قبل ما يجو الخبراء, حبيت اقول ان سعر الشقة لمدة اسبوع تقريباً 5000 درهم. بالتالي اذا المصاريف هم بالنسبة لك, انا اشوف ان سعرها غالي بس الحلو فيها انها فخمة مقارنة بشقق كثير شفتها من قبل. اما اذا المصروفات من مشكلة بالنسبة لك, اعتقد انها مناسبة.
من المعلومات الي مذكورة بالرابط, انها تبعد عن انترلكن حوالي 21 كيلومتر. يعني لو عندك سيارة تاخذ حوالي 15 دقيقة لين انترلكن. بالنسبة للسعر, مابين 3000 - 3500 درهم اعتقد انها مناسبة لمدة اسبوع. و انت و صرفيتك.

الله يعطيك العافيه ... ماقصرت والله ... بس فيه استفسار ثاني .. تنصحني نحجز يومين في اي سكن وبعدها ندور على راحتنا كوخ مناسب ..وتسلم الله يخليك ..*

ان شاء الله اكون فهمتك صح. انت تقصد, انك بتسكن اول ليلتين في سكن محجوز من هنا و بعدين يوم تروح هناك تدور على سكن لباقي المدة!! اذا كان قصدك كذا شوف, انا ابوي معظم سفراته كذى. يحجز مال 3 ايام و الباقي من هناك. بس هو ترى يقعد مو اقل عن شهر, يعني اربع ايام هنا, و خمس ايام هناك و بالطريقة هذي. في العادة يلف 3 - 4 دول.
بس المدة عنده تساعد بعدين هو ما شاء الله عليه خبير سفر. اما اذا انت بتسافر مال 10 ايام او المدة قليلة بشكل عام, انا اشوف و الله اعلم انك تحجز من هنا افضل. يعني الحجز من هناك احس انه ينفع الناس الي يتصيف لمدة طويلة.
طبعا هاي الطريقة لا تخلو من خطورة, بالذات اذا الواحد استهون شوي, يعني مو تروح منطقة جديدة و تقعد تعمل جولات سياحية و حواطة و تجي آخر الليل تقول اريد سكن, كذى انت يمكن تبات على الرصيف.