متناول يد كل انسان مجتهد وواضع اللغه نصب عينيه
ثانيا من يوصل يتصل على مكتب الطلاب في المعهد يساعده في البحث عن جامعة معترف بها لدلى وزارة التعليم العالي عندكم وبنفس الوقت هو يسأل الطلبه ويبحث عن اللي يقبله لعلى وعسى يتوفق بوحده منهم لانني كما قلت سابقاً ان القبول للماجستير والدكتوراه في امريكا صعب
ثالثا اذا ماتوفق بجامعة تقبله بهالنسبة لازم يتصل على حدى هالجامعات ويقول لهم انا ابي ارفع نسبتي فا الجامعه اللي لها رغبه في قبولة بتقوله ادرس كورس او كورسين في كلية مجتمع ( تعطي دبلوم ) او احدى كليات هالجامعه لدرجة البكالوريوس لعلى وعسى يرفع نسبته لل 2.50 وينقبل
رابعا راح يطلبون منه امتحان قدرات وهو جيمات لتخصصات الادارة او جي ار اي وهو خاص بالعلوم والتربية وخلافه وهذا الامتحان يبيله اعداد ..
فا اختي الوضع صعب لكنه مب مستحيل فا اخوج لازم يروح هناك وهو على بينه من الموضوع
اخيرا بالنسبه للسكن اتصلو على المعهد من الحين بخصوص العائله سواء عبر الهاتف او الايميل لانني والله اجهل هالمدينة ,, قولو للمعهد انه ناوي يسكن عند عائله واذا مالقا معهد يسكن فيه .. هناك في امريكا في شغله يسمونها روميت وهو ان طلاب يتشاركون السكن فا يحاول يسكن مع امريكان منها يحتك معاهم باللغه ومنها يطلع السكن عليه ارخص لكن الافضل هو السكن مع عائله وان شاء الله تلقون له قبل السفر واي سؤال اختي الفاضله سأليه وانا حاضر

الله يسعدك اخوي والله ماقصرت وجميلك على راسي 00من جد الدنيا بخير الله يكثر امثالك ويوفقك ويمكن لك بالارض ويرزقك ويرزق منك اللهم امين 0